فن الملحون :

تذكير بمساهمة فاتح الموضوع :

تراث اثنو غرافي



الملحون

هو نوع من الزجل الشعبي المنظوم بالعامية المغربية. وهو ينظم داخل قصائد ترتكز مند القرن العاشر تاريخ استكمال مقوماته العروضية والموضوعية ، على أربعة بحور هي: المبيت، ومكسور الجناح، ولوشتت، والسوسي وما يتفرع من هذه البحور من مرمات وقياسات. ومن أغراضه المتعددة نذكر: التوسلات الإلاهية، والأمداح النبوية، ووالوصايا الدينية والإجتماعي ة والربيعيات والعشاقي والترجمة ولعراض والهجاء والرثاء.

يعود تاريخ نشأته إلى الفترة الموحدية حيث اشتهر من الشعراء إبن غرلة وعبد المومن الموحدي وابن خبازة وابن حسون. وخلال الفترة المرينية اشتهر الكفيف الزرهوني ومولاي الشاد وعبد الله بن حساين. ويعد العهد السعدي فترة ازدهار الملحون حيث ظهرت مستجدات في الأوزان والبحور والأغراض على يد المغراوي والمصمودي. وقد بلغ أوجه خلال الفترة العلوية على عهد السلطان محمد الثالث مع بروز فطاحل هذا الفن أمثال الجيلالي امثيرد ثم فيما تلا ذلك من العهود مع العمراني و وبن سليمان وسيدي عبد القادر العلمي والتهامي المدغري.

اختلف الباحثون حول مفهوم كلمة "ملحون"، فالأستاذ محمد الفاسي يرى أنها مشتقة من كلمتي لحن وتلحين اللتان تعنيان الغناء والتنغيم. في حين يذهب الدكتور عباس الجراري إلى أن أصل الكلمة مشتق من اللحن بمعنى الخطأ اللغوي. وهو ما عارضه الشيخ أحمد سهوم على اعتبار أن الخطأ اللغوي هو الناتج عن خطأ في القراءة أو الكتابة ولو كان النص فصيحا، ومن تم فهو يعتقد أن لغة الخطاب في الشعر الملحون هي الدارجة المغربية التي وإن كانت ابنة العربية الفصحى، فهي قد تحررت من قيودها النحوية، وأضحت لا يحكمها سوى المنطق ومن تم لا يمكن اعتبار أذابها مغلوطة.

والأسماء الأخرى للملحون كالعلم الموهوب والسجية والنظام والكلام والشعر ولقريض والأوزان واللغا والعلم الرقيق ولكريحة، تعكس كلها مفاهيم لغوية أو فكرية لا صلة لها بالجانب النغمي الموسيقي. وقد ارتبط الملحون بالغناء مند القرن العاشركما واكب التطور في الحاصل في بنية القصيدة توجه نحو دعم أسباب تعامله مع الأنماط الموسيقية والإستفادة من معطياتها وساعد ابتكار الحربة والسرابات والنواعير على تشكيل البنية اللحنية للقصيدة. وهكذا استمد الملحون من الأغنية الشعبية بعض الآلات كالدف والتعريجة والهندقة والفرخ، إضافة إلى بعض أنساقها اللحنية وتركيباتها الإيقاعية مثلما استمد من الموسيقى الأندلسية بعض طبوعها النغمية.

وفي تعريف آخر

نبع شعر الملحون من تافيلالت و ترعرع في مكناس ليعم باقي المدن المغربية التقليدية كفاس و مراكش و سلا و الصويرة و تارودانت.. وحمل مشعل هذا الفن على مدى قرون شعراء شهد لهم التاريخ بالعبقرية والتفرد، تفننوا في استعمال الكلمات الموزونة والمحسنات البلاغية وابتكروا بحورا وأوزانا شعرية وأبدعوا في كل الأغراض من مدح وغزل وهجاء وخمريات...
وقد سمي هذا الشعر بالملحون لأن الشاعر ينظم فيه على إيقاع خاص، و بذلك يجمع بين النظم واللحن. وهذا وجه من وجوه تسميته بهذا الاسم وهناك وجه آخر وهو" اللحن"، بمعنى الخطأ، أي أنه خارج عن القواعد الإعرابية الفصيحة. والبيت الشعري في الملحون يمكن أن يتركب من شطرين أو شطر واحد، وقد يصل إلى ثلاثة أشطر أو أربعة حسب البحر الذي نظمت فيه القصيدة. وقد دأب أهل الملحون على تسمية الشطر الأول من البيت، أي الصدر، بـ: "الفراش". والعجز بـ:" الغطا"
وإذا تألف البيت من أشطار تفوق الإثنين يسمى الشطر الثالث: " الغطا الثاني"
وهكذا. وبحور شعر الملحون تصل إلى خمسة بحور. وكل بحر ينقسم إلى عدة قياسات. وعروض الملحون لا يتكون من التفاعيل كما في الشعر الفصيح، بل يتكون من مقاطع على غرار الشعر اللاتيني. وهذه البحور الخمسة هي: " المبيت ، مكسور الجناح ، السوسي المزلوك، المشتب والذّكر
جدير بالذكر أن بحور الملحون تعرف عادة باسم "المرمات". و أول بحرعرفه شعرالملحون هو بحر " المبيت "، و يتركب من أبيات تتراوح بين شطرين وخمسة أشطر وعدد تقاطيع البيت تختلف حسب قياساته التي تصل إلى 153 قياسا).
و البحر الثاني في عروض الملحون هو " مكسور الجناح " وهذا البحر لا يتركب من أبيات، وإنما من أقسام. وكل قسم كأنه بيت بذاته. يبتدئ الشاعر أولا بشطر واحد عدد تقاطيعه عشرة، ثم تأتي بعده " شطيرات " صغيرة تسمى " لمطيلعات " يختلف عددها حسب قياسات هذا البحر ثم في آخرها يأتي بيت يكون غالبا على قياس " "الحربة" أو قريبا منه. و" الحربة " هي اللازمة التي تتكرر إثر كل قسم من أقسام القصيدة و بها تعرف أيضا و بالحربة " يتحكم المنشد في ضبط الإيقاع و سمي هذا البحر" مكسور الجناح " لأنه يبدأ فيه بشطر كأنه " فراش " البيت لا يغطى،كأن له جناح واحد و كسر جناحه الثاني ، وبحر " السوسي المزلوگ" شبيه بالمنثورويستهل دائما بشطرين في كل واحد منها سبعة تقاطيع و لهما قافية واحدة ثم يشرع الشاعر في الشعر " المزلوگ " الحر أي أنه لا يلتزم ميزانا و لا قافية وفي آخر قسم من القصيدة يجعل الشاعر بيتا أو أبيات و يستعمل هذا البحــــر
بالخصوص في قصائد " الترجمات " و التي يكون فيها حوار " الخصام" البحر الرابع في عروض الملحون هو " المشتب " و يتكون القسم في هذا البحر من بيت يفصل فيه يبن أول أشطاره و بقيتها بمجوعة من الأشطار القصيرة تسمى " لمطيلعات " فكأن داخل البيت محشو بهذه الأشطار الزائدة وأصل تسمية هذا البحر " بالمشتب " مشتق من كلمة اسبانية estipula تصغير estipaبمعنى التين و منها المشتب الذي تملأ به الفرش و اللحوف أما النوع الخامس فهو المعروف " بالذكر " و القصائد المنظومة في هذا البحر تسمى الذكرات وهي شبيهة بقصائد " المبيت " من حيث أنها تتركب من حربة و لها قياس خصوصي و موضوع " الذكرات " يكون دائما إما في الصلاة على النبي (ص) و مدحه أو في مدح آل البيت و الصحابة و الأولياء.


قصيدة اَلجَّـــــــــــارْ 2

قصيدة اَلجَّـــــــــــارْ نظم الشيخ محمد لكبير بن عطية مبيت ثنائي القسم الأول اَمَنْ اَهْوَاكْ عذّْبْ قَلْبِي وَفْنَانِـــي وَفْنَانِي خَلَّى اَمْدَامْعِي طُوفَــــانْ طُوفَانْ فَوْقْ خَدِّي وَاَلنََّوْمْ اَجْفَانِــي اَجْفَانِي مَحْبُوبْ خَاطْرِي بَبْيَـــانْ بَبْيَانْ خَادْ عَقْلِي وَخْرَبْ دِيوَانِــي دِيوَانِي بِينْ اَلْفْضَا اَبْقَى حَيْـــرَانْ حَيْرَانْ يَاهْلِي شِي يْعَطَّفْ جِيرَانِـي جِيرَانِي لَغْدَرْ عَيْبْ لَلجِّيـــــرَان القسم الثاني جِيرَانْ مَا تْدُوزْ الْجَـارْ وَالْجَارْ مَا بْقَى مَهْجُورْ مَهْجُورْ بِينْ صَهْدْ اَلنَّارْ وَ اَلنَّارْ كَاتْزِيدْ اَشْرُورْ اَشْرُورْ مَاطْفَاهْ اَمْطَـارْ اَمْطَارْ اَوْ مُوجْ اَبْحُورْ اَبْحُورْ فَايْضَا زَادَتْنِي تَمْحَانِــــي تَمْحَانِي زَادْ اُزْدَادْ بَالتِّيهَـــــانْ تِيهَانْ مَالْكِي نَازَلْ لِي فَمْكَانِــــي اَمْكَانِي تَمْلَى اَبْخِيلْ وَالْفُرْسَـــانْ فُرْسَانْ مَنْ اَطْغَاتْ اَلْيُوتْ اَلْعَتْقَانِــي عُتْقَانِي خَلاَّوْ سَاكْنِي وَلْهَــــانْ وَلْهَانْ يَاهْلِي شِي يْعَطَّفْ جِيرَانِــي جِيرَانِي لَغْدَرْ عَيْبْ لَلجِّيــــرَانْ القسم الثالث جِيرَانْ بَالْحْسَانْ اَتْرُوفْ اَتْرُوفْ مَاتْدُوزْ اَولِِــيفْ اَولِِيفْ سَاكْنُ مَدْنُــــوفْ مَدْنُوفْ وَالْقْلِيبْ اَرْهِيـفْ اَرْهِيفْ بَالْهْوَى مَخْطُوفْ مَخْطُوفْ وَالْبْدَانْ اَضْعِيفْ اَضْعِيفْ يَاتْرَى يَتْبَدَّلْ غِيوَانِــــي غِيوَانِي يَرْقَى وُحَالْتِي تَزْيَــــانْ تَزْيَانْ فِي اَقْرِيبْ اِيكًبَّلْ سُلْطَانِـــي سُلْطَانِي بِيدُو اَنْغَدَّرُ كِيسَــــانْ كِيسَانْ اَلرّْحِيقْ عْلَى كُلّْ اَلْوَانِـــي اَلْوَانِــي وَنَا اقْبَالْتُ سَكْـــرَانْ سَكْرَانْ يَاهْلِي شِي يْعَطَّفْ جِيرَانِـي جِيرَانِي لَغْدَرْ عَيْبْ لَلجِّيــــرَانْ القسم الرابع جِيرَانْ نَاشْطَا بَالـرَّاحْ بَالرَّاحْ وَالْصْحَابْ اَتْمِيــحْ اَتْمِيحْ وَاَلشّْمَعْ نُــوَّاحْنُوَّاحْ بَاَلدّْمُوعْ اَيْْسِيــــحْ اَيْسِيحْ وَالْوْتَارْ اَصَـاحْاَصَاحْ واَلرّْبَابْ اِيصِيـــحْ اِيصِيحْ وَالْغْزَالْ اِيْجَاوَبْ لَلْغَانِــي وَالْغَانِي صُوتُو يْدَهَّبْ لَحْـــزَانْ لَحْزَانْ يَنْقْلَبْ بَسّْرُورْ وُسَلْــوَانِي سَلْوَانِي بَوْصَالْ قَدّْ غُصْنْ اَلْبَــانْ اَلْبَانْ فِي رْيَاضْ اَمْحَتْفَلْ يَرْضَانِـي يَرْضَانِي وَنْمِيسْ باَلْهْوَى نَشْــوَانْ نَشْوَانْ يَاهْلِي شِي يْعَطَّفْ جِيرَانِـي جِيرَانِي لَغْدَرْ عَيْبْ لَلجِّيــــرَانْ القسم الخامس جِيرَانْ عَنّْهُمْ اَسْــلاَمْاَسْلاَمْ بَالزّْهَرْ مَخْتُـــومْ مَخْتُومْ طَابَعُ بَنْسَــامْبَنْسَامْ طِيبْتُ مَنْسُــــومْ مَنْسُومْ فَاتَحْ اَلتَّبْسَــامْتَبْسَامْ مَنْ اَثْغَرْ مَبْسُـــومْ مَبْسُومْ اَسْمِي مِيمْ وُحَا كَفَانِــــي كَفَانِي مِيمْ وَاَلدَّالْ لَتََّبْيَـــــانْ تَبْيَانْ ضِفْ بْيَانْ اَلزَّوْرْ اَمْعَانِــي لَمْعَانِي عَنْدِي اَمْفَنّْنَا تَفْنَــــانْ تَفْنَانْ يَفْتَنْ مَنْ جَحْدُ مِيزَانِــــي مِيزَانِي زَهَّى اَكْهُولْ وَاَلشَّبَّــانْ شُبَّانْ وَ الْقْوَافِي مَنْ فَضْلْ اَلْغَانِـي اَلْغَانِي فَضْلُ اِيعَمّْنَا فَلْئــــانْ فَلْئانْ وَالْقْبَرْ وَالْبَعْثْ اُلَمْحَانِـــي لَمْحَانِي حَاشَا اَنْشُوفْهَا بَعْيَــانْ بَعْيَانْ يَاهْلِي شِي يْعَطَّفْ جِيرَانِـي جِيرَانِي لَغْدَرْ عَيْبْ لَلجِّيـــرَانْ تمت القصيدة

قصيدة هَشُومَا

قصيدة هَشُومَا نظم الشيخ الجيلالي امتيرد مبيت ثلاثي القسم الأول اَمَحْلاَ لَرْيَـــــامْ لِيلْتْ يْكُونُ فِي حَضْرَا اِيكًَبّْحُ عَلْ لِيمَنْ وَشْمَـــــــالْ تَتْبَهَا وَتْزِيدْ فَاَلنّْضَرْ وَتْجَدَّدْ لِيعْتْ اَلْقْلُوبْ اَلْمَكْلُومَا دِي تَفْخَرْ عَنْ دِيكْ بَارْزَاتْ اَفْحُلاَّتْ اَدْبَاجْ رَيْقَــــــا تَشْجَارْ وُتَكْلاَلْ بَلْهِيبَا وَهْيَاجْتْ اَلصّْغُرْ وَاَلنَّغْمْ اَلدَّاوْدِي سْرِيعَا مَنغُومَا مَنْ لاَلُ كَبْدَا قَاسْحَا مَا شَـــــــاهَدْهُمْ مَا دَا لهم اِيمَــــــارَا مُحَــــــالْ اَشْ يْعِيدْ قْلِيلْ اَلصّْبَرْ قَلْبُ هَنَّاهْ مَانْلُومُوهْ اَبْلُومَــــــا مَعْظَمْهَا فَرْجَا اَغْنَمْتْهَا تَدَّاوَلْ بِهَا اَلْسُونْ لَهْوَ مَا طَالْ اَلْحَـــــــــــالْ شَلاَّ مَا تَحْكِي اَقْوَى اَكْثَرْ فَرْجَا مَنّْهَا ضْحَاتْ لَوْشَا مَحْرُومَا غَدَّرْ كَاسِي هَاتْ نُوبْتِي يَاسَقِي وَسْقِ اَلْبَهْيَا زِينَتْ نَقْطْ اَلْخَــــــــــالْ لاَ تَغْفَلْ عَنْ رَايَتْ اَلنّْصَرْ مَصْبَاحْ اَلْوَلْعَاتْ وَلْفِي هَشُّومَا القسم الثاني عروبي <TABLE style="WIDTH: 99%" dir=rtl border=0 width=607 height=89> <TR> <td>هَلَّلْ بَلْعْرَاقِي</TD> <td>مَنْ كَاسْ اَلْعْرَاقِي</TD> <td>حَتَّى يَاَلسَّاقِي</TD> <td>اَتْرَى نْغِيبُ وَنْفِيقُ</TD></TR> <TR> <td>هِيَّجْتِي اَشْوَاقِي</TD> <td>وعْتَمْرُ اَسْوَاقِي</TD> <td>مَا مَثْلَكْ رَاقِي</TD> <td>يَاَلصَّايَلْ بَرْحِيقُ</TD></TR> <TR> <td>شُفْ اَلِّيلْ بَاقِي</TD> <td>سَهْدَكْ عَنْ فْيَاقِي</TD> <td>عَطْفْ عْلَى رْفَاقِي</TD> <td>اَعْطُوفْ صَادَقْ لَصْدِيقُ</TD></TR></TABLE> وَكًَضْ لَلصَّفْرَا اَبْطَالْهَا وَاشْ اَمْنْ اَمْنَامْ اِيزْهَا لْمَنْ زَرُوهْ اَبْلُوصَالْ كُبّْ اُدَوَّرْ طَاسْتْ اَلْخْمَرْ فَاجِي فَاجِي عْلَى اَلْقْلُوبْ اَلْمَكْلُومَا لاَ لَدَّا مَنْ دُونْ اَلنّْسَــــا جَعْلْ اللهْ اَكْلاَمْهُمْ يَسْرِ فَلْقَلْبْ اَمْصَــــــــالْ مَنْ لاَ يَهْوَاهُمْ يَنْعْدَرْ عَايَشْ وَمْعِيشْتُ مْعِيشَا مَدْمُومَا طُفْ عْلَى اَلْحَضْرَا بْكَسْهَــــــــا شَمَّرْ دِيلَكْ يَانْدِيمْ رَاقَبْ لِيلَكْ مَزَالْ لِيلَتْ لُوصَالْ لِيلَتْ اَلسّْهَرْ بَكًْرَايَحْهَا اَلْنَاسْ لَهْوَى مَعْلُومَا شُفْ اَبْنَاتْ اَلْحَيّْ كَاكْوَاكَبْ تَخْطَفْ ضَيّْ اَلْبْصَارْ بَمْحَاسَنْهَا وَجْمَالْ حُزْ اَحْبِيبَكْ حُزّْتْ الصّْدَرْ حُوزَتْ لَكْرَامْ لِيلْتْ تَمْسَا مَكْرُومَا غَدَّرْ كَاسِي هَاتْ نُوبْتِي يَاسَقِي وَسْقِ اَلْبَهْيَا زِينَتْ نَقْطْ اَلْخَــــــــــالْ لاَ تَغْفَلْ عَنْ رَايَتْ اَلنّْصَرْ مَصْبَاحْ اَلْوَلْعَاتْ وَلْفِي هَشُّومَا القسم الثالث عروبي <TABLE style="WIDTH: 99%" dir=rtl border=0 width=607 height=89> <TR> <td>طَابْ اَشْرَابْ كَاسِي</TD> <td>بُجُودْ لَعْنَاسِي</TD> <td>وَحْبَابِي وُ نَاسِي</TD> <td>اَجْمِيعْ بَلْوَجْدْ يْمِيسُ</TD></TR> <TR> <td>مَصْبَاحْ اَلْغْلاَسِي</TD> <td>دَاحَتْ عَنْ سْيَاسِي</TD> <td>وَضْحَكْتْ لي وْنَاسِي</TD> <td>اَزْهَارْهَا قَبْلْ يْبِيسُ</TD></TR> <TR> <td>رَتْخَا كُلّْ كًاسِي</TD> <td>وَدْهَبْ شَرّْ بَاسِي</TD> <td>نْصَابَحْ وَنْمَاسِي</TD> <td>اَلْكُلّْ سَلْوَانْ اَعْرِيسُ</TD></TR></TABLE> لاَبَعْدْ اَلسَّلْوَا هْنَا وَلاَبَعْدْ اَلزِّينْ فْرَاحْ فَرْحْتُ مَا يَفْدِيهَا مَـــــــــــالْ بِهْ الْعَقْلْ اِغِيبْ وِيحْضَرْ وَاَلْقَلْبْ يْبُوحْ بَلْسْرَارْ اَلْمَكْتُومَا خَضْعْ اَلْطَاعَتْهُمْ يَالسَّاقِي وَالْغَالَبْ لِهْ مَا طْلَبْ قَالْتْ نَاسْ الْحَــــالْ بِهَا غُلْبْ اَرْجَالْهَا قْهَرْ تَظْلَمْ وِيلاَ اَشْكَاتْ تَرْجَعْ مَظْلُومَا صَارْ اَلسَّاقِي بَلْهْوَ يْهَادِي حَتَّى وَلاَّتْ كَاتْنَادِي بَلْسَانْ الْحَـــــــــالْ طَارْ اَحْيَاهَا مَا بْقَا وْقَرْ تَرْقَصْ وَتْشِيرْ بَلْكْمَامْ اَلْمَرْكَُومَا كُلّْ اَوْنِيسْ مْعَ وْنِيسْتُ مَبْشُورِينْ اَمْخَمّْرِينْ عَزّْ اُرَفْعَا وَكْمَــــــالْ لاَهَجْرَا لاَتِيهْ لاَنْفَرْ لاَقَلْبْ اَنْكِيدْ لاَجْوَارَحْ مَهْمُومَا غَدَّرْ كَاسِي هَاتْ نُوبْتِي يَاسَقِي وَسْقِ اَلْبَهْيَا زِينَتْ نَقْطْ اَلْخَــــــــــالْ لاَ تَغْفَلْ عَنْ رَايَتْ اَلنّْصَرْ مَصْبَاحْ اَلْوَلْعَاتْ وَلْفِي هَشُّومَا القسم الرابع عروبي <TABLE style="WIDTH: 99%" dir=rtl border=0 width=606 height=89> <TR> <td>لِيلَتْنَا اَفْرِيدَا </TD> <td>مَا لِهَا اعْنِيدَا</TD> <td>مَبْرُوكَا سْعِيدَا</TD> <td>اعْلَى الرّْضَى كِيفْ انْرِيدُ</TD></TR> <TR> <td>لَمْحَبَّا جْدِيدَا</TD> <td>وَالْكَلْمَا نْفِيدَا</TD> <td>والْعَدْيَا بْعِيدَا</TD> <td>طِيرْهَا فُوقْ جْرِيدُ</TD></TR> <TR> <td>دِكْ اَلْدِي نْشِيدَا</TD> <td>بَمْعَانِي الْدِيدَا</TD> <td>وَقْوَافِي شْهِيدَا</TD> <td>ابْصَحّْ لْقَوْلْ اِيفِيدُ</TD></TR></TABLE> كُبّْ اُزِيدْ مْلاَ وُهَاكْ وَرَا يَسَاقِي مَنْ امْدَامْنَا لاَ تَصْحَبْ طَمْطَـــــالْ رَاحْ الِّيلْ وُعَلّْمْ الْفْجَرْ وَنْظَرْ لَعْسَاكَرْ الدّْحَامَسْ مَهْزُومَا صَبْحْ اصْبَاحْ انْهَارْنَا وُجَدّْدْنَا لِهْ اسْرُورْ مَالْهَا عَلْ لُوْصَافْ امْثَالْ لِيسْ اغْنَمْهَا قِيسْ فَلْعْمَرْ فَزْنَا وَسْطَابْنَا افْرَايَجْ مَنْغُومَا نَادَانَا طِيرْ الَفْرَاقْ بَلْعَزْمْ يْنَادِي مَا بْقَا امْكًـــــامْ الرَّاحَلْ يَحْتَـــــالْ وَدْمُوعْ الَعُشَّاقْ تَنْهْمَرْ صَبْرِ عَنْهُم كَنْ صَبْرْ الْمَفْطُومَا وَدَّعْتْ السَّاقِي وُسَارْ وَالْقَوْمْ اتْكَايْدْ فِي جْرَاحْ سِيفْ الْبِينْ الْقَتَّــالْ رَاحُ كَغُزْلاَنْ لَلْوَكَرْ كُلّْ اخْلِيلاَ مْشَاتْ كًبَّلْتْ الْحُومَا غَدَّرْ كَاسِي هَاتْ نُوبْتِي يَاسَقِي وَسْقِ اَلْبَهْيَا زِينَتْ نَقْطْ اَلْخَـــــــالْ لاَ تَغْفَلْ عَنْ رَايَتْ اَلنّْصَرْ مَصْبَاحْ اَلْوَلْعَاتْ وَلْفِي هَشُّومَا القسم الخامس عروبي <TABLE dir=rtl border=0 width=602 height=89> <TR> <td>اَحَفَّاضْ وَافِي</TD> <td>اَتْبَاهَا بَوْصَافِي</TD> <td>مَا نَا بِهْ خَافِي</TD> <td>عْلَى تّْحَافْ وُ تَشْفِيفُ</TD></TR> <TR> <td>سَرِّ سَرّْ خَافِي</TD> <td>نَهْرِي ادْفِيقْ صَافِي</TD> <td>مَتْوَضَّحْ وَافِي</TD> <td>لَدّْ عَذْبِ لَرْشِيفُ</TD></TR> <TR> <td>مَا يَلْغِي اتْحَافِي</TD> <td>اِلاَّ اوْغِيدْ ﭬافِي</TD> <td>سُومِي سُومْ جَافِي</TD> <td>ارْيَاض بَنْوَارْ اقْطِيفُ</TD></TR></TABLE> الجِّيلاَلِي مَا دْخَلْتْ عُمْرِ لَشْبُوكْ وُلاَ قْبَحْتْ بَقْبَاحْتْ هَلْ لَسْفَـــــــالْ صَحّْ الْقَوْلْ اِعِيدْ الْخْبَرْ وَقْلُوبْ الْخِيرْ لَسّْعَادَ مَلْهُومَا وَالْجَاهَلْ يَكْفِيهْ غَلّْ جَهْلُ وَالْجَاحَدْ لَجّْحِيمْ وَالْحَاسَدْ لِيسْ يْنَـــــــــالْ صُنْعْ اللهْ الْمَالَكْ الْكْبَرْ مَنْ وَدَّعْهَا كْمَا النّْسَامْ الْمَنْسُومَا وَنْهَايْتْ لَكْلاَمْ قَالْ عَاشَقْ لَرْيَــــــــــامْ اَلاَّ يْلُ فْعَشْقْ اهْوَاهُمْ ابْدَالْ مَنْ صُغْرِ وَنَا عْلَى السّْقَرْ خِيلِي وَخْيُولْهُمْ دَِايَمْ مَلْجُومَا وَسْلاَمْ الْمُولَى عْلَى الْشْرَافْ اُطَلْبَا وَعْدَادْ كُلّْ مَا خَايَلْ كَلّْ اخْيَالْ وَمَا فَاحْ الْوَرْدْ وَالزّْهَرْ مَا دَامْ السَّرْ فَلْجْبَاحْ الْمَنْعُومَا غَدَّرْ كَاسِي هَاتْ نُوبْتِي يَاسَقِي وَسْقِ اَلْبَهْيَا زِينَتْ نَقْطْ اَلْخَـــــــالْ لاَ تَغْفَلْ عَنْ رَايَتْ اَلنّْصَرْ مَصْبَاحْ اَلْوَلْعَاتْ وَلْفِي هَشُّومَا تمت القصيدة

قصيدة يا الايمني في ليعتي .

قصيدة يا الايمني في ليعتي نظم الشيخ محمد الرمعون الندرومي الايمني في ليعتي مازاروك محاني ولــو ذقت الغرام الهجرة والتيهان تبكي من اللي بكاني تعذرني في الصد والجفا القسم الاول انا الملسوع بالهــوى عمرو مايخطاني ناري في الذات شاعلة وقلبي حيران اللي نهــواه جفاني بعد العشرة والموالفة محبوبي ما ارثى علي ولا دواني جرح قلبي بسيف ماضي ضربة خدعان بسهام الشفر رماني وقتلني ظاهر بلا خفا حسنه وبهاه حين شفته للموت دعاني كان سباني مشيت نتسارى فالبستان من كلفني اش اداني صبت هلال الزين واقفة من عشق الزين شوف حالي ياوعدي فاني سباني يا اهل الهوى عراض الغزلان اسلب عقلي وذهاني غير تلاقيته مصادفة نبيته عز في كلامه ذبل شفر راخى نيامه بهواي لابغى يروف تبسم بان من الثامه كبرق يشيع من غيامه وشفار امى من السيوف ترن السحر في نيامه ماينجي حد من سهامه صايل بجميع الحروف نبيته غز في كلامه صد وخلاني املك عقلي وحاز روحي ذابل الاعيان بهـواه هـز ديـــواني وكواني كية مخالفة القسم الثاني تبعته لرسامه واقف هو يرجاني سولته قلت له مالك انت غيظان بعد ماقتلني وجـــفـــاني وتعاهــــدنا عـــــاهد الوفـــا اصحى ذاك الغيار سل من يده وعصاني فرخ الدمليج وقالي خده في الضمان نتحيل عن رقبانــي ونيتك بحلــه متحفة وتعاهدنا يزور رسمي يوصل مكاني ونقيمو ليلة محضرة بربــــاب وعيدان ويغدر لي كيساني بهم نـــار الــشوق تنطفى من لا هزو غرام ولا زاروه امحاني ماشاف الزهور باقي شغله عياني ضيــع روحـــه بلعاني وايامه الــكــل تـالـفة من لا شاف الزهور ولا را منه ممنوع من الزيارة ومن لا زاروه مايزور ايامه كلها خسارة مابات يقول كب ورى والساقي بينا يدور احسك من شغل النصارى وعوارم دايرين دارة كل وحدة خدها ينور الصفرة والمدام والماية والمغاني وعوارم جالسة واللي نهواه سلطان تــم يكــمــل سـلــوانــي والايــام تــعــود واقــفــة القسم الثالت لا حاسد لارقيب لامنه يراني غير اعلذارات والاوثارة والصوت الحسن انا طبــعي زهــوانــي عـشـقـي لاهلل الــحال مــا خفى شهل العين فالبيانو خبل واسباني بذاك الصوت العجيب والماية والميزان دوزت مــعاه زماني كانــت لي الايــام عاطفة دوزت مع المليح فالعشق وقلبي هاني كل ليلة زهور عندنا واللي كاين كان اش قضى من هو غاني بالمال وعيشه مشطفة يجمع للوراثة وعقله غير مع الغاني فالدنيا ماارتاح دايم شاقي تعبان ولــو يدرك احــزانـي امشـــات ايــامــه جــايــفــة كنونة واش كان عيبي كنونة هي سباني جرحوني ذاك النيام واذا انا مت يا حبابي قتلتني من غير ذنبي والعاشق قتله حرام والشفر هندي والخد البدر الساني والمبسم خاتم ذهب والشفة مرجان سلبتني دون اقراني ملكت عقلي بالملاطفة القسم الرابع زين العرب والعجم والزين النصراني اجتمعوا في هباك ايا ذابل العيان الله يحسن اعواني نتسنى والعاهد ما وفى زين العرب ساق وخد حمر نعماني زين العجم عين وحاجب يا فلان اما الزين النصراني المحزم والنهدين واقفة اجتمعوا لي كيف نعمل والحب ارماني غير نشوف المليح يسبي قلبي الحسن هذه بوها نصراني من بيروت للشام هادفة من ارض الشام جات كريمة ياتمحاني زادتلي هم فوق همي كثرت المحان ربي بالعشق بلاني قلبي يهوى كل شايفة القسم الخامس انكف اخطابي في نظمي حققت اوزاني لغرالي قلت المعنى وتشبيه يسحر الاذهان والجالد له عذابي مصباحو برياحي ينطفا ياحافظ مايتي وترتيب فغيواني بعد الملحون تستافد فيه البيان ولا يغروك امحايني بالمعنى المفهومة تكتفى حقق قولي ورتبه ولا تهمل ميزاني والادبا تادب معهم لاتخشان قـلـهم شيخي وصاني تادب مع اهل الوفى ذوي العقول ينعرفو في نطاق الزيدان الماية والحسين وكذا الاصبهان ومن لايفهم غيواني مانعتبره واسع القفا ثلت ميا بعد الف ارخى ماقال الساني زد اسبعطاش في السنة بعد شبعان وشهر جمادى الثاني هذا القصيدة متحفة ميمن وحا ودال شد على الميم الثاني وافتح الميم الاول يظهر لك البيان هــذا هــو عــنــواني رمعوني في الاصل ماخفى وسلامي للاشياخ ذوي والواهاب الرباني مافاح الفل والزهر الخيلي والسوسان مالت به اغصاني والورد كمامه مشرفة ارجايا فالكريم سبحان الحي الغاني مول الملك العظيم ربي عظيم الشان يغفر ذنبي سلطاني سبحان عالم الخفى الايمني في ليعتي ما زاروك محاني لو ذقت الغرام الهجرة والتيهان تبكي من اللي بكاني وتعذرني في الصد والجفا

قَصِيدَة الْمَرْسُولْ

قَصِيدَة الْمَرْسُولْ نظم للحاج أحمدلغرابلي مبيت ثنائي القسم الأول أَنَا اَلْفَانِي وَنَا لْهْمِيمْ ونَا اَلْمَلْسُوعْ بْلِيعْتْ اَلْغْرَامْ وُتَنْكَالُ وَنَا لِّي سَرِّي بَاحْ اَلُورَا مَنْ بَعْدْ اَلْكُتْمَانْ أَنَا الْعَاشَقْ وَنَا اَلسّْقِيمْ ونَا لِّي جَرَّحْنِي اَلْبِينْ بَسْنُونْ اَنْصَالُ وَنَا اَلصَّبْ اَلْمَمْلُوكْ وَالّْذِي مَلْكْنِي سُلْطَانْ وَغْرَامُ تِيَّهْنِي وُهَزّْنِي وَخْرَبْ دِيوَانِي وُحَازْ عَقْلِي لَدْخَالُ وَتْصَرَّفْ بَحْكَامُ فْمُهَجْتِي وَ الدَّاتْ وُ لَكْنَانْ لِهْ اَرْسَلْتْ اَرْسُولِي عْلاَ وُ عَسَّا يَبْلَغْ قَصْدِي اَمْنَاهْ وِتُوكً اَهْلاَلُ وِيْسَلِّنِي بَعْدْ اَلْفْرَاقْ كِيفْ اَتْسَلِّيتْ اَزْمَانْ قَاوَلْنِي مَرْسُولِي يْحَضّْرُ وَمْسَكْتْ اَلْعَهْدْ اَلْوْتِيقْ وَحْصَرْتْ اَمْقَالُ مَنْ اَلْبَهْجَا لَمْدِينْتْ اَلْحْضَرْ صِيفَتُو عَجْلاَنْ اَمْشَى وَرْجَعْ لِي بَعْدْ حِينْ وَنْوِيتُ جَابُ كِيفْ قَالْ وَوْفَا فَقْوَالُ وَنْصِيبُ وَلَّى لِي فْرِيدْ وَعْلاَشْ اَمْشَا مَا بَانْ مَهْمَا كًبَّلْتْ عْلِيهْ طَاشْ عَقْلِي وَخْرَجْتْ عْلَى اَلْحْوَالْ وَدْمُوعِي سَالُ اَوَّلْ فَكْلاَمِي قُلْتْ لِيهْ وَايَنِ دَابَلْ لَعْيَانْ خَبرْنِي يَا مَرْسُولْ عَنْ اَسْرَاجْ عْيَانِي وَاشْ مَنْ اَنْهَارْ نَظْفَرْ بَوْصَالُ عَرَّاضْ اَلزِّينْ اَلاَّ اَنْظَرْتْ يَشْبَهْ زِينُ حَسَانْ القسم الثاني أمَرْسُولِي بَاللهْ صَبْــــــرِي هَذَا شْحَالْ وَنَا فَانِي مَيْسُـــــــــورْ مِيْسُورْ اَلْبِينْ وُطَالْ يَسْرِي مَفْقُودْ فِي بْلاَدْ بْعِيدَا مَهْجُــــــــورْ وَالْهَاجَرْنِي مَاجَابْ خَبْرِي مَا خَفْتْ غِيرْ نَمْضَا مَنْ قَبْلْ يْزُورْ اَمَرْسُولِي مَنْ يُومْ فَاشْ صَدِّتِي وَنَا نَرْتْجَا اَرْجُوعَكْ بَوْصَالُ ونْوَنَّسْ قَلْبِي بَالرّْضَا عْسَا نَهْنَا فَالاَمَانْ اَمَرْسُولِي مَالِي نْرَاكْ دُونْ اَلْمَالَكْ عَقْلِي اَلِّي سْلَبْنِي بَجْمَالُ وَتْرَكْنِي دُونْ اَغْرَاضْ خَارَجْ اَحْسَاسِي عَلْ لَوْطَانْ يَاكْ اَمْرسُولِي قُلْتْ مَاتْوَلِّي حَتَّى يَاتِي مْعَاكْ ضَدّْ اَفْعَدَّالُ وَنَا نَسْخَا بَبْشَارْتِي اَنْهَارْ اَتْجِيبْ اَلْمَزْيَانْ اَمَرْسُولِي نَتَفَكْرْ اَلْبْهَا وَاَخْدُودُ وَاَنْوَاجْلُ وُقَدُّ وَاَكْمَالُ وِضِيقْ اَلْمَنْهَاجْ اَلْوسِيعْ بِيَّ فِي كُلّْ اَوَانْ اَمَرْسُولِي لَلَّهْ فِدْنِي وَخْبَرْنِي عَنْ سِرْتُ وُ حَالُ وَحْوَالُ سَالِي وَلاَّ كِيفِي اَهْمِيمْ شَاكِي بَاكِي نَكْدَانْ قُلْتْ اَمْرْسُولِي خَفْتْ غِير َيَكْبَرْ لَجْفَا بِينْنَّا بْطُولَتْ مِيجَالُ اَوْ يْبَدَّلْنِي بَالْحْسُودْ وِرَجْعُ لُ صُدْقَانْ خَبرْنِي يَا مَرْسُولْ عَنْ اَسْرَاجْ عْيَانِي وَاشْ مَنْ اَنْهَارْ نَظْفَرْ بَوْصَالُ عَرَّاضْ اَلزِّينْ اَلاَّ اَنْظَرْتْ يَشْبَهْ زِينُ حَسَانْ القسم الثالث قَالْ اَلْمَرْسُولْ اَعَاشْقْ اَلزِّينْ اَصْبَرْ لاَ غْنَا وَالصَّاعَبْ يَهْوَانْ مَحْبُوبَكْ دَارْتْ بِيهْ لــِدِينْ لاَرَيْبْ حَرّْزُوهْ عْلِيكْ اَلْعَدْيَـانْ لاَكِنْ مَنْ فَكًْدَكْ نَاكَدْ اَحْزِينْ نُوَّاحْ فَالضّْيَا وَعْكًَابْ الدِّيجَـانْ مَحْبُوبَكْ وَاصَلْتُ اَلْمَرْسْمُ بَكْتَابَكْ وَرْفَعْ مَلْتْقَاهْ بْتَقْبَالُ وَقْرَاهْ وُحَقّْ اَشْوَاهْدُ وُدَمْعْ اَنْجَالُ هَتَّانْ قَالْ اَحْبِيبِي مُحَالْ يَنْتْرَكْ مَنْ بَالِي وَنَا مَا نْسَنِي مَنْ بَالُ حَشَا حَتَّى نَرْضَى اَنْمَحّْنُ مَايَسْتْهَلْ امْحَانْ غِيرْ اَلْوَعْدْ فْرَقْنَا وُهَكْذَا قَدَّرْ مُولَانَا وُكَلّْ وَعْدْ بْمِيجَالُ وِيَّامْ الْهَجْرَ لاَغْنَا تْعُودْ سْرُورْ اُسَلْوَانْ قُلُّ يْمَهْلْ عَنِّي عْلاَ وُ عْسَّا اَنْغَفَّلْ لَحْسُودْ اَوْ مَنِّي يَنْضَالُ وَنْجِي وَنْغَنْمُ سَاعَتْ الزّْهُو بَرْشِفْ الْكِيسَانْ ذَاتِي وَ بْهَا حُسْنِي وُصُورْتِي وَجْمَالِي وَالرُّوحْ وَالْعْضَا مَوْهُوبَالُ وِلاِ دَزْتُ مَا دَمْتْ فَالْحْيَاتْ اَحْسَبْنِي خَوَّانْ جَاوَبْتِ اَرْسُولِي قُلْتْ لِهْ خَفْتْ اِيَّامْ اَلْهَجْرَ عْلَى حْبِيبِي يَطْوَالُ سَاعَ عَنْدِي فِي عََوْضْ يَوْمْ وُالْيَوْمْ فْعَوْضْ اَزْمَانْ خَبرْنِي يَا مَرْسُولْ عَنْ اَسْرَاجْ عْيَانِي وَاشْ مَنْ اَنْهَارْ نَظْفَرْ بَوْصَالُ عَرَّاضْ اَلزِّينْ اَلاَّ اَنْظَرْتْ يَشْبَهْ زِينُ حَسَانْ القسم الرابع اَمَرْسُولِي لَجْفَا اَقْهــَرْنِي افْرَقْتْ مَنْ اَهْوِيتْ وُخَابْ الْمَضْنُونْ شِيْصَبَّرْنِي عَنْ ضَوْ عَيْنِي اَلْجْوُهَرْ اَلنّْفِيسْ اَلدُّرّْ اَلْمَكْنـــُونْ مَنْ يَوْمْ اَخْيَالُ غَابْ عَنِّي خَدْنِي هْوَاهْ تَحْتْ اَحْكَامُ مَسْجُــونْ اَشنْهُو حَالْ اَلِّي جْفَاهْ مَحْبُوبُ وَهْجَرْ مَرْسْمُ وُصَادَفْ تَنْكَالُ وَشْفَاتُ عَدَّالُ وُ عَادْ خَفْضَا مَنْ بَعْدْ اَلشَّانْ مَهْمَا يَغْشِيهْ النَّوْمْ كَايْشَاهَدْ وَجْهْ اَلْمَحْبُوبْ وَاقْفْ اَخْيَالْ كًْبَالُ وَلاَّ جَالَسْ وَلاَّ مْعَنّْقُو وَقْلِيبُ فَرْحَانْ كَمّْ يَنْفْزَعْ وِ فِيقْ مَنْ اَمْنَامُ يُوجَدْ رُوحُ اَفْرِيدْ وِيْنَهْزَمْ حَالُ وِيْرَدّْ اَلْحَرّْ عْلَى اَلْبْكَا وُ لِهْ اِيْجَاوَبْ لَمْكَانْ هَذَا حَالْ لِّي هَاجْرُ وُلِيفُ فَالْغَيْظْ وَلاَبْغَا يْصَفِّي تَخْبَالُ عَسَّاكْ اَنَا مَهْجُورْ دُونْ غَرْضْ وُخَارَجْ لَوْطَانْ مُوتْ اَلْعَاشَقْ لَغْرِيمْ خِيرْ لُ مَنْ لَحْيَاتْ اِلَى يْكُونْ فَارَقْ شَمْلاَلُ وَمْيَاهْ السَّبْعْ اَبْحُورْ لِيسْ تَطْفِي نَارْ اَلْغِيوَانْ وَاَلصَّبْرْ يْفَادَا يَاعْشِيقْ وَقْفَالْ اَبْوَابْ اَلْحُبْ لُوصْعَابُ يَسْهَالُ وَاَلشَّدَّ بَالرَّخْفَا بْدَالْهَا فَضْلْ مْنَ اَلرَّحْمَانْ خَبرْنِي يَا مَرْسُولْ عَنْ اَسْرَاجْ عْيَانِي وَاشْ مَنْ اَنْهَارْ نَظْفَرْ بَوْصَالُ عَرَّاضْ اَلزِّينْ اَلاَّ اَنْظَرْتْ يَشْبَهْ زِينُ حَسَانْ القسم الخامس اَمَرْسُولِي نِيرَانْ حُــبِّي بِينْ اَلضّْلُوعْ وَقْدَتْ كَمَّنْ مَشْهَابْ مَنْ حَرّْ اَلْظَاهَا ذَابْ قَلْبِي وَتْبَاتْ دْمَعْتِي كَاَلْمَطْرْ اَلصَّبَّابْ وَتْقَوَّى بِينْ اَلنَّاسْ عَجْبِي وَفْقَدتّْ رَاحْتِي فَالضَّيْ اُغَيْهَابْ اَمَرْسُولِي لَعْشِيقْ لُو رْشَفْ شَهْدْ اَلْوَدّْ اَلْفَايَقْ اَلْمْخَتَّمْ بَمْصَالُ وِكُونْ اَحْبِيبُ فَارْقُ يْجِيهْ اَجْرَعْ مَنْ قَطْرَانْ اَمَرْسُولِي لَعْشِيقْ لَوْ مْسَكْ مَالْ اَلدَّنْيَا فَالْحْبِيبْ لاَّحَازَ بْدَالُ مَا يَقْبَلْ تَبْدَالْ اَلْحْبِيبْ بَالْمَالْ وُلاَ لَبْدَانْ اَمَرْسُولِي وِينْ اَلْحْبِيبْ وِينْ اَلْبَاهِي وِينْ اَلّْذِي شْتَاقِيتْ اَخْيَالُ فْرَقْتْ وْطَانِي وَالْحْبَابِْ وَ اَرْسَامِي وَالْعَشْرَانْ وَاَجْرَى لِي شَلاَّ مَا جْرَى اَلْقَيْسْ اَلْمَجْنُونْ اَنْظَنّْ فَاقْ حَالِي عَنْ حَالُ وَبُو نَوَّاسْ وُكِسْرَى بَنْ هَانِي وَالْغَضْبَانْ مََانَا بَاَهْلِي وَعْشَايْرِي مَانَا بَحْبِيبِي فَاَلْهْنَا مْعَ مَا يَزْهَالُ مَثْلِي طِيرْ بْلاَفَرْكًْ وَ انْعْطَبْ مَنْ رِيشْ اَلْجَنْحَانْ اَدْوَى مَرْسُولِي قَالْ هَكْذَا سِيرْتْ هَلْ لَغْرَام شَدّْ ْعَنّْهُمْ اَحْبَالُ وَقْلِيلْ اَلِّي فِيهُمْ تُوجْدُ بَكْمَالْ السَّلْوَانْ اَبْكَى مَرْسُولِي عَنْ اَبْكَايْ وَتْمَزَّقْ مِيرْ اَحْشَاهْ مَنْ كْلاَمِي وَسْجَالُ وَطْلَبْ مَنِّي لَمْسَمْحَا اُوَدَّعْتُو فَالآَمَانْ خَبرْنِي يَا مَرْسُولْ عَنْ اَسْرَاجْ عْيَانِي وَاشْ مَنْ اَنْهَارْ نَظْفَرْ بَوْصَالُ عَرَّاضْ اَلزِّينْ اَلاَّ اَنْظَرْتْ يَشْبَهْ زِينُ حَسَانْ القسم السادس بَارْتْ لَحْيَالْ وُ بَادْ صَبــْرِي وَهَلْ لَهْوَى يْعَرْفُ حَالِي يَعْدَارْ وِينَصْفُو لَهْوَيَــــا اَلْعُدْرِي وَشْوَاهْدْ لَمْعَانِي تَعْطِي لَخْبـَارْ مَنْ حَرّْ اَلشُّوقْ اَنْظَمْتْ شَعْرِي وَاَلرُّوحْ دَاهْلاَ وَدْمُوعِي مَدْرَارْ وَسْلاَمِي لَهْلْ اَلْحَالْ اَلدّْهَاتْ اَهْلْ اَلمِيزْ اَلْعَارْفِينْ مَنْهَجْ تَفْصَالُ بَنْسِيمْ اَلْيَاسْ اُيَاسْمِينْ وَاَلنَّسْرِ وَاَلسُّوسَانْ مَنْ حَبْرْ اْدِيبْ اَلْبِيبْ فِي بْحُورْ اَلْمَعْنَا جُوَّالْ زَيّْ مَنْ قَبْلِ جَالُ رَايَسْ دَهْرِي فِي كُلّْ عَلْمْ قَارِي كَمَّنْ بِيبَانْ وَاسْمِي خَمْسِينْ وُجِيمْ فِي حْرُوفْ اَبَجَدْ قُلْ اَلْغْرَابْلِي لَلِّي سَالُ مَنْ بَهْجَتْ فَاسْ اَلِّي عَزّْهَا لَكْرِيمْ اَلْمَنَّانْ اَنَا اَلْكَاوِي مَنْ فَكًْْدْهَا فَكًَدْ اَغْزَالِي تَكًْبْ فِي عْضَيَا مَشْعَالُ وَفْرَاقْ اَلزِّينْ اَصْعَبْ مَنْ اَفْرَاقْ اَلاَهْلْ وُلَخْوَانْ اَرَاوِي دَا اَلْحْلاَّ اَلرَّيْقَا خَبَّرْ بِهَا هَلْ اَلْفَنّْ وَلْغِ جَهَّالُ مَجَاوْ فْشَايْ اَلْبَاغْضِينْ هَلْ لَمْكَرْ وَاَلْبُهْتَانْ اِيْوَلاَّهِي سَابْ اَلْكْلاَمْ حَتَّى عَادُو يَدْعِوْ بِهْ مَنْ لاَيُقْبَالُ فِيهُمْ سَارَقْ وَصْرَارْفِي فْطَاعْتْ يَبْلِيسْ اَخْوَانْ شِيَّطْهُمْ مُولاَنَا وُدَلّْهُمْ وَمَنْ كَانَ لِلَّهْ دَامْ اَلتِّصَالُ وُمَنْ كَانْ اَلْغِيرْ اللهْ يَنْقْطَعْ وِيْنَقْصَمْ عَجْلاَنْ وَاَلْمَطْمُوسْ اَلْعُكْلِي لَمْهَتَّفْ لَحْتَالَى مَا عَرْفْ كِيفْ يَنْسَجْ بَرْوَالُ وِعَانَدْ نَسَّاجْ اَلْحْرِيرْ وِضَاهِي بَاَلْبُهْتَانْ بَاقِي نَسْقِيهْ اَلسَّمْ وَاَلْمْرَايَرْ نُورِيهْ اَقْبَاحْتُو وُخُبْتُو وَجْدَالُ وَنْرَاهْ يْبَخّْ اَلدَّمْ وَاَلْحْدَجْ عْلَى كُلّْ اَلْوَانْ دَاكْ اَلْوَشْقْ اَلْمَسْعُورْ لاَزْمُ تَهْرَاسْ اَنْيَابُ حِينْ رَامْ اَلْقَتَّالُ وَاشْ اَلْكَلْبْ اَلنَّبَّاحْ كَايْعَانَدْ سِيتَلْ حَكًْدَانْ مَا يَسْوَى مَهْرَازُ اَكًْضِيضْ وَبْغَى يَتْرَمَا لَلْفْضُولْ وَاَعْمَاتْ اَنجَالُ حَكْمَتْ فِيهْ اَلسِّيرَا فْقَلْبْ ذَاكْ اَلْمَهْرَازْ اَسْجَانْ بَعْدْ اَمْسَكْتُ حَلُّوفْ فَلْفْيَافِي طَاحْ اَفْمَنْدَافْ مَا عَرَفْ كِيفْ اَجْرَالُ لاَزَالْ اَخْبَارْ اَفْضِيحْتُ اَلتَّذْكُرْ فِي كُلّْ اَوَانْ خَبرْنِي يَا مَرْسُولْ عَنْ اَسْرَاجْ عْيَانِي وَاشْ مَنْ اَنْهَارْ نَظْفَرْ بَوْصَالُ عَرَّاضْ اَلزِّينْ اَلاَّ اَنْظَرْتْ يَشْبَهْ زِينُ حَسَانْ تمت القصيدة

قَصِيدَة اَللاَّيَـــمْ

قَصِيدَة اَللاَّيَـــمْ نظم المدني التركماني مبيت ثنائي القسم الأول قَصَّرْ اَلُّومْ اَلاَّيَمْ حَالْ مَنْ اَتْبَدَّلْتْ اَحْــوَالُ كِيفْ دَارَتْ لَفْلاَكْ تْدُورْ حَتَّى لَحْوَالْ اَمْعاهَــا قَدَّرْ الله وُكْتَبْ اَلْقَلْمْ كُلّْ وَعْدْ اَبْمِيجَــــالُ فِي اَسْطَارْ اَلُّوحْ اَلْمَحْفُوظْ كِيفْ رَادْ مَنْ اَنْشَاهَا مَنْ عْطَاهْ الله وُ سَعْدُ يْدُوزْ مَنْ بَابْ اَكْمَـالُ بَعْدْ يَمْسَى وِيْصَبْحْ اَمْلاَزَمْ اَلْفْعَالْ اَلشُّوَّاهَـــا وَاَلْبْخِيلْ اَلشَّقِي لَوْدَامْ فَالْعْبَادَا مَـــــدَالُ مَنْ جْمُلْتْ اَلشُّقْيَانْ مْنَ اَلْقْبُولْ مَحْرُومْ اَسْوَاهَـا وَاَلصّْوَابْ الاَمَرْ اَلْمَوْلاَهْ مَاعْلَمْ حَدّْ اَبْحَـالُ قَادَرْ اِيجَاوَزْ عَلْ لَعْبَادْ كَفَّا بَعْدَ اَخْطَــــاهَا رَبّْ غَانِي عَنَّا وَعْلَى فْعَالْنَا جَلّْ اَجْــلاَلُ وَاسَعْ اَلرَّحْمَا لِهْ اَلْحَمْدْ مَا يْخِيبْ مَنْ اَسْعَـاهَا اَلاَّيَمْ خَلِّ لَعْبَادْ كُلّْ وَاحَدْ فِي حَـــــالُ اَلشّْهَادَا بَالله وُ بَاَلرّْسُولْ تَكْفِي مُولاَهَــــا القسم الثاني كِيفْ شَاهَدْ دَاكَرْ لِخْلاَصْ بَاَلْجْهَرْ يَسْعَدْ فَالُ مَنْ دْكُرْهَا مَنْ قَلْبُ وَاَلْسَانْ مُومَنْ يَالَـــهَا يَا مْكَفَّرْ جَمْهُورْ مَنْ اَلاَسْلاَمْ مَنْ قُبْحْ اَفْعَـالُ مَا كْفَرْ مُومَنْ بَدْنُوبُ مَنْ اَلْحْدِيثْ اَرْوِينَاهَــا يَاَلدَّاعِي بَالْعَرْفْ بْغِيرْ عَلْمْ وَهْلُ مَــا زَالُ يَاَلدَّاخَلْ لَبْحُورْ اَلاََّ تْنَجَّمْ اَفْــرَاتَنْ مَاهَـــا يَالتَّاهَمْ بَالْفَحْشْ هْلَ اَلصّْفَا وُهُمَا عُقَّـــالُ يَامْعَلَّقْ فَوْعَارْ اَلاَّ تْطِيقْ لَطْوَادْ اَعْلاَهَــــا يَا مْغَيَّرْ لَقْلُوبْ بْلاَ حْيَا بْظُلْمُ وَ ضْـــلاَلُ يَاكْ لَسْلاَمْ اَبْعَضْهَا بَعْضْ فَالْكْرَايَمْ نَزَّاهَـــا يَا مْرَافَقْ صُدْقَانُ بَالْمْنَافْقَا مَنْ تَجْهَـــالُ يَاَلظَّالَمْ عَيْبْ اَلْمَخْلُوقْ مَا يْلَكْ فِيهْ اَرْفَاهَـــا يَا مْحَمَّلْ تُقْلْ اَدْنُوبْ اَلْعْبَادْ مَنْ شِينْ اَعْمَالُ يَامْكَافِي بَالْعَارْ اَحْسَانْ هَلْ اَلصُّرْخَا وَحْمَاهَــا اَلاَّيَمْ خَلِّ لَعْبَادْ كُلّْ وَاحَدْ فِي حَـــــالُ اَلشّْهَادَا بَالله وُ بَاَلرّْسُولْ تَكْفِي مُولاَهَــــا القسم الثالث اِلَى اَنْتَ عَالَمْ جَلْسْ مْعَ هَلْ اَلْعَلْمْ وَسْتَعْمَـالُ فَالْمْجَالَسْ وَنْصَحْ لَسْلاَمْ كَانْ لَكْرِيمْ اَهْدَاهَــا اَوْ عَابِدْ مْنَ اَلْعُبَّادْ جُلْ وِينْ اَمَّا جَــــالُ لاَزَمْ اَلْعِبَادَا وَاَلْفَانْيَـــا مَنْ اَلْبَالْ اَنْسَاهَــا اِلَى اَنْتَ مَنْ هَلْ لَوْلاَيَا اَلصَّادْقِينْ فْمَا قَـالُ هَاتْ بُرْهَانَكْ وَلِّي شَكّْ فِي قـْوَالَكْ يَنْتَاهَـــا اَوْ عَمْلَكْ عَنَّا سُلْطَانْ وَقْتْنَا مَنْ عُمَّـــــالُ لَلْحْكَمَا دِرْ اَمْحَكْمَا وُبَلْحْسَانْ اَسْتَوْلَاهَـــــا اِلَى اَنْتَ رَايَدْ عَيْبْ اَلنَّاسْ صَاحَبْ اَلْعِيبْ اَبْقَالُ كَفّْ لُومَانَكْ وَسْعَفْنِي عْقُوبَتْ اَلُّوْمْ اَقْرَاهَـــا اَوْ طَلْقَكْ شَيْطَانَكْ دُونْ رَيْبْ فَعْدِيرْ اَكَْــدَالُ مَنْ اَشْرَارُ سَتْعَدْ بَالله رُوحَكْ اَتْصِيبْ اَمْنَهَــا اَلاَّيَمْ خَلِّ لَعْبَادْ كُلّْ وَاحَدْ فِي حَـــــــالُ اَلشّْهَادَا بَالله وُ بَاَلرّْسُولْ تَكْفِي مُولاَهَــــا القسم الرابع مَايْلَكْ تَصْرِيفْ عْلَى اَلْخَلْقْ يَالْحَابَكْ فَهْــوَالُ مَا اَنْتَ شِي نَبِيّْ وَلاَ اَرْسَلْكْ رَبِّي بَنْبَاهَـــا مَا ظْهَرْ لِنَا مَنَّكْ سَرّْ كِيفْ ظَهْرْ مْنَ اَرْجَـالُ مَا شْهَدْ لَكْ حَدّْ اَبْصَلاَحْ مَا نْزَعْكْ مَنْ اَسْفَاهَا مَا رْشَدْتِي بَالَكْ عَسَّى تْرَشَّدْ اَلْغَيْرَكْ بَـــالُ مَا طْلَبْنَاكْ اَتْنَبَّهْنَا وُ لاَرْضَاوَكْ نَبَاهَـــــا مَا قْرِْيتِي كًَلْبَاتْ اَلدَّهْرْ وَالزّْمَانْ وُتَبْـــدَالُ مَا عْرَفْتِي بَايَنْ لِيَّامْ كَاتْعَاقَبْ بَبْلاَهَـــــا مَا عْدَرْتِي مَبْلِي تُعْدَارْ يَوْمْ تَصْدَفْ تَعْـلاَلُ مَاعْمَلْتِي بَحْسَابْ اَلْكَاتْبَا وُ سَاعَتْ مَلْقَاهَـــا مَا صْحَبْتِي قُرَّاتْ اَتْنَالْ مَنّْهُمْ كْمَا نَـــالُ مَا اَنْتَ غِيرْ اَبْهِيمَا هَايْمَا وُ كَرْهَتْ مَرْعَاهَـا مَاكْفَرْ اِلاَّ مَنْ جَحْدْ اَلنّْبِي وُ كَدَّبْ فَقْــوَالُ مَا شْرَكْ اِلاَّ مَنْ هُوَ قَالْ لاَ نْبِي لاَ اِلاَهَـــا اَلاَّيَمْ خَلِّ لَعْبَادْ كُلّْ وَاحَدْ فِي حَــــــالُ اَلشّْهَادَا بَالله وُ بَاَلرّْسُولْ تَكْفِي مُولاَهَــــا القسم الخامس لاَتْدَمْ وُ لاَتَشْكَرْ سَمْعِينْ لَنْجَايَبْ قَـــــالُ غِيرْ مَنْ خَالْطْتِيهْ وُعَرْفْتِي اَسْرَارُ وَفْشَاهَــا لاَتْلُومْ فْلَخْلاَيَقْ حَدّْ بَاَلْفْعَلْ قَبْلْ اَتْسَـــالُ غِيرْ حَتَّى يُريكْ اَغْرَايْبُ مَنْ اَوَّلْ مَبْدَاهَـــا لاَتْوَسَّدْ لَمَانْ مْنَ اَلزّْمَانْ وَحْمُولْ اَتْقَـــالُ غِيرْ كَانْ اَتَاتَكْ لَمْوَاعْدَ وُ شُوفْ ءَاشْ وْرَاهَـا لاَتْظَنّْ اَلتَّوْفِيقْ اِلاَّ بْمَنْ عْلِينَا تَفْضَــــالُ غِيرْ بَاطَلْ كَاتَشْقَى بَالْمْلَامْ يَكْفَا تَتْلاَهَــــا لاَتْجُورْ بْصَحَّا وَلاَ بْمَالْ مَهْمَا يُقْبَــــالُ غِيرْ تَهْجَرْ كُلَّمَّا ضْحَكْتِي وُشَـانَكْ يَنْتَهَـــا لاَ تْغَرَّكْ دَارْ اَلْبُهْتَانْ بَالْمْكَرْ وَسْتَهْمَـــالُ غِيرْ بَاطَلْ تَغْبَطْ فَوَانْهَا وُتَسْقِيكْ اَضْمَاهَـــا اَلاَّيَمْ خَلِّ لَعْبَادْ كُلّْ وَاحَدْ فِي حَــــــالُ اَلشّْهَادَا بَالله وُ بَاَلرّْسُولْ تَكْفِي مُولاَهَــــا القسم السادس كَانْ لَمْتِي خَاطِي خُطْيَانَكْ اَلاَّيَمْ عَـــدَّالُ لاَيْمْ وُ خَاطِي فَاَلتَّسْفَاهْ مَا قْوَاوَهْ سُفَهَـــــا كَانْ لَمْتِي بَاخَلْ قُدَّامَكْ يُرْحَامْ اَبْتَبْخَـــالُ لاَيَمْ وُ بَاخَلْ بِينْ اَلنَّاسْ عَمَّرُ مَا يَتْبَاهَــــا كَانْ لَمْتِي فَاسَدْ فَبْحَرْ اَزْلاَلَكْ تْغِيــبْ اَزْلاَلُ لاَيَمْ وُ فَاسَدْ جَمَّلْهَا وُ بَالْوْقَاحَا نَهَّاهَــــــا كَانْ لَمْتِي نَاحَلْ خُوفِي عْلَى يْمَانَكْ يَنْحَــالُ لاَيَمْ وُ نَاحَلْ فَضْرَارُ تَعْجَزْ طَبَّا بَدْوَاهَــــا كَانْ لَمْتِي فَاقَرْ رَبِّي يَفَقْرْ جَبْحَكْ مْنَ مْصَـالُ لاَيَمْ وُ فَاقَرْ عَمْرُ مَايْصِيبْ لَلنَّفْسْ اَمْنَهَــــا كَانْ لَمْتِي دَانَفْ فَاَلدَّنْفْ رَاكْ قـَلْ مَنْ اَرْدَالُ لاَيَمْ وُ دَانَفْ جَمْعْ اَعْيُوبْهَا اَجْمِيعْ اَجْنَاهَـــا اَلاَّيَمْ خَلِّ لَعْبَادْ كُلّْ وَاحَدْ فِي حَــــــالُ اَلشّْهَادَا بَالله وُ بَاَلرّْسُولْ تَكْفِي مُولاَهَــــا القسم السابع سَالْ هَلْ لَعْقُولْ عْلَى اَلُّومْ يَالدَّاخَلْ مُحَـــالُ بَاشْ عَاقَبْ طَلْبَا وَشْرَافْ وَاعْوَامّْ وُ فُقَاهَــا سَالْ عَنْ اِبْلِيسْ اَلْمَلْعُونْ يَا مَنْ غْوَاهْ اَهْبَــالُ بَاشْ مَطْرُودْْ مْنَ اَلرَّحْمَا وُبَاشْ قُومَانْ اَغْوَاهَا سَالْ عَنْ هَارُوتْ وُمَارُوتْ هَلْ اَلْعَلْمْ وُتَفْصََالُ بَاشْ دَايَمْ بَتْنِينْ اَمْعَدّْبِينْ جُلْ اَفْمَعْنَــــاهَا سَالْ عَنْ حَالْ مَنْ اَلتَّبْلَى يْفِيدَكْ اَبْصَحّْ اَعْمَالُ بَاشْ تَهْنَا وَتَطْلَبْ مْنَ اَلْجْلِيلْ لَعْضَاكْ اَنْجَاهَـا سَالْ عَنْ عَمْرَكْ وَاَلْمُكْتَابْ يَوْمْ يَنْتَمّْ اَجَــالُ بَاشْ تَلْقَى فَالْقْبَرْ اَهْلْ اَلسّْوَالْ وَتْحُوزْ اَرْضَاهَا سَالْ عَنْ مَا فَرَضْ عْلِيكْ اَلْْكْرِيمْ وَحْسَنْ بَقْوَالُ بَاشْ عَسَّا وَعَلَّى تَنْجَا مَنْ اَلْمْلاَهَبْ وَلْضَاهَـا اَلاَّيَمْ خَلِّ لَعْبَادْ كُلّْ وَاحَدْ فِي حَــــــالُ اَلشّْهَادَا بَالله وُ بَاَلرّْسُولْ تَكْفِي مُولاَهَــــا القسم الثامن خُذْ مَنِّي لِكْ اِيفَادَا وَ اَفْهَمْ قَوْلِي وَاَصْغَـــالُ دِيرْ رَاسَكْ مَا بِينْ اَلرُّوسْ وَ اَلسّْلاَمَا رَتْجَاهَـا خُذْ مَوْعِظَا وَاَعْمَلْهَا اَلْجَامْ فَاهَكْ وَمْثَــــالُ وَاَلْقْضَا يَتْصَرَّفْ وَاَلصَّمْتْ فِيهْ حَكْمَا وَنْزَاهَـا خُذْ رَاحَا وَعْمَلْ خَيْرَاَ مْنَ اَلْمْلاَمْ وُتَنْكَـــالُ رَبْنَّا هُوَ اَلرَّاحَــمْ وَاَلشّْفِيعْ مُحَمَّدْ طَاهَـــا خُذْ صَحَّتْ لَخْبَارْ اِلَى اَنْتَ اَلْشَعْريِ قَبَّـــالُ مُتْ مَسْلَمْ وَاَلرَّحْمَا للَّسْلاَمْ لَكْرِيمْ اَهْدَاهَـــا خُذْ زَهْرْ اَسْتَنْشَقْ طِيبُ دْهَنْكْ يَصْفَى تَخْبَـالُ كَانْ بِهْ اَعْنِيتِي وَقْلاَيْدُ خْبِيرَكْ رَتْضَاهَــــا خُذْ حَدْرَكْ مَنْ عَيْبْ اَلْخَلْقْ يَالْغَرِّي فَفْضَـالُ اَلشّْرَابْ اَمْخَتْلَفْ وَالله كُلّْهَا كِيفْ اَسْقَاهَــــا اَلاَّيَمْ خَلِّ لَعْبَادْ كُلّْ وَاحَدْ فِي حَــــــالُ اَلشّْهَادَا بَالله وُ بَاَلرّْسُولْ تَكْفِي مُولاَهَــــا القسم التاسع وَاحَدْ اَشْرَابُ رَبَّانِي وُنَوَّرْ اَلْحَقّْ اَخْيَــــالُ وَالْمْجَالَسْ فَاشْ حْضَرْ مَا يْلُومْ هَلْهَا فَهْوَاهَـا وَاحَدْ اَشْرَابُ شِيطَانِي وُكَاتَمْ اَصْنَافْ اَحْيَــالُ يَدْعِي بَاَلتَّقْوَى وَالنَّاسْ كَاتْزُورُ بَوْفَاهَــــا وَاحَدْ اَشْرَابُ غَيَّبْ بِهْ عَنْ اَحْرَامُ وَاَحْــلاَلُ مَا عْلٍيهْ فْهَدَا وَلاَ فْدَاكْ كُسْدَا بُوَّاهَــــــا وَاحَدْ اَشْرَابُ غِيرْ عْلَى اَلزّْهُو وُ لَحْبَابْ اَكًْبالُ وُ يَحْسَنْ بِيمَانُ وَ الْغِيرْ مَا يْعِيبُ بَسْفَاهَــا وَاحَدْ اَشْرَابُ صَدَفْ اَلصّْبَرْ مَا عْلِيهْ فْمَا قَالُ وُ لِيعْتِقَادْ اَحْسَنْ فِي خَالْقُ وُ نَفْسُ هَنَّاهَــا وَاحَدْ اَشْرَابُ صَدْفْ حْلاَوَتْ اَلّْسَانْ وُ تَحْلاَلُ وُ لِخْتِيصَارْ اَلنَّاسْ اَحْوَالْ وَالْفْهَمْ مَا وَرَّاهَـا اَلاَّيَمْ خَلِّ لَعْبَادْ كُلّْ وَاحَدْ فِي حَــــــالُ اَلشّْهَادَا بَالله وُ بَاَلرّْسُولْ تَكْفِي مُولاَهَــــا القسم العاشر خُذْ يَبْرِيزْ اَحَفَّاظِِي وُصُنْ وَاَحْسَنْ تَكْـــلاَلُ فَالْقْلُوبْ اَحْدِيتُ لَلْعَارْفِينْ شَهْدَا مَحْلاَهَـــا خُذْ صَارَمْ للدَّاعِي بِهْ مَزَّقْ اَصْمِيمْ اَدْخَــالُ عَمَّرْ اَحْسَامْ اَلْكَلْخْ فْحُومَتْ اَلسّْقَارَا مَا ضَاهَا خُذْ شِيهَانْ اَمْسَلَّحْ وَالْفْزُوعْ مَنُّ يَنْضَـــالُ مَا يْوَكْدُ فَاَلشَّدَّا غِيرْ هَلْ اَلْخَصْلاَ وَحْمَاهَــا خُذْ رَمْحْ اَمْهَنَّدْ مُولاَهْ فَضّْ عَنْ كًَرْعْ اَنْصَالُ وَالّْفَاظْ اِجِيبُو لَخْبَارْ وَالْمْعَانِي فَقَّاهَــــا خُذْ حَجْرَتْ لَعْبَارْ اَتْكًَعَّدْ اَلْحْمُولْ اِلَى مَــالُ مَا يْشَالِي اِلاَّ مَنْ فَازْ بَاَلشّْجَاعَا وَدْرَاهَـــا وَاَلسّْلاَمْ اَلْطَلْبَا وَشْرَافْ قَدّْ لَفْجَرْ وَهْـــلاَلُ وَاَلْفْضَالْ اَلْعَلْمَا مَا فَاحَتْ اَلْبْسَاتَنْ بَشْدَاهَــا وَاَلضّْرَاغَمْ مَنْ هُمَا لَلْقْرِيضْ فَاَلْحَرْبْ اَبْطَالُ وَاَلسّْلاَمْ يْعَمّْ الاِسْلاَمْ كَافَّا زَهْرْ اَعْفَاهَــــا وَاَلصّْلَى وَاَلتَّسْلِيمْ مْنَ اَلْحْلِيمْ عَنْ تَاجْ اَرْسَالُ سِيدْنَا مُحَمَّدْ نِعْمْ الشّْفِيعْ اَلْمَاحِي طَـــــهَ وَ اَسْمِي رُبْعْ اَلتَّا وُ نَصْفْ نُونْ هَدَاكْ كْمَالُ وَ اَلتّْمَامْ اَسْتَغْفِرْ اللهْ مَنْ اَوْزَارِي وَخْطَاهَــا اَلاَّيَمْ خَلِّ لَعْبَادْ كُلّْ وَاحَدْ فِي حَـــــالُ اَلشّْهَادَا بَالله وُ بَاَلرّْسُولْ تَكْفِي مُولاَهَــــا

مَا

قْصِيدَة الزَّطْمَا للشيخ الجيلالي امتيرد السوسي القسم الأول مَحْبُوبِي صِيفَتْ لِي اكْتَابْ ¤ قََََِرّيتُ نَجْبَرْ فَالخْطَابْ ¤ يَامَحْبُوبِي يَا رُوحْ رَاحْتِي ¤ يَامَنْ بِكْ الدَّاتْ شَايْقَا ¤ وَقَتْ وََصْلَكْ يَا رْبِيعْ قَلْبي ¤ مَرْسُولِي نُضْ لا تَكَذََّبْ ¤ وَاجِي حَتَّى انْشَاهْدَكْ وَ تْشَاهَدْنِي بَارَتْ الْحْيَالْ ¤ وَ بْقِيتْ انْخَمَّمْ كِيفْ نَعْمَلْ وَاشْ المَعْمُولْ ¤ وَاشْ مَنْ حِيلا تَنْفَعْنِي بَاشْ نُوصَلْ بَرَّانِي فَالبْلاَدْ ¤ وَ البَرَّانِي مَسْكِينْ مَايْلُ كَلْمَا وَ لالِهْ جَاهْ وَلا صُولا ¤ لَوْ كَانْ غُولْ امْنْ الغْوَالْ أَنَاسِي كِيفْ نَعْمَلْ ¤ لَوْصَالْ عْلَى الرّْضَى ابْغِيتُ ¤ وَ لايَنِّي الخُوفْ دَهَّشْنِيى مَا نَعْرَفْ فِي اعْرَاضِي سِيتَلْ وَ لا الْفِيلْ ¤ وَلاَ تَعْبَانْ زَعِيمْ اَوْ عَفْرِيتْ الْجَنْ ¤ اوْ بَعْضْ الَصّْمَاصَمْ غََشَّامَ يَالْطِيفْ ¤ وَ لا نَلْقَى بَعْضْ الغْوَالْ هَاهُوَ صِيفَتْ لِي اكْتَابْ * جَانِي بَشَّارُ جَاِني * يَاكْ اعْطَانِي صَحَّتْْ الخْبَارْ وَ امَرْنِي بُوصَالْ * نَمْشِي لَغْزَالِي بُوْحْرَامْ * هَاهُوَ صِيفَتْ لِي كْتَابْ القسم الثاني هَلّْ اعْقيقْ انْجَالِي اسْكِيبْ ¤ جَاوَبْنِي مَرْسُولْ الحْبِيبْ ¤ أَنَا بَشَّرْتَكْ يَا عْشِيقْ وَ دْمُوعَكْ هَطْلُ لاشْ دَ الْبْكَا شَفِّتِينِي قُلْتْ لِهْ ¤مَابِيَّ غِيرْ الخُوفْ وَ الحْكًامْ الطَّاغِي وَ الحَاسْدِين وَ البَيَّاعَا وَ الحَارْسِينْ مَهْمَا يْقَبْطُنِي مَايْفَلّتُنِي وَ نَامَتْهُومْ ¤ مَاسْخَى حَدّْ ابْعَمْرُ ¤ قَال لِّي فْدِيُّ حَتَّى عَاشَقْ مَا قْرَى لَلحُبْ اعْقُُوبَا خُوفْ يَاسَرْ هَدَ ¤ لاكِنْ زِدْ قُدَّامِي فِي لَمَانْ اشْرَحْنِي هَزِّيتْ اعْيَانِي الصُورْتُ ¤ نَجْبَرْوَ لْفِي ضَارَبْ الّْتَامْ امْحَدَّقْ ¤ للهْ قُلْت لُ هَدْرْ انْكَابَكْ كَانْ بَنْتْ وَ لاَّ رَاجَلْ هَدْرْ النّْكَابْ ¤ نَجْبَرْ وَ لْفِي عَارَمْ مَا نْقَصْهَا َربِّي مَنْ شَايْ ¤ طَحْتْ بَنْدَقْتْ لِهَا وَدِّيتْ الْخْلافَا ¤ قَالَتْ لِي لَوَاهْ غِيرْ خَادَمْ مَامُورَا بَالْخْبَارْ ¤ قُلْتْ الْهَا للهْ كِيفْ دَايَرْ زِينَكْ وَ عْسَى زِينْ مُولاتَكْ ¤ قَالَتْ لِي لالا عَدَّاتْ الدَّلْفََا وُ جَازْيَا وَ الْعَبْسِيَّا وَ الغْزَالْ شَمَا ¤ عَطُّوشْ الفَايْقَا وُ لَيْلَى * وَكْدَاكْ الشَّمْسْ وَ القْمَرْ ¤ مُولاتِي مَنْ شَافْهَا اتْسَلْبُ فَنْسَا وَ لا ارْجَالْ هَاهُوَ صِيفَتْ لِي اكْتَابْ * جَانِي بَشَّارُ جَاِني * يَاكْ اعْطَانِي صَحَّتْْ الخْبَارْ وَ امَرْنِي بُوصَالْ * نَمْشِي لَغْزَالِي بُوْحْرَامْ * هَاهُوَ صِيفَتْ لِي كْتَابْ القسم الثالث هَيَّجَتْ اشْواقِي بَالغْرَامْ ¤ وَرْفَدْتْ الدَّرْكَا وَ الحْسَامْ ¤ وَ احْلَفْتْ أَقْسَمْتْ ابْرَافَعْ السّمَا حَتَّى نَزْطَمْ لُو انْصِيبْ غَشَّمَا وَ لاَّسِيفْ الصَّواعِقْ وَ لا مُلُوكْ التّمِيمَا ¤ وَلا يَاشِينْ أَوْبَيَاشِينْ أَوْ النَّسْنَاسْ أَوْ عَامَرْ مَسْتَقْتَلْ رَافَدْ الجّْفَا ¤ حَدَّارْ أُلَمَانْ مَاقْرِيتُ عَاكَدْ عَبْسَا اتْدُوَّبْ اجْبَلْ رَبْوَا ¤ وَ القَلْبْ كَنْ هَنْدْ وُ صَدِْر نَحْكِيهْ كَنّْ مَرْجَلْ انْحَسّْ البَّرْدْ النّْدَا عَايَقْ فَايَقْ عِينْ أُوْدَنْ مَحْزُومْ امْكَرْوَدْ ¤ لُو انْضَرْنِي عَفْرِيتْ الْجَنّْ يْنَزْفَرْ مَنْ كًُرْبِي نَزْفَمْ كَنّْ قَصْوَرْ حَكًْدَانْ اعْبُوسْ ¤ وَعْدْ شَاتُ زَامْ الرَّعْدْ الْعْصِيفْ ¤ وُشاَرْ البَرْقْ الِّي ادْهِيشْ ¤ وَ الِّيلْ اقْبَا عَنَّا ارْخَى اجْنَاحْ اضْلامْ وَ تْسَلَّحْ الرُّكَامْ وُهَبْ الرِّيحْ العْصِيفْ ¤ لِيلَى تَفْتَنْ وَ تْشِيَّبْ المْرَضَّعْ وَ نَا عَنْدِ اضْحَاتْ فَرْجَا وَ نْزَاهَا وُ كُلّ مَا صْعَابْ اعْلِيَّ بِهَا اسْهَالْ هَاهُوَ صِيفَتْ لِي اكْتَابْ ¤ جَانِي بَشَّارُ جَاِني ¤ يَاكْ اعْطَانِي صَحَّتْْ الخْبَارْ وَ امَرْنِي بُوصَالْ ¤ نَمْشِي لَغْزَالِي بُوْحْرَامْ ¤ هَاهُوَ صِيفَتْ لِي كْتَابْ القسم الرابع قَرَّبْنَا لَرْسَامْ الغْزَالْ ¤ قَالَتْ لِي لَوْصِيفَا احْتَالْ ¤ مَرْسَمْنَا رَاهْ ايْبَانْ كَامْنَارَا قُلْتْ الْهَا حَلَّتْ البْشَارَا ¤ قَالَتْ نُوصِيكْ كُنْ رَاجَلْ مَاضِي ¤ للهْ قُلْتْ لِهَا زِدْ ¤ عَوَّلْتْ عَلْ المُوتْ وُ لَحْيَا ¤ هَادُ الرَّاسْخِينْ افْبَالِي ¤ الِّي اعْقِيلْ مَا يَتْعَقَّلْ ¤ وَ لِّي ارْجِيلْ مَا يَتْرَجَّلْ ¤ للهْ يَاكْ قُلْتِي لِيَّ مَاكَانْ بَاسْ ¤ قَالَتْ غِيرْ الخُّوتْ لالا رَبْعَا قُلْتْ لْهَا حُرْمْتَكْ وَرّيهُمْ لِيَّ كُلْ وَاحَدْ وِسْمُ بَعْد انْعَرْفْهُمْ ¤ قَالَتْ الَّوَّلْ كَا يْقُولُ لِهْ البَطَّارْ مَاخْفَا ¤ وَ الثَّانِي زَهْلُولْ لانْفَا ¤ وَ الثاَّلَثْ مَحْرُومْ الوْفَا ¤ وَ الرَّابَعْ يُقَالْ لِهْ لَوْفيِحْ اقْضاَيْ اللهْ ¤ سَافَرْتْ الرُّوحْ اجَاتْ ¤ قُلْتْ لِهَا وَخَّدْتِنِي وُهَلْكْتِنِي ¤ يَسَّرْتِنِي وُ لا قْطَعْتْ افْقلَْبَكْ هَدَ الْعَارْ¤ لُوكَانْ اعْلَمْتِنِي الحَرْبْ الخُّوتْهَا انْعَوّلْ ¤ قَالَتْ لِيَّ الرَّيْ لِكُمْ وَ حْنَا تَدْبِيرْنَا امْدَبَّرْ ¤ زِدْ الَّهْنَا انْحَلْفَكْ و َ نَرَكَّبْ لِكْ شِي اتْرَبْيَا وَ نْدَخْلُ مَنْ جُمْلَتْ النَّسَا ¤قُلْتْ الْهَا مَنْ بَعْدْ العْزَافَرْ وَ الحْيَا هَكْدَ احْشُومَا نَرْجَعْ مَنْ جُمْلَتْ النّْسَا ¤ وَنْقَصَّرْ بَرْقَابْ الرّْجاَلْ ابْحَالِي هَدَا الْعَارْ ¤ وَ لايْنِي مَعْلُومْ مَنْ اعْكُدْهَا بْيَدِّيهْ ¤ ايْفُكّْهَا ابْسَنِّيهْ ¤ وَجْبَدْتُّ افْدَاكْ الدّْجَا مَبْخَرْتِي ¤ وَ ْعَمَلْتْ وَرْقْ صَفْصَافْ الا يُوقَدْ ابْنَارْ ¤ وَ لايَعْمَلْ دُخَّانْ دَرْتْ فِيهْ البَنْجْ اضَدُّو عْلَى اجْعَابْ انْيَافِي ¤ وَ امَرْتْ لَوْصِيفَا تَسْبَقْ البَابْ القْصََرْ ¤وَتْبَشّرْ لِي رَايَتْ النّْصََرْ ¤ وِيدِ مَطْرُوحَا عَلَى اقْبَطَتْ احْسَامِي ¤ وَمْنِينْ زَدَتْ ضَهْرُ لِي لَعْفَارَتْ السّْلِيمَانِيَّ وَقْفُ امْنِينْ شَافُونِي تَمُّ زَايْدِينْ ¤ حَتَّى دَخْلَتْ عَنّْهُمْ رِيحَتْ البَنْجْ انْشُوفْ القُومْ عَرْبَطْ ¤ طَاحُ بَالجَمْلا وُ غِيّْبُ وُ امَرْت ْاغْزَالِي عْلَى الْوْصِيفَا دَغْيَا بَمْفَاتَحْ الرّْضَى حَلَّتْلِي بَابْ القْفَالْ هَاهُوَ صِيفَتْ لِي اكْتَابْ ¤ جَانِي بَشَّارُ جَاِني ¤ يَاكْ اعْطَانِي صَحَّتْْ الخْبَارْ وَ امَرْنِي بُوصَالْ ¤ نَمْشِي لَغْزَالِي بُوْحْرَامْ ¤ هَاهُوَ صِيفَتْ لِي كْتَابْ القسم الخامس حَلَّتْ لِي لَوْصِيفَا البَابْ ¤ بِسْمِ الله زَدْتّْ عْلى الصّْوَابْ ¤زَادَتْ الْكًَدَّامِي رَافْدَ اتْرِيَ حَتَّى دَزْنَا البَابْ الَّوَّلْ وَ التَّانِي هَاكْدَاكْ وَ التَّالْتْ وَ الرَّابَعْ فَالْحْضَى وَ الْخَامَسْ وَ السَّاتْ زَدَتّْ للسَّابَعْ قَالَتْ زِدْ يَا الَعَاشَقْ ¤ ادْخَلْنَا لَمْوَاسَطْ الْقْصَرْ ¤ مَرْفُوعْ ابْحَكْمَا وُفَرْدْ يَاجُورَا وَ الْوَرْقَا وُ كًَايْزَا ¤ وَسْوَارْ وَصْحُونْ وَ التّْقَاوَسْ خُصَّاتْ أعْلَى المْحَنّْشَاتْ ¤ وَ القِرَاطِي وَ الْمْزِهْرِي وَ الزَّلِّيجْ اعْلَى الْصْنَافْ نَحْكِي حَرْجَتْ نُوَّارْ ¤ زدَتْ لَلْقُبَا نَجْبَرْهَا تْقُولْ سَهْلا وَهْلا ¤ وَمْيَاتْ مَرْحْبَا بَحْيِبِي ¤ لَوْلا خَفْتْ لَحْسُودْ ايفِيقُ بِكْ فَالرّْسَامْ انْوَلْوَلْ حَتَّى انْهَزْ لَقْصَرْ ايْمَنْ وَشْمَالْ حَقْ فَرْحَا بَقْدُومَكْ زِدْ زَدتّْ نَجْبَرْهَا فُوقْ اسْرِيرْ ¤ تَاكًَتْ اعْلِيَّ كِيفْ ايْتُوكْ القْمَرْ لِيلَتْ طَادِ فِي ابْرَاجْ فَلْكُ سَتْوَاتْ عْلَى الْفْرَاشْ ¤ وَ امْرَتْ اغْزَالِي عْلًَى النّْعَايْمْ تَحْضَرْ مَنْ كُل نُوع ¤ كَلْنَا وَ شْرَبْنَا فُوقْ مَنْ فْرَاشْ ازْرَابِي وَ مْضَرْبَاتْ ¤ وَقْطََايَفْهَا وَلْحُوفْ رَاْيْقََا ¤ وَخْوَاِمي تَنْبَا امْعَلّْقَا ¤ وَشْمُوسْ القبَا شَارْقََا وَتْخَارَمْ فِيهَا امْرُونْقَا ¤ وَ مْصَابَحْ وُمْنَاَيَرْ الْهْنَا وَتْرِيَّاتْ امْشَهّْرِينْ شَمْعَا رَطْلِيَّا بَايْتَ اتْوَلْوَلْ وَتْدُوبْ مَنْ الصّْهُودْ ¤ اتْرَفْعَاتْ اصْفَرْتْ الطّْعاَمْ ¤ وَ التَّنْشَرَتْْ اصْفَرْتْ الْمدَامْ ¤ قَالْتْ اش ْكَيْقُولْ لِهْ ¤ قُلْتْ الْهَا كَايْقُولُ لِهْ العُقَّارْ وَالصّْهِيبَا وَ كَيُوسْ الرَّاحْ ¤وَالعْتِيقْ و ُكَاسْ الجَرْيَالْ والشّْتِيَّ ¤ كُبَّتْ وَلْفِي امْداَْمْهَا فَفْنَاجَنْ مَنْ مََرْمَرِ انْضَرْتُ يَضْهَرْ لِي امْضَى مَنْ السِّيفْ القَاطَعْ فَالّْطاَمْ ¤ وَقْوَى وَقَطَعْ مَنْ سَّمّْ الْفَاعْ الخَارَْقْ ¤ وَحْلَى مَنْ الْعَسْل وَصْفَى مَنْ ثَلْجْ الْجْبَالْ هَاهُوَ صِيفَتْ لِي اكْتَابْ ¤ جَانِي بَشَّارُ جَاِني ¤ يَاكْ اعْطَانِي صَحَّتْْ الخْبَارْ وَ امَرْنِي بُوصَالْ ¤ نَمْشِي لَغْزَالِي بُوْحْرَامْ ¤ هَاهُوَ صِيفَتْ لِي كْتَابْ القسم السادس دَوَّرْتْ اعْلَى الصُّفْرَى اكْيُوسْ ¤ عَلْ لَصْنَافْ ابْدِيعْ الشّْمُوسْ ¤ قَرْفِي وَ نْوَاعْ الزَّاجْ وَ البْدِيعْ وُ كَاسْ البَلا رْ ¤ وَ الْوْدَعْ امْلاتْ اغْزَالِي كَاسْهَا وَرْفَعْتُ لِيَّ قُلْتْ لِهَا امُولاتِي ابْصَحّْتَكْ ¤وَالسَّاقِي يَا رُوحْ رَاحْتِي مَنْ رَاسُ يَبْدَا ارَْشَفْتُ امُولاتِي لالا وَمْلاتْ وَ عْطَاتْنِي انْغَدَّرْ بَرْضَاهَا دُرَّتْ الْبْهَا طَبْنَا وَسْلِينَا كْمَا ازْهِينَا وَتْعَاطِينَا اشْمُولْ ¤ شَعْشَع ْلَمْدَامْ افْلالا وُ عَرْبطْ اعْلِيَّ قَامَتْ الْقْنَا وَدْبَالُ لَشْفَارْ وَ الَخْدُوْد انْعَصْرُ ¤ وَ الْبَنْتْ دَمّْ عَرْبِي وَعْلُو وَ مْلُو رَافَدْ الطَّاكًا فَاكْسَا وِ امْشَرّْطَا ¤ وَحْرِيشَا وَدْبَاجْ كَاسَّا وَقْفَاطَنْ زَبْجِي امَطَرَّزْا ¤ وَحْزَامْ امْتَفَّلْ فُوقْ شَنْبُورْوُسَبْنِيَّ امْسَلّْكَا وَدْوَاوَحْ دَاحُ وُدُوُّحُ ¤ وَمْحَاكَمْ وَمْقَايَسْ الْهْنَا ¤ وَخْلاخَلْ صَاحُ وُ جَرّْحُ قَلْبِي وَقْتَمَّا امَّا ارْفََدتّْ عِينِي انْصِيبْ الرِّيمْ بَارْزَا قُدَّامِي مَهْمَا انْشُوفْهَا يَتْجَدَّدْ عَشْقِي ابْلا اهْوَيَا سُبْحَانْ الله ¤ كُلّْ مَا لَبْسَتْ وَتَاهَا كِيفْ وَتَاتُ مُولاتِي رَايَتْ النّْصَرْ مَكْمُولا بَجْمَالْهَا افْرِيدَا حُسْنْ ابْدِيعْ الْجْمَالْ هَاهُوَ صِيفَتْ لِي اكْتَابْ ¤ جَانِي بَشَّارُ جَاِني ¤ يَاكْ اعْطَانِي صَحَّتْْ الخْبَارْ وَ امَرْنِي بُوصَالْ ¤ نَمْشِي لَغْزَالِي بُوْحْرَامْ ¤ هَاهُوَ صِيفَتْ لِي كْتَابْ القسم السابع قََالَتْ لِيَّ تَاجْ الرّْيَامْ ¤ وَالصَّفْنِي فَابْدَعْ النّْضَامْ ¤ قُلْتْ الْهَا كِيفْ انْقُولْ قَالَتْ ا لِّي شَفْتِي وَصْفُ وُحَدّْقُ وَنْطَقْ لِي بَالْحَقّْ لاتْكَتْمْ اشْهَادَا ¤ فَجْوَابْ دِيّْهَا قَالَتْ لِي قَدِّ قُلْتْ لِهَا صَارِفِي مُرْهْقَانْ ¤ شَمَّرْ قَلْعُ وَاتَا بَالْغْنِيمَا ¤ قَالَتْ تِيتِي قُلْتْ لِهَا تَعْبَانْ افْزَفْرتْ الكَْوَايَلْ ¤ وَرْخَاتُ فِي اوْطَانْ زِيمَا ¤ قَالَتْ غُرَّا قُلْتْ لِهَا غُرَّا نَحْكِي كْمَا السَّجَنْجَلْ وَجْبِينْ اهْلالْ تاَكْ بِينْ الفَلْكِينْ افْمَنْزْلا اعْظِيمَا¤ قَالَتْ حَجْبِينْ قُلْتْ لِهَا حَجْبِينْ امْدَادْ ¤ فِيدْ طَالَبْ خَطَّاطْ وُصَاحَبْ الْعْزِيمَا ¤ قالَْتْ لَحْضِينْ قُلْتْ لِهَا فَرْصَامْ احْكِيتْ وَ الشّْفاَر ْاصْوَارَمْ لَهَْلْ الْهْوَا خْصِيمَا ¤ قَالَتْ خَدِّينْ قُلْتْ لِهَا زَهْرَا عْلَى وَرْدْ قَانْ فَتَّحْ فَلْيَالِي مَايْلِيهْ قِِيمَا ¤ قَالَتْ غَنْجُورْ قُلْتْ لِهَا غَنْجُورَا اسْلِيسْ وَ المْرَاشَفْ و َالرِّيقْ امْصَالْ ¤ وَ التّْغَارْ اجْوَاهَرْ ¤ عَتْنُونْ فُوقْ غُبَّا رَكًَْبَا تَنْبَا ارْكَبْتْ شَادِي وَضْعُُودْ المِيضْ شِيْرُ وَ الصّْدَرْ البَاهِي مَرْمْرُ حَجَّامُ بِينْ النُّهُودْ ¤ وَالْمُ وَعْمَلْ شَلَّى انْصِيفْ وَتَاتُ سُرَّا طَاسَتْ الدّْهَبْ ¤ وَالرَّدْفْ الْمَالِي يَنْتْقَلْ وَفْخَادْ اعْسَرَا ُوسَاقْ مَدْغُوجْ اكْمَا لَلْبَلارْ وَ الْقْدَامْ اخْدَلَّجْ ¤ هَدَا مَادْرَكْنَا فَوْصَافَكْ يَاالْبَاهْيَا تَفْهَا فِيِهْ اعْقُولْ الرّْجَالْ ابْحَالِي شَلا انْصِيفْ ¤قَالَتْ لِي وَلْفِي اتْبَارَكْ اللهْ احْجَابْ اللهْ وَ اسَمْ اللهْ اعْلِيكْ اَنَابَغْ المْعَانِي الْحَبْرْ المَدُّوبْ الجِّيلالِي مَجَّادْ الرّْيَامْ * وَنَا لَكْ مَكْسُوبَا اعْلَى امْدِيحَكْ لِكْ الرَّقْبَا احْلالْ هَاهُوَ صِيفَتْ لِي اكْتَابْ ¤ جَانِي بَشَّارُ جَاِني ¤ يَاكْ اعْطَانِي صَحَّتْْ الخْبَارْ وَ امَرْنِي بُوصَالْ ¤ نَمْشِي لَغْزَالِي بُوْحْرَامْ ¤ هَاهُوَ صِيفَتْ لِي كْتَابْ تمت القصيدة

صِيدَة الْجْفَنْ








مَالْ جَفْنْ احْبِيبِي سَاحِي مَنْ الدّْمُوعْ


مَالْ قَلْبْ احْبِيبِي مَارَامْتُ اوْلُوعْ


مَالْ جَسْمْ احْبِيبِي مَا ضَرّْتْ اوْجُوعْ


مَالْ عَقْلْ احْبِيبِي مَاهَزّْتُ اقْلُوعْ


مَالْ سَمْعْ احْبِيبِي لَشْكَايْ مَايْطُوعْ


حَازْ عَقْلِي وَرْمَا دَاتِي ابْلا ارْجُوعْ





وُمَالْ اطْيَارْ اسْكْتَتْ مَنْ بَعْدْ الْغَاهَا


وُمَالْ ارْيَاحِي اسَكْنَتْ مَنْ هَزّْ اهْوَاهَا


وُمَالْ امْطَارْ اسْحَاتْ مَنْ مُزْنْ اسْمَاهَا





مَالْ سَهْرْ اعْيُونِي مَنْ شُوقْهُمْ طَايَلْ


وُمَالْ سَلْوَانِي مَنْ نَارْ الْفْرَاقْ زَايَلْ


مَالُ طِيرْ فَشْبَاكْ الْبَاهْيَاتْ حَاصَلْ


مَالْ هَجْرِ طَالَعْ يَزْدَادْ فَالطّْلُوعْ


مَالْ حُزْنِي سَاكَنْ فَدْوَاخَلْ الضّْلُوعْ


حَازْ عَقْلِي وَرْمَا دَاتِي ابْلا ارْجُوعْ







باَلزَّبْرَا وَ الَّهِيبْ وَ الْمَعْوَنْ يَلْوِيهْ


لاطَالَبْ لاطْبِيبْ بَدْوَاهْ ايْدَاوِيهْ


عَطْشَانْ الابْحُورْ مَنْ عَطْشُ تَرْوِيهْ





قَامْنِي فِي حَالا لَنُّ احْكيِمْ وَاحَدْ


لاحْنِي فََهُوَ مَنْ قَلْبُ احْدِيدْ جَامَدْ


لاَزْم اتْصَرَّفْ فَلْمَكْتُوبْ شِينْ وَاعَدْ


قَدّْ غُصْنْ الْبَانْ المِيَّاسْ فَلْفْرُوعْ


وِينْ مَاصَلاتْ انْصَلِّوْ بَالْخْشُوعِْ


حَازْ عَقْلِي وَرْمَا دَاتِي ابْلا ارْجُوعْ







الزَّايَدْ فِي عْضَايْ جَرْحَا عَنْ جَرْحَا


وَغْيَامْ الْبِيِنْ عَنْ اكْلِيبِي مَايْسْحَا


يَعْدَرْنِي مَايْلُومْ فَالشَّمْسْ الْوَضْحَا





وَ الْجْبَالْ اتْرِيبْ وُصَلْدْ الْحْجَارْ يَنْدَا


وَ الْمْغَادَرْ وَ الْوَدْيَا وَ الْبْحُورْ لَبْدَا


وَالشْجَارْ اتْسُوسْ وُزْهَرْ الْقَاحْ يَسْدَا


لُو شْكِيتْ الْرَخْمَا تَسْوَادْ بَلْفْزُوعْ


لُو شْكِيتْ الْهْوَامْ اتْرُوفْ بَالْخْضُوعْ


حَازْ عَقْلِي وَرْمَا دَاتِي ابْلا ارْجُوعْ







تَسْتَعْجَبْ مَنْ اشْكَايْ تَنْظَرْ مَنْ حَالِي


تُوقَفْ مَنْ سِيرْها وُ تَصْغَى لَقْوَالِي


بَعْدْ الْجَدْبْ الطّْوِيلْ تَنْصَفْ لَسْئَالِي



بْيَامْنَا وَزْهِيرُ وَمّْ التّْيُوتْ شَمَا


بَالْفْصَاحَا وَ لْسَانْ اصْرِيحْ وَالزّْعَمَا


يُومْ شَفْتْ ابْهَاهُمْ يَحْسَابْ لِي امْنَمَا


فَالسّْحُو وَ الْيَقْضَا وَ الشَّمْسْ فَالطّْلُوعْ


كُلّْ وَحْدَ مَزِّينْ اتْيَابْهَا فْنُوعْ


حَازْ عَقْلِي وَرْمَا دَاتِي ابْلا ارْجُوعْ










يَاكْ السَّكْرَانْ بْلَهْوَى حَالُ مَعْدُورْ


مَنْ خَمْرْ الْحُبْ لِيسْ مَنْ خَمْرْ الْمَعْصُورْ


بَعْدْانْ يَفْنِى بْدَاهْ مَا يَعْرَفْ لُ شُورْ





وَ الْفْرَاقْ انْظَرْتُ نَشْبَا لْكُلْ مَجْمَاعْ


وِيلَي نْشُوفْ الَّفْرَاقْ فْخَاْطِر امْجَمَّعْ


كِيفْ قَلْبِي بَفْرَاقْ اغْزِيّْْلِي امْقَطَّعْ


يُومْ رَكَّبْنِي عَاصَفْ مْقَطَّعْ الصّْرُوعْ


حَازْ عَقْلِي وَرْمَا دَاتِي ابْلا ارْجُوعْ







خَلِّيتِي خَاطْرِ امْحِيَّرْ بِينْ وُ بِينْ


اللهْ ايْتَلَّفْ الرّْقِيبْ الارْضْ الصِّينْ


وِيْعُودْ اصْمِيمْ خَاطْرَكْ بَالْعَطْفْ ايْلِينْ





وَ الرّْقِيبْ امْغَرَّبْ شَكَّْ الْبْحُورْ شَايَطْ


كُلّْ وَاحَدْ زَاهِي بَلِّي يْرِيدْ نَاشَطْ


كُلّْ خَدّْ اعْلَى خَدّْ وَلِّي يْرِيدْ بَاسَط


كَايْنَقْلَبْ تَمْثِيلْ ارْحَايَلْ النُّْجُوعْ


يْجُودْ لِينَا مَالَكْ لَشْيَاتْ بَالرّْجُوعْ


زِينَتْ الْفَلْجَا شَمَا زِينْهَا اْسطُوعْ


للْشْرَافْ اُلَشْيَاخْ اقْمَاهَرْ الجّْمُوعْ


حَازْ عَقْلِي وَرْمَادَاتِي ابْلا ارْجُوعْ