علاج تساقط الشعر بالاعشاب المغربية
اليوم جيت جايبة لكم وصفة ضد تساقط الشعر
تقوي الشعر و تاتخليه يخلف و بالدوبل
و مجربة عطاتها لي جداتي
من وصفات جدتي
كانت تاديرهالخوالاتي و ماما بزاااف
هي خصها شوي د الوقت في التحضير لكن النتائج مضمونة باذن الرحمان
يعني غير جربيها بلا تردد و حيدي عليك العكز
مكونات وصفة علاج تساقط الشعر بالاعشاب المغربية :
مرارة العجل (تأكدي منها خوديها من عند شي جزار ثقة او من الكرنة)
الحرملزيت الزيتون
طريقة تحضي روصفة علاج تساقط الشعر بالاعشاب المغربية :
تشدي الحرمل نقيه و دقيه و غربليه
تفتحي المرارة و تعمريها بيه
و تعقديها
و تعلقيها في الشمس تاتيبس
تيبس مزيان
اتشد الوقت صبرو عليها
منين تيبس فرتيتها طراف كبار فشي طبسيل مغطي و خبيه تحت شي سداري
و هزي طرف بطرف من ديك المرارة فرتتيها مزيان فتات صغير و عمليها في قريعة مع زيت العود
و شقي راسك بيها قبل الحمام بليلة و نهار
و اجي طلي ما شاء الله عالخلف
و على الشعرة قوية
و مرة مرة
ديك الويتة دهني منها شعرك منين تصفى و يتنزل داك الشي لي تاتشقي بيه
و بالتوفيق ان شاء الله
و ماتنسايش منين تكوني تدوزي يديك على شعرك
او تاتشوفي فيه في المراة
قولي
سبحان الخالق البديع
امانة يا البنات الي عجباتها وصفتي
ماتخرج تادعي معايا
و الي ماعجباتهاش مسموحة الله ييسر امورها
