المدلول

عرقي وشقايا
ناكل من الحلال
ألقيمة
ونخمم تخميمة
وميآت تخمية
على الرجلة
العديمة
غادي نقول
كليمة
تتفكروني
عليها ديما
آ البايع راسو
حاس بروحو
الحسبية بنادم
ماكتباع فالسوق
غير البهيمة
اللي يقبطو
ماينفع فوالو
ما هواش ثمن
البردعة والشكيمة
بلغو لو
يريح نفسو
وديرلو قيمة
يخرج للنور
والحياة كريمة
لاينفع المفسدين
معروفين و باينين
لايكون ضحية وغنيمة
غير يطلعوا و يوصلوا
يفديو الحايل والجديد
ما يحنوا ولا يرحموه
ويضربوا ليه تشرشيمة