المصري سيد منير على كرسي الفردوس

هل تؤمن بالتجدد في  بناء  القصيدة  الشعرية ؟
لولا التجديد والبناء واضافات صور معبره وجماليه ما كانت القصيده
تظهر بصورتها ورونقها وحروفها التى تتلاْلاء فوق السطور
لتجذب كل قارىء ان يعجب بها وتترك اثرا بداخل نفسه

ما  رايك  في  الكتابات  الفيسبوكية ؟
لم نخلق فى الحياة اقوياء
ولم نخلق معروفين للناس
ولم نخلق الا لنتعلم
والكتابات الفيسيبوكيه
هى بدايه الطريق ليظهر النجم ويعرف عنه الناس شيئا فاشيىء
قد يسرق منه اعز كتاباته
ولكن يبقى امله فا لله كبير ان يعبر الى عقول الناس
وفى ايامنا هذة نحتاج الى الواسطه
الى التلميع
الى ان نكون بين الشعراء
لابد ان نجد من يرشدنا الى الطريق ونتقابل معه عبر الشبكه العنكبوتيه الفيسبوكيه
فهى مهمه جدا لانه يقرئها عددا من الناس

هل تؤمن بكتابة نسائية واخرى رجالية ؟
لا يوجد فرق بين كتابه نسائيه واخرى  رجاليه
الاحساس سيدى لا يتجزء
الكاتب يعبر بإحساس الرجل والمرأه بحروفه التى يجيد استخدامها

السعدية الفاتحي 

ليس بالخبز وحده يحيا الانسان
ولكن بحب الناس اولا يحيا ويعيش ويتعايش بينهم
انا اخ لكل اعضاء المنتدى واتمنى التواصل مع كل الاعضاء لاننا اسره واحده
رغم بعدنا الجغرافى ورغم البحار والمحيطات والجبال التى تفصل الحدود بيننا
ورغم المسافات المتباعده التى تفصلنا ولكن نقترب بحروفنا التى يسطرها نزيف اقلامنا
نرتقى بالفكر وبالادب الذى يجعلنا اكثر تجانسا رغم بعد المسافات
سيدتى السعديه الفاتحى
الشرف الكبير لى انا لانى بين اخوتى واحبتى وان شاء الله تلتقى اقلامنا عبر الشبكه العنكبوتيه التى قربت كل بعيد
اهلا بكل حرف سطره قلمك وعبر عن مدى الطيبه التى يحملها قلبك
اهلا بكل الكلمات التى كتبتيها وان دلت فإنما تدل على ثقافه للحوار الواضح والناضج لكل معانى شعرت بها الان
ليس كل ما نكتبه يصل
وليس كل الحروف لها معنى واحد
وليس للمعانى اجمل وارق ان نحسها ونتعايش معها رغم كل البعد
ورغم ما يفصلنا جغرافينا ولكنى سعدت واستفدت من انضمامى الى الفردوس المفقود
شكرا لك ولحرف الجميل

ماهي الامنية التي حققتها وماهي الامنية التي لم تتحقق بعد ؟
هل تنوي جمع كتاباتك في اصدار ، وماذا ستسميه ؟
الشاعر المفضل لديك ؟
اذكر ثلاثة اعضاء من الفردوس وقدم لكل واحد هدية
مارياك  في هذه  الجلسة ؟

ما موقع  مصر  في متاباتك ؟
هل ينعكس  الوضع  السياسي  على الكتابات ؟
ماهي الروافد  التي  نهلت  منها؟

ما موقع  مصر  في متاباتك
مصر تحتل موقع كبير جدا فى كتاباتى
لانها الام التى تحتوينا حينما نشعر بالضعف
هى الحياه التى تمتد بين شريين دمائنا التى تساعدنا على النبض
انها تمتلك كل شيىء بداخلى حينما افكر فى مستقبل افضل
كتبت لها كتابات كثيره اعتزبها واعتز بمصريتى وعروبتى التى تلازمنى مدى حياتى
كتبت لها اجمل قصائدى
  يا نيل مصر
************
مهما نقول يا وطن
حب الوطن غالى
مهما نبعد أرواحنا
بتلالى
حب الوطن عقيده
زرعها أجدادى
يا نيل مصر إروى شعبها
من تانى
علمهم معنى الوطن
دا الوطن طول عمره غالى
إروى نفوسنا
طهر قلوبنا
دا مهما نبعد عن مصر
بتشدنا  تانى
يا نيل
إروى صحارى القلب
خلى الزرع يكبر
وطن أجدادى عمره ما يدبل
بتفوت علينا المحن وتعدى
وإن طال بينا الزمن وغابت
شمس بلادى
بيظهر قمر يشق بنوره
عتمه الوادى
فاكرين 56
واستنزاف 67
وخط بارليف الحصين
وانتصار 73
يا بلادى يا حره
لسه الجرح عايش جوه
جوه جسد مسكين
اتفق عليه خاينين
يا نيل مصر إكتب معاناتك
عن وطن أحتضر
وقلوب بشر ساكنها الخوف
امتى تعود من تانى
تحب الوطن
وتغير على رمله
وتحضن ترابه من تانى
يلى بعتوا الوطن بالرخيص
تعالوا شوفوا
من أيام فرعون وخوفو
مين حكم مصر
ولسه عايش
مهما الصراع يزيد
الكرسى مش راح  يفيد
زال من قبلهم سلاطين
وملوك ومش حاسين
ان مصر أمان ليوم الدين
يا نيل مصر إروى
دمانا
إجرى فِ حشانا
علمنا معنى الحياة
جوه تراب الوطن
القصه مش دستور
يحكم بلد
لا
القصه وطن جريح
مغلوب على أمره
شايف شعب مش همه
وطن جريح تقل همه
كترت مشاكله ولسه غرقان
فِ دمه
يا  اه عدى حدودى
يا ألم أصرخ كمان
يا شعب  بص وأتفرج
على نيل بلدى يبكى
حزين عليكِ يا مصر
وحزنى عليكِ أكبر
ضعتِ يا بلادى
والفتن جواكِ بتكبر
ومتأسلمين واقفين
عيزينها تولع
تورته واتوزعت بينهم
نسيوا إن مصر أكبر
وشعبها قادر ينصر الحق
ولو كان أخرس
بقلمى/ سيد منيرعطيه
....................
 مين باعك يا بلدى
 ***************
معقوله دول ولادك؟
دول اللى باعوا ترابك
عروا ثيابك
نهشوا عظامك
مين باعك يا بلدى ؟
مين قبض تمن الخيانه
مين قسم حدودك
مين سهل خروجك
يا حسره وندامه
مين سمع كلام اوباما
مين سرق ونهب سولارنا وعشانا
ليه جنودنا بيموتوا فى الشوارع
 ليه حياتنا رخيصه علينا
لما اسهر الليل انادى
حلم مخنوق بالايادى
وصوت أنين
رعشته هزت كلامى
لسه باسأل ضى النهار
ليه الحياة صعبه علينا
ليه كل الايادى مشتاقه لينا
ليه تربنا هدف لكل طامع
ليه مصر هانت علينا
حتى السؤال
نفسى أسأله
ليه يا بلادى حزنك كبير
جرحك اليم
ليه كل الاعادى
متربصه فينا
وحبل المشنقه حوالين إيديكِ
كل الحروف بتبكى ليه
خايفه يعود الظلم
خايفه تختفى الملامح
او يتمحى اسمك
لحظه غروب الشمس
الحكايه مش رئيس
الحكايه اكبر من هم
الحكايه
تتقسم بلادى
يتفرط عقد الفل
مين ما حسش حبك يا بلدى
مين ما حسش ضمتك
وقت الشدايد بنلاقيكِ
بركان حنان بيضم
لهفه الطفل الصغير
وحنان الام
اصل الحكايه اكبر من كلامى
حكايه ام
كبرت ولادها
نسيوا حنانها
جحدوا عليها
نسيوا كل شبر
فوق ارضها عاشوا
يا مصر يا امى
إشتقتلك
بحن لك
صعبان عليه وقفتك
بين ولاد نسيوا حضن الام
نسيوا إن الوطن توب كبير
نتلف فيه وقت الشدايد والمحن
نفسى اصرخ يا بلادى
نفسى اقول حرام عليكوا
نفسى تبكى عيونى
وتبلل دموعى تراب الارض
نفسى اشرب من نيلك
وادعيلك بطول العمر
اصل الحكايه مش عنف زايد
لاء
الحكايه
مارد كبيرعايش معانا
بيخنق شعاع الامل
فاكر ان العنف حل
ممكن يعيد كرسى زايل
او حضارة  سبع تلاف سنه
ممكن تضيع
او نيل ممكن يجف
او شعب ممكن يخاف م القهر
الحكايه ان مصر
هى الام
بقلمى/ سيد منيرعطيه
.....................
مكتوبلك  تحزنى
**************
يا بلادى مكتوبلك  تحزنى
تتوه ولادك وتبعدى
تتوه معاهم فرحتك
ضحكتك
بسمتك
فوق الشفايف تترسم
ضحكه ملاها الخوف
من ولد ضل الطريق
فرق شمل البلد
يا بلادى محتاج اكون
صوت دموع تواسى وحدتك
جرس فوق الكنايس
ينادى بمحبتك
فوق المأذن
نكبر لنصرتك
يا بهيه فين يا سين
فين الولد ؟
محتاجين كل الايادى
تكتب معانى الحب للأبد
محتاجين صبر ايوب
يغير فكر جاهل م العدم
لسه الامل فارد قلوعه
عايش فى حضن الليل
يستنى ضحكتك
لسه النهارشاهد علينا
ونظرات عنينا بتتولد
يا بهيه فين يا سين
يلم شمل البلد
يا بلادى مكتوبلك  تحزنى
يختفى الامل
جوه قلوب عاشقه قسوتك
امتى نعود ؟
نحضن ترابك
نمحى ظلام الليل
بالامل كل الامانى ممكنه
تتوحد الايادى
مسلم
مسيحى
يعيش على نبضك
يروى حياتنا
زى نهر النيل
يروى الطين
تخضر ارضك
تكبر سنابل قمحك
نعيش على خيرك
نحضن ترابك
تبقى الشهاده هى الامل
بقلمى / سيد منيرعطيه
....................
    فجر الشروق
   ,,,,,,,,,,,,
يا فجر الشروق البعيد
يا ليل ساكن عمر الأنين
يا صرخة مكتومه
وحزينه
فى قلب  المصريين
يا صوت بينادى بلادى
عودى لكل المحرومين
يا زمان قاسى علينا
يا شروق ما يعرف
مستحيل
كلنا بنعاهدك يا بلدى
تفضلى حرة وأبيه
نمسح دمعة عيونك
مهما الليل يطول
والألم يكبر يهون
كلنا بنعشق ترابك
يا مصر بكت دموعنا
وهانت علينا روحنا
دمنا ما يغلى عليكِ
بكرة أحلى  وأحلى
لازم تتوحد صفوفنا
وننسى أوجاعنا وخوفنا
لازم الحب يكبر
ومصر تبقى اكبر
من كل الطماعين
لسه الاحلام ورديه
ودموعنا ليها بقيه
دموع فرحنا واحلامنا
تبقى مصر قويه
يا فجر الشروق البعيد
يا صور لسه ف خيالنا
يا ألام محفوره بعقولنا
يا زمن ساكت وراضى
بضياع هيبتنا وعروبتنا
يا فجر الشروق البعيد
تعالى غير حياتنا
تعالى طهر نفسنا
خلينا نبقى أكبر
ونحب مصر اكتر
ونبقى ليها عاشقين
تاهت خطاوى الأمل
وكبر علينا الزمن
ولسه منتظرين
مشروع نهضه بلادى
وازمه الدستور
وحلول ما يكفيها
100 يوم
ونهضه ضاعت وتاهت
واحنا لسه عايشين
فى حزن مالى سنين
وعود النهضه بانت
كدبه زى التغيير
شالوا حزب وطنى
جابوا اخوان مسلمين
حريه وعداله
وشعب مصر حزين
لسه بينادى بالتغيير
أطباء ومعلمين
لسه واقفين
وإضراب فى كل مكان
حتى السرفيس متعمدين
ونقل ومواصلات
على التبعيه مضربين
وأرض الفيروز
مسكونا بالشياطين
وإهمال متعمد
من  73
ولسه بنادى بالتغيير
وفجر شروق بعيد
وحلم ملوش تحقيق
والأمل مسكين
وليل فارد جناحه
غطى عمر الكون
وشروقك يا بلادى أمل
محتاج تغيير
وحلم الثورة ضاع
مع التطهير
وبلادى لسه صامده
تنتظر صلاح الدين
بقلمى / سيد منيرعطيه
...................
   بلدى بسألك
 ************
بلدى بسألك على فين
وخدانى
كل الهموم والحزن
ماليه مكانى
الحياة بقت صعبه
ولسه شايلانى
بصرخ بعلو الصوت
وانادى قطار الموت
بشويش هدى
بصوت ملاه الخوف
كل المصايب عدى
ابعد عن طريق بلدى
خلينا نحلم بوطن
لسه ما انكسر
يا قطار هدى
عدى اولادى وعدى
ليه إخترت حزنى
دا اولادى لسه زهور
 وقطار مجنون
 ضيع حلم الزهور
فى النور
 يا عتمه الليل
 يا فجر طل بنوره
 وحصد أرواح ولادنا
 ضاع معاه الحلم
 وتاهت كراريس شبابنا
 شنط ملاها الدم
  وضاعت كل أحلامنا
 وكترت مصايبنا
  فاكرين بورسعيد
 وقطار الفيوم
 واخرها اسيوط
 مش ح نقول دا
 قدر ومكتوب
 يا بلادى يا صابرة
 حكومتك فاشله
 دم اطفالك ما يهون
 فين حكومه قنديل
  ولسه الوزراء نايمين
 ومشروع النهضه والتحسين
  ووعود بدون تغيير
 وتقصى حقايق
 من كل شكل لون
 وإهمال بدون مسؤول
 والأخر ح نقول
 نظام مبارك
 لسه حاكمين
  واللهو الخفى مسؤول
 نحاسب مين وأطفالنا
 فى دمهم غرقانين
 
بقلمى/ سيد منيرعطيه
..................
   بعشق ترابك
*************
بسأل عليكِ يا بلادى
وأحن لترابك النادى
بعشق هواكِ العليل
أدوب فى قربك
انادى بعدك
عودى
يا نجمه فى السما
ساكنه الفؤاد
ساكته ليه ؟
يا قمر الحياة
نور بنورك قلبى
قلبى شايلك جواه
حاضنك
خايف عليكِ
من لمسه أيادى
تتمنى ثوبك يذوب
تتمنى دمك يسيل
يروى الصحارى
يروى الدروب
رافضه تعودى
لحضن الليل
يسهر معاكِ
يناجيكِ
ينادى عليكِ
يا بلادى
بصوت مخنوق
خايف تذبل فرحتى
خايف من الفوضى
خايف عليكِ
خايف يتوه الأمان
ويضيع الحلم من تانى
يا بلادى ساكته ليه
توبك بيتقطع
ترابك معجون بدم أولادك
هانت عليكِ نفسك
وهنتى على أولادك
يا مصر بحبك
انتِ نور عينى
خلى الايادى بعيده
عن أرضك الطاهره
عن شرفك الغالى
يا نيل مصر
إروى بلادى
طهر قلوب العباد
ازرع للأمل حياه
جوه القلوب من تانى
بكتب كلامى الحزين
ردى يا بلادى
على فين وخدانى
بقلمى/ سيد منيرعطيه
وقصائد اخرى كتبها حال لسانى
لانى اعشق تراب هذا الوطن

هل ينعكس  الوضع  السياسي  على الكتابات ؟
لو لم ينعكس الوضع السياسى على كتاباتى او كتابات اى شاعر
فإنه يفقد احساسه بكل ما يدور حوله
لان الوطن هو الثوب الذى يلف كيان الانسان وقت المحن والشدائد
ويجعله يشعر بالطمأنينه والامان حتى اذا طالتنا ايادى الغدر
من يعيش على ارض مصر ويشعر بدفئها لم يعيش فوق كوكب الارض

ماهي الروافد  التي  نهلت  منها؟
روافدى تمتد من قراتى لمن يكتب الشعر
حتى ان كان انسان مغمور لا يعرف احد
فلكل منا تذوقه حينما يقرء ويكتب كلمات لاى انسان يمتلك احساس
انا اقرء لكل اصدقائى واقرء فى كل منتدى واتحسس اى كلمه تجعلنى قادر ان ابوح بما احمل فى وجدانى من احساس بالحرف
للعلم ولا اخفى حقيقه عليكم
انا اكتب بإحساسى الذى ينبض بداخلى
نعم فاللاحساس نبض يجعل الانسان يكتب
حينما يعاصر قصه او موقف يجعله يتعايش معه ليذرف قلمه اجمل المعانى
الروافد الحقيقيه التى نهلت منها وسأظا انهل منها
هو الاحساس الذى امتلكه ويمتد قلبى ووجدانى لملامسته
لأسطر اجمل المعانى التى تطرق باب قلوبكم لتتفاعلوا معى الكلمه التى تمس قلوبكم
وعقولكم
احساسى هو نهرى الممتد بداخلى لاكتب معاناه قلمى وقلبى
لا احد يشعر بصراخ قلمى الا دفترى الذى ادون به نبض احساسى
انا لست بشاعر
ولكنى انسان يمتلك احساس
نعم انا انسان يمتلك احساس يكتب به ويصل اليكم
رغم بعدنا الجغرافى وبعد المسافات ووقوف البحار والمحيطات عائق فى لقائنا
وتقسيم الحدود والفواصل التى تبعدنا جغرافيا ولكننا نتواصل فكريا عبر الاحساس القابع بداخلنا
حينما يلامسنا الحرف ويحتل  جدران حياتنا
الماء يروينا من العطش ويساعدنا على الحياه
هكذا احساسى يروى ظمأ قلمى ليكتب معانى

هل تنوي جمع كتاباتك في اصدار ، وماذا ستسميه ؟
كل انسان يكتب يتمنى ان تصل حروفه لكل مكان فى العالم
اتمنى ان اجمع كتاباتى فى اصدار
ولكن دون خجل من احد فأنا صريح
لا امتلك المال لاطبع ديوانى
ويرى النور ويلامس كل احساس ينبض
سأسمى كتابى
نزيف قلبى
انا لى مدونه الكترونيه بعنوان نزيف قلبى
نزيف قلبى

ماهو شعارك في الحياة ؟
لمن تكتب ؟
مارايك في المنتود الادبي العربي  الحالي؟

ماهي الامنية التي حققتها وماهي الامنية التي لم تتحقق بعد ؟
الامنيه التى حققتها هى وصول كلماتى عبر منتدى الفردوس المفقود
لكل اعضائه ولكل من يقرء ومحب للشعر ومتزوق للكلمه الطيبه التى تحمل بين طياتها معانى كثيرة
لا يشعر بها كل انسان
ولكن
من يمتلك احساس يشعر بكل شيىء فى الحياه ويدرك ان الكلمه شعاع  امل يضيىء اركان القلب
المتعطش للنبض وللحياه
....................
والامانى التى لم تتحقق بعد كثيرة
الله موجود يذلل كل صعب ويبعد عن حياتنا كل مستحيل
وبالامل نصل الى كل شيىء
وبالتوفيق من الله يتحقق كل شيىء

الشاعر المفضل لديك ؟
شعراء كثيرون منهم
نزارى قبانى
بيرم التونسى
احمد رامى
هشام الجخ
فاروق جويده

اذكر ثلاثة اعضاء من الفردوس وقدم لكل واحد هدية
1 -الشاعره المتألقه فاطمه المنصورى
2-السعديه الفاتحى
3-عبد القادر البيكه
الشكر كل الشكر لشخصكم الكريم
عملتوا على تقريب المسافات بين اعضاء المنتدى وسيد منير
اخرجتم ما بداخلى من احلام واوجاع لكل اعضاء منتدى الفردوس المفقود
عملتم على وصول حروفى فى حدود المستطاع لكل من يقرء الشعر

مارياك  في هذه  الجلسة ؟
هذة ليست جلسه عاديه
بل هى نافذة امل لكل عضو من اعضاء منتدى الفردوس المفقود
المغمورين الذين يمتلكون موهبه ولا يعرف عنهم احد شيىء ولم تصل كلماتهم للنور
هذا المنبر الثقافى اتاح لى التعرف عليكم والتقرب منكم حتى نتبادل الفكر الجيد
وتتبلور فكره المنتدى وهى صعود وجوه شابه لبعض الشعراء الذين يعيشون تحت الارض

ماهو شعارك في الحياة ؟
من فقد احترامه لنفسه صعب على الاخرين ان يحترموه
لمن تكتب ؟
اكتب حرفى لمن يمتلك احساس يجعله يشعر بنبض الحرف
الذى يتخلل اركان الحياة ويغير فينا ونتغير من اجله
اكتب حروفى لليل المظلم البعيد الذى لا يشعر بقدوم النهار
قد يجرفنا التيار ومعتراكات الامواج تلاحقنا ولكن يبقى الحر الساكن فى الاعماق لغز يحتار له كل انسان
اكتب للمراه التى تحتل جزء كبير فى حياتى
اكتب للوطن المتألم الذى يتحمل ضغوط من دول ترعى الحريات وتريدنا ان نتقسم ونصبح دويلات ليضعف الوطن العربى
وتخور قوى مصر
اكتب للنهار الذى هو شاهد عيان على الحب الذى لم تصل حروفه لنبض قلبى يختفى وتحتجزه الايام رهينه حتى يجد متنفسه وضالته التى هى الحياة
اكتب للاحساس المتيقذ الذى يجعلنا نشعر ونحس ونتألم ونفرح ونبكى حينما تلامسنا الكلمات
عضو مجاهد
اشكر نبض قلبك
واحساسك علبى اسئلتك الجميله التى تترك اثر فى الرد
وان دلت فتدل على الفكر الممزوج بالاحساس الذى يكمن بداخلنا وتحركه شراره البدأ ليتفاعل ويخرج ما بداخله

مارايك في المنتود الادبي العربي  الحالي؟
المنتدى هو منبر للثقافه وللشعر
ولابد العمل على تواصل الاعضاء بعضهم ببعض
تواصل حقيقى ملموس ومحسوس
يرتقى بالكلمه وبالحرف الراكد الذى طال انتظار ليخترق الحواجز ويخترق عمق النفس ويصل لكل الناس
ولان اكتب حرف مجامله لاحد
لان الفردوس المفقود يمتلك مواهب كثيرة
ولكن لم يسلط عليهم الضوء
ولم يعرف عنهم احد شيىء
والفردوس المفقود يقوم بدور ايجابى لنشر الفكرة والكلمات والتعرف على اشخاص موهوبين يمتلكون قلم نابض

قريبا وبعد ساعات ستغادر الكرسي ، هل تتمنى ان تستدعى اليه مرة اخرى ؟
لو وجهت اليك دعوة لحضور احدى المهرجانات الادبية بالمغرب  هل ستحضر ؟
من هو اعز انسان اليك ؟
كلمة توجهها  الى اعضاء الفردوس ؟

عضو مجاهد
قريبا وبعد ساعات ستغادر الكرسي ، هل تتمنى ان تستدعى اليه مرة اخرى ؟

من يتواجد بينكم ويشعر بالراحه النفسيه يتمنى ان يعود الى حضن اقلامكم واسئلتكم التى اخرجت ما بداخلى من نبض واحساس
وعرفت بى شعراء كثيرين
اتمنى ان اجلس مرة اخرى فى صحبتكم وضيافتكم

لو وجهت اليك دعوة لحضور احدى المهرجانات الادبية بالمغرب  هل ستحضر ؟
اتمنى ان التقى بكم
واتمنى ان اكون عند حسن الظن بى
اما الحضور فهو بأمر الله اذا اراد لى

من هو اعز انسان اليك ؟
من يشعر بنبض قلبى وقلمى

كلمة توجهها  الى اعضاء الفردوس ؟
رغم بعد المسافات التقينا عبر حروفنا التى تحلق فى الهواء محموله عبر الاثير الى اعماق قلوبكم
قد يبتعد الانسان بروحه وجسده ولكن يقترب بقلمه بأفكاره التى تحمل بطاقته الشخصيه
التى تمرر اليكم عبر حروفه التى نقرئها
ولابد من التواصل الجاد الهادف
نعم التواصل الايجابى الذى يجعلنا نلتقى كل وقت لا نهتم ببعد مسافات
ولا ترهبنا بحار ومحيطات
بل نصارع الامواج والعقبات ليصل الحرف الى كل انسان يبحث ويتزوق المعنى الذى يرتاح اليه
ليرتقى بإحساسه وبعمق الكلمات التى تترك اثر بداخل النفس
سعدت بتواجدى بينكم
واتمنى ان اكون ضيفا خفيفا على عقولكم وقلوبكم
واتمنى ان تتكرر ضيافتى لاسعد بتواجدى معكم
لان الحوار واللقاء كان بارقه امل لانسان يمتلك احساس وحرف بسيط يغزو القلب والعقل
وتتدفق له المشاعر مسرعه ان تحتويه وتحتضن نبض قلب القارء الذى شعر بعمق ما تحدثنا فيه
بشفافيه وصراحه مطلقه
دون رتوش
دون كذب
دون كلمات معسوله
ولكن تحدثنا بشفافيه الحرف التى لا يعادلها شفافيه
اتمنى لكم التوفيق واتمنى ان تدوم محبه الله
واتمنى التواصل مع كل الاعضاء
سعدت بكم واتمنى ان تسعدكم كلماتى وحروفى
اترككم على محبه الله
ولكم منى ارق التحيه وفائق الاحترام
سيد منيرعطيه