لا تبدا بالمدح وتسالي بالخطا

مشية الفكرون
و غناء الملحون
نام في سلا
و فاق فامكناس مجنون
لا تبدا بالمدح
و تسالي بالخطا
عرينا عليك الغطا
ها انت راك ملعون
والنعلة تنزل عليك باشتاء
هيت راك هيات
طوفيلي انت
اطوي كلامك
و زيد فيه طيات
فيك معيور بختة
إلى ابغاتك اتجي بسبيبة
و إلى كرهاتك اتقطع اسلاسل
خمم و فكر لا يضحك عليك ازمانك
حتى اتولي عرة ما بين اقرانك
أنب ضميرك و راجع نفسك لمعاندا شر
و الخير يا صاحبي ديرو ولو غير بلسانك
اشحال منهم زاغو
تعبوا وخدموا و شراوا و باعوا
فلسوا من قلة ريهم ضاعوا
فيهم اللي ربحوا داروا لاباس
و فيهم أللي عقلوا على شي وقت جاعوا
وانت أدرك ما تصيب قدامك
ولجم فمك وربط ألسانك

""واش مول عين وحدة كيلعب فاتبن....

الفن مات واتدفن ....

ماابقا غير ادن دن...

ما اتعمر كرش مااتشبع اودن....

الله يرحمهم التالي فيهم كان متمكن ...

.يعزف ويغني ويلحن...

وفن اليوم مكاين غير اوزن وكفن واعطي اطرن اطرن ..

.وإلا اسمعتيه كيغني اتقول أحمارحاشاكم ولا جن ...

.ما كاين غير شن اطن ...

.واش هدا اغنى ولا اعفن.....

(قالوا اسيادنا الاولى هدا زمان لمصادفة الحمير كتبورد والخيل واقفة).واللي ابغى الوناسة هو الملحون...

.الكلام النقي بالحروف موزون...

المساري اجميع المدون....

من تارودانت لمراكش من الصويرة لمكناس وفي فاس مدفون..

.الله يرحم لشياخ ماخاب لينا فيهم مظنون...

آش عندك ما أتقول فهاذ الشي أكحل لعيون.......؟؟؟"
أعجبني ·

شكرا اخي بوجمعة على هذه البلورة الجميلة التي تحمل حكما وتوضح واقعا

سلمت وسلم يراعك

حبذا لو تضع كل مساهمة في موضوع مستقل

متمنياتي لم بالتوفيق