ما فهمتش علاش ذوك العرايس/ ما موالماتش مع العكايز؟
حتَّى هما ولدوا وكانوا نفايس/ ولمَّا كبرا تسندوا على العكاكز
كلّْ واحد فينا يحب يكون رايس/ يقود السفينة وهو غير دايز
ولي باغي يوصل خاصُّو يسايس/ غير باللينة يكون هو الفايز
حتَّى حدّْ ما يدوم غير تكايس/ راجعين يا خويا للقبر جنايز
**** **** ****
الإنسان عيا ما يجمع ويكافح/ يجمع في المال وآخرتها خلاَّه
علاش القلوب ما تسامح / ما يدوم ما يدوم غير اللَّه
ولي يدير النيَّة هو الرابح / يحقق في حياتو ما ترجَّاه
في بحر الخير هو سابح / فيه يلقى سعادتو ودواه.
مقطع زجلي من ديوان " الكلام الرباعي"
محمد لعصايب
