ملك وهمة وشان
حاضيك الرحمان
ترحل من مكان
لمكان
الله ينصرك
يا عز العربان
رمز وحارس
هذا الوطن
شعبك عايش
في الآمان
اللي ما عندو
الكثير عندو القليل
وهاني شبعان
كية اللي خان
وصبح ندمان
الله يحفظك
بجاه القرآن
شكون يكون بينا
انت اللي حنين فينا
ونحلف إلى كتبغينا
وتتسارى واحد
واحد علينا
من مدينة لمدينة
وتشوفنا آش بغينا
ومن المفسدين تحمينا
واللي ما يحبك
تغرق بيه السفينة
ها حنا غراقينا
عملتي ما فجهدك
باش تنجينا
وإلى شكينا عليك
من مالك تداوينا
الله يطول فعمرك
يا ملك مغربنا
لهلا يخطيك علينا
حتى نشوفو المغرب كيف بغينا
واللي ما يبغيك
الله يغرق بيه السفينة
وبالخصوص هدوك اللي باغين الروينة
من غيرك شكون يكون بينا
هانتوما شوفوا التواضع
والخبزة جاية ما بين أيدينا
غير صبروا يا المغاربة
بالخير إن شاء الله تعود علينا
ماكاين حتى شي واحد
من غيرو اللي يحن فينا
فين ما جاكوم
زغرتوا عليه بالزغارت الحنينة
فالبادية و فالصحرا و فالمدينة
ودعيو معاه وطلبوا ربي يخليه لينا
