اولا تركيب الخيط
لما تقعدى على الماكينه لاول مره سواء كانت مركونه او كان حد غيرك بيستعملها لازم تزيتى الماكينه الاول
وتحطى تحت دواسه الابره ورقه جرنال علشان تمتص الزيت لمده نصف ساعه تقريبا وبعدين تجيبى قطعه قماش نضيفه مش محتاجاها و تشغلى الماكينه عليها من غير خيط لغايه ما تتأكدى ان زيت الماكينه مش هيبقع القماش بتاعك و بعد كده تحطى بكره الخيط وتمشى زى الخطوات اللى فى الصور
كل صوره فيها الرقم بتاعها
صوره رقم 1باحط البكره واشد الخيط لغايه ماوصل للحلقتين الصغيرين اللى باينين فى الصوره وامرر الخيط من خلالهم
2
باشد الخيط وا مرره بجانب القرص المرقم فى الصوره2 والارقام دى تدل على كميه الضغط على الخيط اللى جاى من البكره
3
فى صوره3 بامسك الخيط علشان اعرف اتحكم فيه
4
فى صوره 4باخد الخيط الى اليمين علشان يلف على القطعه المعدن اللى امامى وارفع الخيط الى اعلى علشان الضمه فى العتله المثقوبه اللى بتنزل وتطلع لما اشغل الماكينه
5
فى الصوره 5 الفتله باينه بعد ما لضمتها فى العتله المثقوبه وارجع انزل الفتله لاسفل
6
يوجد حاجز تحت العتله المثقوبه بنمرر الفتله خلالها
7
يوجد حاجز تانى فوق الابره ادخل فيه الفتله و الحاجزين فى 6 و 7 يساعدوا على ان الخيط يكون فى المجرى الصحيح له وده بيقلل فرص قطع الفتله كل شويه
8
وده مكان الفتله بعد ما عدت من الحاجزين وبقت فوق ثقب الابره تماما
9
ودى الفتله بعد ما اتلضمت و دخلت فى الابره
10
انا هنا فتحت باب المكوك وباين ان الخيط اللى جاى من البكره لونه اسود والخيط الخارج من المكوك لونه ابيض وده مهم جدا فى تدريبك فى الاول ان الخيطين تبقى الوانهم مختلفه علشان تقدرى تحددى مصدر اى مشكله تواجهك هل هى من خيط البكره ولا من خيط المكوك
11
بعد ما الضم الابره اشد الخيط الخارج من الابره واحتفظ به فى ايدى والف قرص الماكينه الرئيسى علشان الابره تنزل وتلقط خيط المكوك من تحت وتطلع خيط المكوك على وش الماكينه كما فى صوره11
12
انا جبت قطعه قماش لونها اخضر علشان يبان فيها اللونين الابيض بتاع المكوك والاسود بتاع البكره ومشيت الماكينه حبه صغيرين ولقيت اللون الاسود باين على القماش الاخضرلانه من اعلى و يبقى الخيط اللى باين من فوق هو لون خيط البكره
13
لما اقلب قطعه القماس هيبان لون الخيط الابيض بتاع المكوك
14
هنلاحظ لما مشيت شويه كمان فى الخياطه بان عندى مع اللون الاسود ظهر نقط بيضاء والنقط البيضاء دى بتاعه خيط المكوك وهى بانت لما زودت الضغط على خيط البكره الاسود واتشد جامد فشدالخيط الابيض بتاع المكوك وظهرت النقط البيضاء
15
ودى صوره قرص الشد اللى كل ما نزود الرقم بتاعه بيزيد الضغط على الخيط اللى جاى من البكره
عايزاكم تهضموا الجزء ده وتجربوه كذا مره واى مشكله قولوا عليها ونحلها مع بعض ان شاء الله
هنحاول المره الجايه نستعرض شويه مشاكل وازاى نحلها ولازم نعرف سببها الاول قبل ما نحلها لان معرفه السبب بيساهم فى الحل وكمان بيخلينا نتلافى المشاكل من الاول والوقايه خير من العلاج.......... ربنا يوفقكم ويارب الشرح يكون وافى و مافيش حاجه صعبه
اسألكم الدعاء ..
...احبكم فى الله
