شْكُونْ مَازَالْ عاقَلْ

شْكُونْ مَازَالْ عاقَلْ

***********

لْعام لْفرّادِي كيْكونْ ذْكرْ
ولْعام لمْجاوَجْ قالُو نثْوة
هذا راهْ مافيه عْلاشْ ينْذكَر
ولِّ گابلْ اللهْ يحْفظ مَ لْبلْوى
قبل هذا بْ3 امْياوَ 60 شْهَر
تْسمِينا وْباشْ عْلى لخْوا
لِّ كْلاَ لْقرطاسْ ولِّ تْغبَّر
ولِّ تَّحْبس وَرْجعْ مايسْوَا

***********
المريني ادريس
القصر الكبير بتاريخ : 31 / 12 / 2013

شكون قال العام الفرادي ذكر
عطيني حججك شحال من شهر
شكون قال الجاوج نثوة
هذا كلام محبة ونشوة
داك العام ولى وراح
ولي راح ميرجعو ليل ولا صباح
العام زين يزين الاعوام
تحية ليكوم وسلام

خويا المريني
حنا مازال
واحلين في العيمان
واش ذكر ولا نثوة يا انسان

راه الذكر والنثوة خوت
وضلعة الذكر تقلع من النثوة تموت
اش ظهر ليك
نفرزو الذكر من النثوة
ونشوفو واش تبقا النخوة

راه الخواض ما يتصفا
والحال يجيك بالحفا
والنثوة تمحى بالوقفا
والذكر يسلم تسليم للشرفا
راني النثوة مني وانا منها
راه الدم يجري بسواقي دموعها
راه القنت في جنبي نقصو سال دمها
راني نتشل ونتحسر على فراقها

اش ظهر ليك
خويا المريني
واش العام ذكر ولا نثوة

والشهر
نثوة ولاذكر بالنخوة

راه الزعامة من راس القلم اللي شد
لجام اللسان
وزحم ف زحام لقصايد

راه اللهفة
ف النقطة على السطر
اللي تسطرت في ححوف الكلمة
راه الفهامة في المعنى في جوف الدماغ
اللي هز لافتة الاستسلام
ودحى مخو يسيح بين اللغى

تحياتي لك خويا المريني