أمثال شـعـبـيــة مـغــربـيــة مـهـمـــة:

::أمثال شـعـبـيــة مـغــربـيــة مـهـمـــة::

1- لمكسي بديال الناس عريان.
2-للي سبقك بليلة سبقك بحيلة.
3-عند رخصو تخلي نصو.
4- اللي مشى بلا عراضة يجلس بلا فراش.
5- عشرة د ليهود على قنفود ومادبحوه .
6- شكون يحك القرع غي ظفارو.
7- سال المجرب ماتسال الطبيب.
8- عين بنادم مايعمرها غي التراب.
9-على قد لحافك مد رجليك.
10- جا يكحلها عماها.
11 - اللي قال ليك قال عليك.
12- اختار الجار قبل الدار.
13- اللي عضو الحنش كيخاف من الحبل.
14- السلطان بالتاج و كيحتاج.
15- دارنا ساترة عوارنا.
16- الدوام يثقب الرخام.
17- دير ما دار جارك ولا حول باب دارك.
18- الجديد ليه جدة و لبالي لا تفرط فيه.
19- لعروسه فوق الكرسي معرفتي فين ترسي.
20- لحوانت متصافه و الارزاق مختلفة .
21-الزين تيحشم على زينو والخايب الا هداه الله.
22-لو كان الحمام تيبيض كون بيض قبابو.
23-لعتبة مجرودة والركاني بالدودة.
24-حتى زين ما خطاتو لولا.
25-هبيل تزوج هبيلة وتهنات القبيلة.
26-الرجل بالهمة أما اللحية راها حتى عند العتروس.
27· اللي تيشطح ما تيغطيش وجهو.
28· الى تقادو لكتاف يعود الكبير يخاف.
29· حزموني ورزموني ولا تعولو عليا.
30· اللي دار راسوا قي النخالة ينقبوه الدجاج.
31· اللي ضرقك بخيط ضرقو بحيط.
32- اجيو تعلمو الحسانه في روس اليتامه.
33- إيلا ارخص الشعير اغلات الحمير.
34· اربط احمارك مع الحمير، يتعلم الشهيق والنهيق وخرجان 35الطريق.
36· الفقيه اللي نتسناو براكته ادخل للجامع ببلغته.
37· زواج ليلة تدبيره عام.
38· ما نعطيوش خيرنا لغيرنا.
39- أش خاصك العريان الخواتم آمولاي.
40- اللِّي كَيْعَمْلُه يَبْلِيسْ فْعَام, تْعْمله العْكُوزَة فْسَاعهْ
41- حل عينيك قبل الزواج, أما بعدو غير غمضهوم.
42- لو كان الصفيحة ترد العار, لو كانت رداتو على الحمار.
43- امدح صاحبك مع الناس, و لومو الراس فالراس.
44-الزين في بناتنا سلالة, من العمة للخالة.
45-اللي مدت يدها للحنة, تمدها كلها.
46- وجه الشارفة ما يخفى, ولو تحكو بالحلفة.
47- الزين, الا زين الفعال.
48- نوصيك يا واكل الخوخ من عشرة رد بالك , في النهار تظل منفوخ وبالليل تبات هالك.
49- الدنيا دراعة كل واحد كيلبسها ساعة.
50- دوام الحال من المحال.
51- دخلناهم يشربوا الرايب قالوا حقنا فالزرايب.
52- كثرة عطيني ما تخلي حد يبغيني.
53- حماتي و جه الدلو, هي حارة و ولدها حلو.
54- الزين بحروفو؛ ديه لمو تشوفو, القرع بفلوسو؛ أرا داك الراس نبوسو.
55- لا تسرج حتى تلجم و عقد عقدة صحيحة, و لا تكلم حتى تخمم لا تعود عليك فضيحة.
56- الطلاب يطلب و مرتو تصدق.
57- إلى طلقتي المرا, ما توريها دار باها.
58- إلى مات البو توسد الركبة, الى مات الأم توسد العتبة.
59-الهضرة عليك أ لحادر عينيك.
60- المعروض فنهارو, يبقى فدارو.
61- الحرفة الى ما غنات تستر, أو واقيلا تزيد فالعمر.
62- الشوف ما يبرد الجوف, والناقة ما ترضع الخروف.
63- ما حد ليتيمة تتبكي, و ربي تيزيدها.
64- تيبيع القرد و تيضحك على اللي شراه.
65- لالا زينة و زادها نور الحمام.
66- اللي قال العصيدة باردة, ادير يدو فيها.
67- المندبة كبيرة و الميت فار.
68- السفيه تينطق غبر باللي فيه.
69-اللي بغى لعسل يصبر لقريص النحل.
70- وريه وريه, و الى عما سير و خليه.
71- عيبك أولية ربيه ليا.
72- انا في همو كندادي وهو فتقلاع وتادي.
73- طاحت الصمعة, علقو الحجام.
74- إلى عطاك العاطي, ما تحرث ما تواطي حتى الجبال الطاطي.
75-مي, أجي نوريك دار خوالي.
76- حتى قط ما تيهرب من دار العرس.
77 اللي قال ليك العرس ساهل يسقي لو غير الما.
78- ما تقطع الواد حتى تبان حجارو وما تمشي في الليل حتى يطلع نهارو و ما تصحب صديق حتى تعرف خبارو.
79- هاك و ارا, ما فيها حزارة.
80- شوف بيتو, وخطب بنتو.
81- جا ايعاونو فقبر باه, هرب لو بالفاس.
82- لا ديالي بقا ولا وجهي تنقى.
83- ما تيحس بالمزود غير اللي مضروب به.
84- اللي دارها بديه افكها بسنيه.
85- إلى مشى الزين ابقاو حروفو.
86- ضربني و بكى, سبقني و شكى.
87 الحر بالغمزة و العبد بالدبزة.
88- مية تخميمة و تخميمة ولا ضربة بمقص.
89- الفقيه دحمان, قرا البرة سبع ايام, و قاليهم الخط عيان.
90- كون كان الخوخ تايداوي كون داوى راسو.
91 الله يرحم من زار و خفف.
92- قلب البرمة على فمها, تطلع البنت لمها.
93- برشيد خاوي وديور عامرة.
94-تيقتل الميت ومشي فجنازتو.
95-الفار لمقلق منسعد القط.
96-كمشة ديال انحل احسن من قفة ديال الذبان .
97-الهم الى اكثر كيضحك .
98-اخدم يا التاعس للناعس.
99- اسبع اصنايع والرزق ضايع.
100-ما دير خير ما يطرى باس.
101-دوز على الواد الهرهوري وما دوز على الواد السكوتي.
102-الوجه المشروك عمرو ما يتغسل.
103-اللي اكلى دجاج الناس ايسمن ديالو.
104-اجمل كيشوف غير احديبة خوه.
105-حرك الماء ايبان العطشان.
106- ما يدوم في القبر غير مولاه.
107-جوعي في كرشي واعنايتي في راسي.
108-خبزة تحت باطي ما اسمع حد اعياطي.
109-- ما كيكل وحدو غير الطبل.
110-اشكون داها فيك يا لحريرة واليوم العيد.
111-اللي زربو ماتو .
112-يدك منك ولو اتكون مجدامة.
113-ضربو لحلقو ينسى اللي خلقو.
****************************
******************
*******

1 * اللي ما عندو هم تولدو ليه حمارتو.
2 * مول الفز يقفز
3 * دير النية و بات مع الحية .
4 * اللي بغى العسل ، يصبر لقريص النحل.
5 * اللي بغى الزين يصبر لثقيب الوذنين .
6* جزار و معشي بالفلت .
7*كون اتلخوخ يداوي ، كون داوى راسو.
8 * حوتة تخنز شواري .
9*الجمل كايشوف غير حذبة غيرو.
10 * ميات تخميمة و نخميمة و لا ضربة بالمقص.
11 *- زواج ليلة تدبيرو عام.
12 * الغايب حجتو معاه.
13 *- عز الخيل مرابطها.
14 --* يبيع القرد و يضحك على من شراه.
15 * معا من شفتك ، معا من شبهتك.
16 * المنذبة كبيرة و الميت فار.
17 * الفار لمقلق من سعد المش.
18 * فلوس اللبن يديهم زغطوط.
19 * ما ديرش ما تخافش.
20 * سبق الميم ترتاح.
21*الزين يحشم على زينو, و الخيب غير الى هداه الله
22 * الى طلقتيها ما توريها دار اباها
23 * الى قال ليك شمتك قول ليه عرفتك
24 * ما يربح لا الحداد لا الي يسوط عليه
25*ما قدو فيل زادوه فيلة
26 * الحر بالغمزة و العبد بالدبزة
27 * فران و قاد بحومة
28 * الطريق طويلة ، و الدابة مشاية
29 * ما يحس بالمزود غا المضروب بيه
30 * الزين الا زين الفعل
31 * الزين زين للكل ، و الخايب خايب لراسو
32 * الدوام يثقب الرخام
33 * راه راه و الغوت وراه
34 * ما حدها تقاقي ، و هي تزيد فالبيض
35 * اللي حفر شي حفرة يطيح فيها
36 * عار الجار على جارو
37 * اللي فات مات
38 * اللي دار الذنب يستاهل العقوبة
39 * اللهم خط غادي و خط جاي ، و اللا البطلان
40 * اللهم العمش و لا العمى
41* خدم غير بريال ، و تحاسب معا البارك.
42 * البعد يا الوحاش و القرب يا الفحاش
43 * الفم ماضي و الدراع كاضي
44 * ضرب الحديد ما حدو سخون
45 * سول المجرب ، ما تسول طبيب
46 *مشات الصحة ، و بقى الفانت
47 * طاحت الصمعة ، علقو الحجام
48 * اللي دار راسو فالنخالة ، ينقبو الدجاج
49 * و ريه وريه ويلا عمى سير و خليه
50 * الحايط القصير ساهل فالتنقاز
51 * الموس غير موس وخا يكون من الذهب
52 * الحوتة كتخناز من الراس
53 * طارت معزة نزلت معزة
54 * تبع الكذاب حتى لباب الدار
55 * خلي الكذاب تاينسى و سولو
56 * الفياق بكري بالذهب مشري
57 * آش عند الميت ما يدير قدام غسالو
58 * البكا ورا الميت خسارة
59 * آش عند المقص ما يدي من الدس
60 * بحال الى كتكب الما فالرملة
61 * كتنفخ فالجمر طافي
62 * اللي قال ليك ، قال عليك
63 * الكي فالحمير ، و البقر تزعرط
64 * تخاصمو الفيران على خمير الجيران
65 * تحابو الكلاب ، على رجلين الطلاب
66 * البرا باينة من عنوانها
67 * عدي بالجدي تايوجد الصردي .
68*آ شداك العراس, آ منتوفت الراس.
69 * ما الدير خير ما يطرا باس
70 * يعطي الفول غير اللي ما عندو ضراس
71 * قال ليه ما قد يزيد ، قال ليه عقلوه
72 * كثره الهم كا الضحك
73 * بني و عللي ، سير و خللي
74 * اشحال قدك ما تستغفر الله يا البايت بلا عشا
75 * اللي عندو خالتو فالعرس ، يبات معشي
76 * عيش نهار ، تسمع خبار
77 * الزين الا زين الفعل
78 * اللي جا بلا عراضة يبات بلا عشا
79 * آش دا القرع لمشيط الراس
80 * آش خصك يا العريان ، خاتم أمولاي
81 * الحيلة حسن من العار
82 * الفهامة ، و قلة ليقامة
83 * الفقيه اللي نتسناو براكتو ، دخل للجامع ببلغتو
84 * الجديد ليه جدا ، و البالي لا تفرط فيه
85 * الفياق بكري ، بالذهب مشري
86 * المش الى ما وصل للحم يقول خانز
87 * نحل بلادي ، ولا عسل البلدان
88 * الزين سلالة ، من العمة للخالة
89 * يا المزوق من برا ، آش خبارك من الداخل
90 * اللي بغا يربح ، العام طويل
91 * اللي ما يخيط كساتو ، و يكتب براتو ، غير يتعزا فحياتو
92 * خطاك الغرس قبل مارس
93 * كل شاة تتعلق من كراعها
94 * ما يربح لا حداد لا اللي يسوط عليه
95 * اللي حفر شي حفرة يطيح فيها
96 * كلها يعرف قياس برادو
97 * نية العما فعكازو
98 * تعلمو الحسانة فريوس ليتامى
99 * العروبي الى تبلد ، بحال الغربال الى تجلد
100 * حتى مش ما يهرب من دار العرس
101 * اللي ما عندو سيدو عندو لالاه

102 * اللي مابركتي معاه على مايدة ، وما الدتي منو فايدة ، رفاقتو غا زايدة.
103*الى بغايتي اتصاحب ، تا تجرب ،و الى بغايتي تضرب تاتقرب.
104 * لا تكسب البقرة الطواحة ، و لا التاخذ المرا النواحة.
105 * تهلا في صكعك لا يجيك ما اصكع منو.
106 * قلب البرمة على فمها ، تطلع البنت لمها.
107 * اللي ما خرج من الدنيا ، ما اخرج من اعقايبها.
108 * و الله ما قفلتي لا فورتي .
109 * تا يزيد و نسميوه سعيد .
110 * المكتوب ، ما منو هروب.
111 * اللي فطر معا الدراري يصبح فاطر.
112 * الى بغيتي تكسب كسب العود اللي ظهرو مكروف ، و الحفر مكفوف ، و العين مخنزرة تشوف.
113 * اللي تلف بشد الارض.
114 * ما غابت آ تادلة ، و مال سبع حمير واجدة.
115 * اللي قال العصيدة باردة يدير يدو فيها.
116* الى كان خوك سمن ، ما تلحسوش كلو.
117 * المكسي بديال الناس عريان .
118 * شحال قدك ما تستغفر الله يا البايت بلا عشا.
119 * الزين سلالة من العمة للخالة.
120 * كل زرع و عندو كيالو.
121 * الى شفتي جوج مصاحبين ، عرف الصبر على واحد.
122 * جوع كلبك ، يتبعك.
123 * اربط تلقى ما تشد.
124 * اللي عجبو دجاج الناس ، يسمن دجاجو.
125 * اللي بغى يربح العام طويل.
126 * كول لراسك و لبس للناس.
127 * سبع صنايع و الرزق ضايع.
128 * اخدم يا التاعس من سعد الناعس.
129 * تفيق العمى لضريب الحجر.
130 * الهاجم يموت شرع.

"اللي كايشطح ما تايغطيش وجهو."
************************************************** ***
فمعنى هذا المثل واضح جدا كوضوح أشعة الشمس
" الإنسان الذي يحترف الرقص كمصدر للحصول على لقمة العيش, لا يغطي وجهه عن المتفرجين, بل نجد بعض الراقصات الشرقيات, لا يسترن أبدانهن على الإطلاق,ك: فيفي عبدو, و تحية كاريوكا, و دينا, و نجوى فؤاد, و هند رستم, و سامية جمال, و لوسي و هكذا دواليك...
* فهذا المثل, يضرب في من يمتهن حرفة, تحتم عليه أن يكون جريئا عند ممارستها...
أنظري: مطربات الفيديو كليب Vidéo-clip
**********************************************

*-ما تعرف العدو من الصديق غير فالشدة والضيق.
*-كلها وحالو وأحوال الناس شلا .واحد بغا المعقول وواحد بغا يتفلا.
*-خيط وفتق .إيوا لعشية شوف آش تنفق.
*-إيوا هاذي خياطة حمقة.فين المقص فين الحلقة؟
*-قولوا الله يهديهم دارو الخير مع الناس ونساو واليدهم.
*-اللي فالبيضة عر من اللي فقص .واللي فالكرش مضا من المقص
*-الخير عقبة والشر حدورة.
*-لحنة ما زالة فظفارها والخطاب جابو خبارها.
*-كون ما كانو حوايج العطار ما فالنسا ما تختار .
*-كوليني يا موكة حتى الطيور عافوني.
*-زلقت بيه رجليه طيح الباطل على البلغة.
*-لرزق لحلال صافي بحال لهلال.
*-حانوت غالي ولا حانوت خالي.
*-اللي ما عندو مال ديما وجهو مذبال.
*-العين صعيبة تتقتل الكسيبة وتخوي الزريبة.
*-دابا كلينا وشربنا ……ونسينا الحرابل باش سعينا.
*-حبوبة ف وجهي حكيتها سال دمها ………خليتها زاد همها.
*-يلا غاب الوجه ما كيبقى للقفى حرمة .
*-غرزة زايدة فيا و هم لعرى فايت فيا.
*-اتبع صنعة بوك ليغلبوك.
*-ودن صمة و الاخرى فيها الماء .
*-اللي ما شاف من عين الغربال اعمى.
*-حتى تطيح الشتى يا قرمان عاد يصبن حوايجو حمان .
*-الحسد حتى على القروعة .
*-حسدو العمى على عكازو .
*- عاند ولا تحسد .
*-الموت بالردم ولا معاشرت لخدم.
*-كن نحلة ما تعدم اجبح .
*-ما تشري حتى تقلب و ما تصاحب حتى تجرب .
*-الكلب يلا انضام كيردها لنيابو و الحر كيردها لدراعو .
*-ادعاوي بارشاوي .
*-تيدور الزرع حتى كيدور وكيرجع لعين الرحى .
*-الغربة كتلوح حتى لبلاد الشلوح .
*-شط الحرير حتى تلحسو بيه لمقالي .
*- لالا تيها وكلشي فيها .
*-اللي تيكون أناني تيبقى وحداني .
*-اطلع امساري واهبط شاري .
*-ما احلى الحنطل يلا كان باطل .
*-اللسان طويل و الدرع قصير .
*-و هذه يبرة بلا عين .
*-اللي حبابو عريانين عمرو ما يتكسى .
*-وسواس من الجن ولا وسواس من ابنادم .
*-هاك ابوه رجليه جابوه .
*-الدين مسود الخدين ولو كان من فلسين.
*-مابقات لا ف الشطيح ولا ف الرديح بقات ف مولات السعد المليح.
~~~~~***°°°/////)))))(((((\\\\\°°°***~~~~~