موضوع خاص بالدردشة وكل الغي بلغاه !!!!

االسلام عليكم ورحمة الله وبركاته
هذا الموضوع فتحته خاص بالدردشة وكل الغي بلغاه !!!! يعني افتح لنا قلبك ودون اي شيء يعجبك ان تتقاسمه مع أعضاء هذا المنتدى الطيب، دون دون تردد شاركنا يومياتك خواطرك اي شيء يخطر في بالك ......
لي رجعة للموضوع ان شاء الله...

وانا ابحر على النت ...وكنت استمع باستمتاع لسورة الكهف، سمعت رنة بوصول SMS على هاتفي، وكم كرهت نفسي واتصالات المغرب لكثرة رسائل SPAM  الصراحة يجب مقاضاة هاته الشركة..!!! سابقا جائتني رسالة ان كنت ارغب تسلم  رسائلهم (المزعجة) فاخترت خيار انني لا اريدها (وكم اكرها)،  لكنها فعلا مجرد جعجعة ولا ارى طحينا............يعني هبيلة وقالو ليها زغردي.........صدقناهم ...ولكنهم كانوا يودون فقط ان نرد عليهم، لغاية في نفسهم !!!
ولكن لو تريدون الصراحة، كما تدين تدان، أغرقت الناس في وقت من الاوقات برسائل السبام، وجاء دوري لتأدية الدين

شكرا على هذا التقاسم واثمن صراحتك هذه بارك   الله فيك

شكرا على هذا الموضوع الذي يزيد من تقارب  الاعضاء وتقاسم الحوار 
ملي كنت صغير كنت تلميذ مجتهد وذكي حسب شهادة اساتذتي لكن واحد النهار عرفت شحال انا غبي 
كنت واقف حدا سيارة تنشوف واحد الصبي من سني وصورتو مغريباش علي بقيت نحملق فيه باغي نتفكروا 
عييت نعصر الذاكرة وحشمت انا نشوف فيه وهو يشوف في بحال حكاية داك خينا وطاجين الحوت 
شوية طاح من يدي الساروت حنيت للارض نهزوا وشفتو حتى هو قلدني 
ته ياربي يا لطيف يالطيف 
هداك الصبي كنت هو انا باين لي وجهي فجاج السيارة لي واقف حداها 
ونا نقول ايوا ذكي مع راسك اسي حمان ،من داك النهار ونا مخبيها فقلبي حتى جا سي جمال ليوم وسل لي اللسان وهانا كريت من بعد شحا ل سنة

جميلة هاذ الحكاية عند اسي حمان صراحة تفرشخت بالضحك ههههههههههههه احيانا تيوقعوا شي حوايج للأنسان ديال التصطية ..........الله يحفظ وصافي

نتمنى أن يحذو حذوك باقي الاعضاء..........المجال مفتوح حتى 12 ديال الليل وغاذي نسد الموضوع

هذا هو حال الي مايسولش!!!!
واحد النهار بغيت نمشي للرباط باش نجيب شهادة الخدمة العسكرية من الرباط، وربما هذا هو اسمها، المهم لم اجد الحافلة التي تذهب مباشرة للرباط، فركبت حافلة متوجهة الى الدار البيضاء، وعند وصولي قال لي الكريسون نزل راه المحطة ديال بنجدية على ماأذكر هذا هو اسمها، وكانت لاتظهر للعيان، فأوقفت طاكسي صغير، وقلت لو بغيت نمشي لكراج علال، وصلني وانا نسولو بغيت نمشي للرباط؟؟!! وهو يتفرقع بالضحك!!! قال لي شفت البلاصة من هزيتك، جاوبتو اييه، قال لي تما كاينين الحافلات ديال الرباط هههههه وهي تبرد معايا، وانا نشد طاكسي صغير، ورجعت لبلاصتي، وكملت الطريق، مابغيتش نسول من الاول، باغي ندير فيها العياقة هههههههههه هاذه الواقعة لها اكثر من 22 سنة..........تحياتي للجميع والله الموفق

شكرا