لاتبدا بالمدح وتسالي بالخطا

مشية الفكرون
و غناء الملحون
نام في سلا
و فاق فامكناس مجنون
لا تبدا بالمدح
و تسالي بالخطا
عرينا عليك الغطا
ها انت راك ملعون
والنعلة تنزل عليك باشتاء
هيت راك هيات
طوفيلي انت
اطوي كلامك
و زيد فيه طيات
فيك معيور بختة
إلى ابغاتك اتجي بسبيبة
و إلى كرهاتك اتقطع اسلاسل
خمم و فكر لا يضحك عليك ازمانك
حتى اتولي عرة ما بين اقرانك
أنب ضميرك و راجع نفسك لمعاندا شر
و الخير يا صاحبي ديرو ولو غير بلسانك
اشحال منهم زاغو
تعبوا وخدموا و شراوا و باعوا
فلسوا من قلة ريهم ضاعوا
فيهم اللي ربحوا داروا لاباس
و فيهم أللي عقلوا على شي وقت جاعوا
وانت أدرك ما تصيب قدامك
ولجم فمك وربط ألسانك

"فاس يافاس.
... دقوها بالمطارق وطعنوها بالمواس..
.. دوخونا بالخصص واتقاوس.
... ولاجرام انهار على انهار ما كاين غير لفقايس .
....أداخل ليها يطلب التسليم ويتكايس
.....ولخارج منهاإيكون فارس
و يحضي راسو من إيبالس..
الرجلا طاحت فالبير والخوف فيها أمارس .
..بدروها تبد ير و نقبوها الدجاج و لفلالس.
. دربولها تلافة ولا كلشي فيها يابس
الاجرام والجرح والضرب..
. ولا في فاس لعجب....
. باغي نهرب ونتغرب
...ونزجل ونكتب .
..ياحسراها فاس أللي كان أمكب .
...ردوها غابة مافيها أحطب
...عجل وادخل بكري أفلت أبجلدك أزرب
....الطالع والهابط أيسب.
...واشفرتو أفيدو وياك تهدر أو أتقرب..
وكل مانملك فيه أنطب..
.. ونخوي وعليها أنشطب
..ما ابقى أهنى لاما تجمع ولا ما تحسب ..
.العقل اصغير والراس شايب.
اصبح وعشيا كنشوف غير الغرايب .
الضرب والجرح والقلب طايب.
الله ومن هدا منكار انا تحتك يارب تايب.
على قل من هي حاجة خلاوا الراجل غايب.
غارق فادمو اوجهو عايب.
الله ينعل بوه ازمان كنعيشوه سايب
.كثرة الحقرة وقوات المصايب.
..ما أبقى هنا ما نكسب
نمشي أنقلب على الحبا يب.فين أماكانو..
.أخ فاس أشحال ولى خايب.
..ولد فاس مالقى فين إيدير وجهو حشمان ولا دايب...

هي غيرة ووطنية وما فاس سوى اطلاقا للجزء وارادة للكل

عسانا نراجع سلوكنا

تقبل ودي