قِيلْ عْليك بْناتْ النَّاسْ

قالِّي وْمَاقلْتلُو
قالْ سْمعْني ماسْمعتْلو
هو حاول يستدْرجني
وآنا قصْدو فهامْتلو
كان باغي يلعب عليا
حسبني غي نية ف بالو
شافني لابسة عصرية
قال هاذي همزة وسطية
سْرحْ فيا بْعيد خيالو
قرب مني قالي يالزين
زينك راهو قرقشلي لعين
بغيت نصاحبك دابا ف لحين
عندي سيارة سيتروين
ايلا وعدتيني بحق التمكين
نهديك : إيبَّاد يانور لعين
جاوبتو تانايا ف لحين
قلتلو خطيني من التشيطن
وخآ صغيرة عليك ف السنين
إنما عندي عقل رزين
وخا تكسب الليموزين
ومعاها فلوس ب لملايين
انت ظاهر قليل الدين
تضحك على بنات لمساكين
كون تحشم وكون حنين
حسبني اختك ولا بنتك
احذر عينك ودير عقلك
بنات الناس ماشي شايطين
ولا َّبْ سُهُولة يَتْنََالُو
واللِّي عنْدو بْنيَّة فَ الدَّارْ
لَ بْناتْ النَّاسْ يعْطي التِّيقَارْ
وآشْنُو مَادَار يْديرُولُو

***********
المريني ادريس
القصر الكبير بتاريخ : 24 / 10 / 2013

قصيدة اجتماعية رائعة
شكرا لك

زجل وحكم واخلاق شكرا على الابداع

» اللهْ يسَهَّل يَاولْد النَّاسْ