حُكومَتْنا لْمُبجَّلَة

حُكومَتْنا لْمُبجَّلَة

************

حكومتنا لمبجلة
قراراتها مرتجلة
وزياداتها مستعجلة
وآش فهمتو ولا لا لا
كبرت عليها لْ مسألة
وعزيزة عليها لبطالة
التقاعد حالتو حالة
مايتَّعطاش لْمن والا
باغا تَقتلْ الرَّجَّالة
ب تمارة لِّ ماتتسالا
حكومتنا لمبجلة
فسريلي هاذ لمهزلة
لآش لعامل حتى يشرف
ويعود ف شغلو كيهترف
ظهْرو تْقوَّس وْجلدُو نْشف
عاد بالتَّقاعُد يتَّنْصف
آشْ قْضَالُو لعْمر خرَّفْ
حُكُومتْنا لْمُبجَّلة
قْهَرتِينَا بالزِّيادَة
ولَّفْتيها عْلينا عَادَة
ياكْما حَاسْباهَا عِبَادَة
ماشَفْنا منَّك يْفَادَة
الزَّرْواطَة ديمَا هوَّادَة
عْلى حامِلين الشَّهَادَة
وْناسْ التََّعْليم آهْ ياسَادَة
حُكُومتْنا لْمُبجَّلة
كعْياتُها مُسْترْسَلَة
وْمازَالَة نَصّْ لْمَرْحَلة
ياربِّي شْهاذْ لْبهْدَلة
يضْحكْ عليهَا منْ وَالاَ
وآشْ فْهمْتو وَلاَّ لاَلاَ ؟؟

***************
المريني ادريس
القصر الكبير بتاريخ : 09 / 01 / 2014

شكرا اسي ادريس على الزجلية الصريحة التي تصور واقعا مريرا هي حكومة مدايراشعمر شي حكومة مدازت بحالها فالتاريخ