المبدع الاستاد ادريس المريني ..........على منصة التشريح...........لا تفوتوا الفرصة هههه ...

صباح معطر بذكر الله

ومرسل لاطيب خلق الله

ينور دربكم ويبارك

يومكم باذن الله تعالى

اهدي صباحا جميلا باسما عطره

ومقلة لا ترى غيركم ابدا

صباح القلوب النظيفة

صباح يتقبل فيه الله عملكم

ويشرح صدركم ويزيل همومكم

اسعد الله صباحكم

وكساكم من حلل السعادة

المبدع الاستاد ادريس المريني ..........على منصة التشريح...........لا تفوتوا الفرصة هههه ... 404601_411940075544166_1712101178_n

المبدع الاستاد ادريس المريني ..........على منصة التشريح...........لا تفوتوا الفرصة هههه ... 404601_411940075544166_1712101178_n

والعافية

ان شاء الله تعالى

اخواني اخواتي يسعدني

ان ارحب بكم

انا الاخت السعدية الفاتحي

في هذا القسم

كرسي الاعتراف

تعودنا ان نلتقي فيه

على الحب والاخاء

وتجدد اواصر المحبة

نعود مجددا ودوما في تجدد

نعود ويسبقنا الشوق

لاستضافة ضيف عزيز علينا

لنرحب بالعضو

الرائع والمبدع الشاعر

ادريس المريني

تفضل

استاذنا الفاضل

المبدع الاستاد ادريس المريني ..........على منصة التشريح...........لا تفوتوا الفرصة هههه ... 1fb1cc6136

المبدع الاستاد ادريس المريني ..........على منصة التشريح...........لا تفوتوا الفرصة هههه ... 1fb1cc6136

نرحب بك باجمل ترحيب وفرصة طيبة لتواجدك معنا

لنتكشف الجانب الخفي

من شخصيتك

تفضل اخي ادريس المريني

باقة ورد على شرفك

صباحكم نور وياسمين
الله يعطيك الصحة اختي السعدية اكيد هاد السيد الزجال المبدع هو من كنا نبحث عنه ويشرفنا التحاور معه

صباح سعيد ويوم جديد يولد بأروقة المنتدى العزيز الفردوس المفقود ..
مرحبا بالأخ الكريم ادريس المريني
نكتشف عبر هذه الصفحات جوانب من عطاءك الأدبي وشخصيتك الفدة ..
في انتظار وجودك لنضع أسئلتنا المعتادة

بكل رحابة صدر ارحب بالاساتذة الافاضل وانا رهن اشارتكم ان شاء الله

شدو الميزان وخلوه
يجدب بشي ركزة فاعلة تاركة

شوفو الجفنة تبرد ليه هوايش
الحال
وتخليه

يسرسب لكلام
من جنابو

شوفو ليه شي بندير

يلالي بيه ف ربوع الفردوس
ويغني لينا
اش جا يدير

هههههه

وجابو لهوا في
في لفردويس ف نص لليل

المبدع الاستاد ادريس المريني ..........على منصة التشريح...........لا تفوتوا الفرصة هههه ... Do

جميل تواجد ك بيننا

المبدع الاستاد ادريس المريني ..........على منصة التشريح...........لا تفوتوا الفرصة هههه ... Do

شاعرنا وزجالنا ادريس المريني تقبل منا هذه

قبل منشحفوك هذي بعض المشروبات
بالصحة والراحة

المبدع الاستاد ادريس المريني ..........على منصة التشريح...........لا تفوتوا الفرصة هههه ... Jus-grenade

المبدع الاستاد ادريس المريني ..........على منصة التشريح...........لا تفوتوا الفرصة هههه ... CUP-JUICE

نبدأ أولا بمعلومات أولية عن
الإسم والمهنة والحالة العائلية ومحل الإقامة والعمل
ولكم أن تضيفوا ما شئتم من البيانات الشخصىة التي تعرفنا بشخصكم الكريم
مع الشكر الجزيل

اختك الفاضلة السعدية الفاتحي
لك مني اسمى عبارات الود والاحترام

اهلا بك من العراق احييك .... واني عانيت لمده من منصة التشريح حين طلب مني الاستاذ بيان موقع عضلة العضد الرئيسيه لكني كنت مرتبكا حينا الله بعونك

المبدع الاستاد ادريس المريني ..........على منصة التشريح...........لا تفوتوا الفرصة هههه ... 1383053_375855722550144_1284732370_n

المبدع الاستاد ادريس المريني ..........على منصة التشريح...........لا تفوتوا الفرصة هههه ... 1383053_375855722550144_1284732370_n

مرحبا بالسي ادريس المريني زجالنا المتميز على كرسي الاعتراف الذي يظهر في الصورة انه مريج في الجلوس هههههههههههه

السلام عليكوم الخوت
مرحبا بلي جاو ومرحبا بلي عاد غيجيوا
سمعنا سي ادريس على الكرسي زغرتات السعدية وحمينا الطعارج والبنادر وجينا نهيثوا
مرحبا بسي ادريس
كيف جاك الكرسي واش مريح ولا مشوك
مرحبا بسي ادريس يلا مهزاو راسنا نهزوه على شفار عينينا
سي ادريس عندي ليك شي سوالات :
كيف بديتي الرحلة مع الزجل ؟
شكون تهتابرو قدوة ليك ليك فهاد المجال ؟
وقتاش تيجيك حال الزجل

المريني ادريس كتب:: بكل رحابة صدر ارحب بالاساتذة الافاضل وانا رهن اشارتكم ان شاء الله

مرحبا بك سيد ادريس المريني مبدعنا الفاضل حللت اهلا ونزلت سهلا
ترحب بيك الجنة ونعايمها

اهلا وسهلا بسي ادريس
كيف طرا وجرى شدوك فالشبكة ؟

شنو هو الزجل من وجهة نظرك وماهو الاقرب اليك الزجل او الفصيح ؟
شنو هي اعز زجلية عندك من كتاباتك

مرة ثانية مرحبا بيك عندنا بعدما رتاحيتي على هذ الكرسي المريح بغيتك منك بطاقة تعريفية للسي ادريس المريني
تم اول قصيدة زجلية لك عنوانها وكيف حصلت
وهل عندك دواوين زجلية اود معرفة العناوين
من هو قدوتك في الزجل
هل لذيك اهتمامات اخرى
وشكرا

السلام عليكم اهل الفردوس
شفت سي ادريس غير طلل وضربها بغبرة ياكما متهليوتيش فيه
تفضل اسي ادريس كل وكل
المبدع الاستاد ادريس المريني ..........على منصة التشريح...........لا تفوتوا الفرصة هههه ... Chicken-dishes-for-wedding-banquet-in-shunde-foshan-guangdong

المبدع الاستاد ادريس المريني ..........على منصة التشريح...........لا تفوتوا الفرصة هههه ... Chicken-dishes-for-wedding-banquet-in-shunde-foshan-guangdong

المبدع الاستاد ادريس المريني ..........على منصة التشريح...........لا تفوتوا الفرصة هههه ... Images?q=tbn:ANd9GcRfX2_Tl9oUo67OY8O_nLOrx0KDsDtkJAFdwZw06EfrSGXQSUYU_w&t=1

المبدع الاستاد ادريس المريني ..........على منصة التشريح...........لا تفوتوا الفرصة هههه ... Read1110

شفتكم كترتوا من الترحيب بضيف الكرسي وهو غير عمل طليلة وضربها بسليتة ياكما الكرسي خارج منو شي مسمار واختي السعدية شوفي مال هاد الكرسي

المبدع الاستاد ادريس المريني ..........على منصة التشريح...........لا تفوتوا الفرصة هههه ... 5d35c371babz9

بالسيف .......................راه كلكم دخلتوا وما جبتوا في ايديكم حتى فنيدة واااااه

ما كاين فيكم الجودة

واخا غا توفيتة

المهم حليوة .

عصير

يبرد جوفو

ويحلي كلامو

يتسرسب سلامو

بين سطورنا

ويملي اركاني

بحروفو

يالله اخوتي راكم انتوما

مالين المكان

راه الدار داركم والضيف بين ايديكم

وانتوما مالين الخير معروفين بالجود والكرم .

طلقوا ايديكم

وسرحو عينيكم

راه الدنيا جميلة وخلابة

وجيبوا للسي ادريس كل ما تشهى

من ما لذ وطاب

من عواصر

وملاوي

واتاي مشحر في صينية

مع ناس الغيوان

تحلى ليه الجلسة

وتراقصو النغمة

ويبدا يكر

يكر

يكر

اليوم

وغدا

عل الكلمة

لي زارتو

ف لحلمة

ونسج منها قصيدة تلالي

ف لعلالي

بيها

عرفناه وعرفنا

كرموه

وماتخليو الضيف يطج منا

كتفوه بلكلام

لمحنة

عنقوه بحروف الركاني

وشدوه بفتايل الشمعة الكادية

كل قصيدة وقصيدة

نوراتنا

ضواتنا

بان ضونا

بضو اليديه واصباعو

وبالوان لهم ف ادماغو

ما تغيبو

علينا

وما تخطيونا

تحيتي لكم من القلب الخالص

المبدع الاستاد ادريس المريني ..........على منصة التشريح...........لا تفوتوا الفرصة هههه ... 1175088_341728712629027_1759071520_n

المبدع الاستاد ادريس المريني ..........على منصة التشريح...........لا تفوتوا الفرصة هههه ... 1175088_341728712629027_1759071520_n

المبدع الاستاد ادريس المريني ..........على منصة التشريح...........لا تفوتوا الفرصة هههه ... 971094_644199225609590_1669354967_n

مرحبا بس ادريس فكرسي الفردوس وهذي فرصة للتعرف عن قرب الى هذا الزجال الرائع
اختي السعدية هاحنا جينا مجبناش فنيدة جبنا سكر قالب على الله يرضى علينا سي ادريس

المبدع الاستاد ادريس المريني ..........على منصة التشريح...........لا تفوتوا الفرصة هههه ... Madein

المبدع الاستاد ادريس المريني ..........على منصة التشريح...........لا تفوتوا الفرصة هههه ... Madein

اهلا وسهلا زجالنا الرائع

بك على كرسى ا لاعتراف لهاد الاسبوع ، مستعد؟؟؟؟؟؟؟؟؟
يلا ه نبداو الاسئلة

أول شي عطينا بطاقة تعريفية عن الزجال ادريس لمريني
-اسمك ؟
- ع ـمرك ؟
- مؤهلك التع ـليمي ؟
- ع ـملك ؟
- الح ـالة الإج ـتماعـية ؟
- هوايآتك ؟
- سلبيآتك ؟
- ايجابيآتك ؟
) كما تعودنا ان ناخذ راي الجميع بكرسي الاعتراف فمارايك بكرسي الاعتراف
2) هل مفاجأة جلوسك على كرسي الاعتراف لها وقع في نفسك ؟ وماهو شعورك وانت على الكرسي؟
3) كل انسان وله أمنيات وأمال .. يا ريت تخبرنا عن الحلم اللي في بالك أو بالأحرى الأمنية اللي تتمناها ... ؟
4) شنو أصعب المواقف اللي مررت بها ؟
5) ما موقفك من الحب ؟؟ وهل جربته ؟؟ هل تؤمن بوجوده ؟؟
6) أي قرار تتخذه هل ..... تحكم عقلك أم قلبك فيه ... ؟؟ ومن الأسبق في التحكيم

قلبك أم عقلك ؟؟؟؟؟؟؟؟
7) هل ندمتِ في حياتك على شي معيّــن ؟؟؟
مالفـرق بين الحب والصداقة ؟ وهل يمكن ان يسلكا طرق الغيرة 00؟وهل يمكن للصداقة أن تتحول لكراهية ..وبالعكس؟؟

_ما رأيك بهذه الكلمات ..
الخيانة ..
المرأه..
الصداقة ..
النميمة ..
النفاق ..
والله يجعل البركة
هادي أسئلتي لليوم

كامل ووافر الشكر والتقدير على ترحيبكم وكرم ضيافتكم الحاتمية ارجو أم أوفق في الإجابة هن اسئلتكم .

الإسم : ادريس محمد المريني
تاريخ الإزدياد : 12 / 05 / 1952 بعد صدور مرسوم الزام التصريح
بالمواليد عبر دفتر كناش الحالة المدنية إرتآى والدي رحمة الله عليه ان
يغير التاريخ ليصبح : 12 / 05 / 1953 وهو المعتمد حاليا .
مكان الإزدياد والإقامة لحد الساعة : مدينة القصر الكبير وبنفس
المكان الذي رأيت فيه النور.
المهنة : مكانيكي بمدينة القصر الكبير متقاعد " باختياري "
الحالة العائلية : متزوج لدي ثلاث أولاد ذكور وبنت واحدة
لدي سبط وحفيد لله الحمد والمنة.
مرزوق:
سي ادريس عندي ليك شي سوالات :
كيف بديتي الرحلة مع الزجل ؟
رحلتي مع الزجل كانت اواخر الستينات كنت اجالس كبار السن استمتع بنا يتداولونه من احاديث واشاركهم احيانا في الرد على احدهم بنفس الاسلوب
غير اني لم اكن اعيره اهتماما كبيرا كنت في بداية مسيرتي المهنية تعلم
الميكانيكالم يخطر ببالي تدوين ماكنت اسمع ولا ماكنت اسرد الا بعد
احداث 1984 ماسمي حينها بأحداث الكوميرة ، اعدت صياغته فيما
بعد تقاعدي.
شكون تهتابرو قدوة ليك ليك فهاد المجال ؟
بعض الشيوخ من الجزائر وبعض الشعراء المعاصرين من المغرب .

وقتاش تيجيك حال الزجل ؟
الجواب على هذا السؤال في القصيدة التالية :

***********
طُقُوسُ الكِتََابَة
وِجْهَةُ نَظَرْ
*****************
الكْتَابَة إِلْهَامْ مَاشِي طُقُوسْ
لَكْتََابَة تُرْجْْمَانْ مَافْ النُّفُوسْْ
يْجِيكْ فْ غََفْلَة أَوْ فْ حَفْلَة
يْجِيكْ حُرّْ أَوُّ نْتَ مََحْبُوسْ
فَرْحَانْ تْكُونْ بِينْ اهْلَكْ مَفْتُونْ
أَوْمَغْمُومْ بَ لْهَمّْ حَايِرْْمَفْقُوسْ
يْجِيكْ عَنْدْ نُومَكْ عَنْدْ صُومَكْ
عَ لَّكْلاَمْ اللِّي فْ جُوفَكْ مَحْبُوسْ
يْجِيكْ وُنْتَ عََ لّْقَا حْبِيبَكْ مَيْؤُوسْ
يْْجِيكْ وُنْتَ طَايِرْ أَوْمَاشِي سَايِرْ
فَ لْمَقْهََى فَ لْْقِطَارْ فَ الطُّّوبِيسْ
يْجِِيكْ لِيلْتْ زْفَافَكْْ بِينْ رْفََاقَكْْ
وُنْتََ عْرِيسْ
لْ إِ لْهَامْ بْْلاَسَاعَة بْلاَ فْلُوسْ
مَاعْلِيهْ عَسَّاسْ مَاهُو مَحْرُوسْ
لْكَتْبَة إِلْهَامْ مَايْجي بْْ التَّعْزَامْ
أَوْ بْ طُولْتْ لْقَدّْ وْلَقْوَامْْ
وُلاَّّ لْحَالََة الزِّينَة وُلْهِنْدَامْ
وُلاَّ عْلاَمَكْ طَالََعْ أََوْ مَنْكُوسْ
لْْكَتْبَة شْحَال رَفْعَتْ وْشَمّْخَتْ
طََلّْعَتْ وْهَبّّْطَتْ مِنْ رْيُوسْ
لْكَتْبََة شْهُودْ لِيكْ أَوْْ عْلِيكْْ
ايْلاَ مَلاَكْهَا حَْضَرْ وْشِِيطَانْها غَْْبَرْ
حَرْْفْهَا دَافِي نْقِي وْصَافِي مَاهُو
كْلاَمْ مَدْسُُوسْ
وُيْلاََ صَارْْ لْعَكْسْ رَاكْ مَلاَّصْْ
مَافِيكْ إِخْلاَصْ لُوحْ دْوَايْتَكْ وْلَقْلَمْ
بَََارََاكَاعْلَى النَّاسْ مَاتْغَشَّمْ اعْتَرَفْ
بْْ تَغْشَاشََكْ وُحْشَمْ تَسْْلَمْ يَامَنْحُوسْ
لْْكَتْبَة إِلْهَامْ وُيْلاَ بْغِيتِي تَبْدَعْ وْلَ لْكْلاَمْ تَصْنَعْ
عْلَى سَرَْقتْ لَنْصُوصْ تْمَنَّعْ
يْكُونْ سْلاَحَكْ نَحْوْ وْإِعْرَابْ
مِنْ لُوغْتْ الضَّادْ شَلاَّ حْزَابْ
وْمَنْ لَّمْعَانِي فْرَاسَكْ قَامُوسْ
مَاشِي غِيرْ آجِي وُكْْتَبْ
وُعْلَى لْقُومْ طْلَعْ خْطَبْ
كْتَابْتَكْ كُلّْهَا زْرَاوَطْ
عَلّْ إِبْدَاعْ مْزَاوَطْ
وُتْگُولْْ كَاتِبْ وْشَاعِرْ
وُُنْتَ مََاتَفْرَزْ الظَّا مِنْ الضَّا
وُلاَّ گَاعْ لْوَاوْ مِنْ لْكَرْمُوسْ
المريني ادريس
القصر الكبير بتاريخ : 24 / 11 / 2012

كلووديا:
شنو هو الزجل من وجهة نظرك ؟
الجواب على سؤالك في هذه القصيدة :

كْلامْ الزَّجَّالْ
****************
الزجَّال مجذُوب بْلاوقْت
ب َلْحرف يرْوي حكاية
فَ لْخلْوة يْعجْبُو الصَّمْتْ
وْفَ لْمجْمع وذْنُو صغَّاية
وْحاضي قلْبو لاَ يرْفثْ
يْقنصْ لَكْلام كَآنُّو آية
دْماغُو عسَّاس ما يتْلْفَّت
نيّْتو صافْية كِ لمْرايَة
لْسانُوراجلْ فيهْ وْبنْت
ماتْفرْزو غيرْ لْقفَّايَة
لَ لْكلّْ ينْظم وِيْؤَتَّثْ
وُعْلى لْكلّْ يْساوي نْغَام وْمَايَة
الزَّجَّال ينْطق بلْسَان حْالْ لمْشتَّتْ
وْحالْ لْمظْلُوم بْلاَ نْواية
ينبَّه الظَّالمْ وَيْحدَّثْ
هَ لَّعْقُولْ الرَّاجْحة بَ وْصايَة
يوْصف الزِّين والشِّينْ ويَتْبث
قوْلُو فْ ذاكْ وْذَاك بْلاَ نْكاية
حْروف الزَّجَّالينْ حْكايم تَتْورَّثْ
تنْتْسخْ فَ كْتوبْ أوْ تَتَّنشدْ كَ غنَّايَة
سْلاطَن وٌعْبيدْ ليهُومْ شَهْدتْ
بَ لِّ كْلامْهُومْ كُلُّو غَاية
وُ لِّ بْخسْهوم أَوْ ليهُوم شَمَّت
مرْدُودْ عْليه وْمحْسُوبْ تْفَاية
وُيْلا ماكْذبْتْ
وصفْ الجَّاهلْ ليهْ خيرْ كْنَاية
المريني ادريس
القصر الكبير بتاريخ : 13 / 03 / 2013
***************

وماهو الاقرب اليك الزجل او الفصيح ؟
الأقرب طبعا هو الزجل لأانها لغة التداول والإحتكاك اليومي
شنو هي اعز زجلية عندك من كتاباتك ؟
في الحقيقة كما يقو المثل : القرد في عين امو غزال ،أعتز بكل قصائدي
لكني تاُترث بقصيدتين ابكتانني الاولى بعنوان : مراجعات :

مراجعات

ادِّيِتْ وْجَبْتْ فْ الزْمَانْ وُخْرجْتْ مَنُّو بْ يْفَادَة
تْعَلَّمْتْ الشِِّي لَكْثِيرْْ خْذِِيتْ عْلِِيهْ وْسَََامْ وُشْهَادَة
عْرَََفْت بْْ اللِّي الرَّزْقْ مَضْْْمُونْ لِيَّّا وُلْذَاكْ وْهَاذَا
وُعْْرَفتْ لَعْمَرْ مَحْدُودْ وْلِيَّامْ عْلَى طُولْهَا تَتْقَاضَا
وُالنَّاسْْ طْيَافْ خْيََارْ وُشْرَارْ جْْْمَاعَََاتْ وُفْرَََادَا
لَخْيَارْ حْيَا وُُصْوَابْْ وْعَلْمْ نَََافَعْ تَقْوَى صْلاَحْ وُُعْبََادَة
لََشْرَارْ هَمْْ وْْغَمّْ مْكَايَدْ لْخُبْثْ وُفْحَايَشْ فِيهَا تَتْمَادَا
هَمْهُومْ التَّنْغَاصْ رَايْدِينْ الشّْقَا لْمُولْ السَّعَادَة
عْرَفْتْْْ اللِّي رَاح ْمَايَرْجَعْ
وُاللِّي تْصَمّْ مَايَسْمَعْ
وُاللِّي عْدَمْْ مَا يَنْفَعْ
الْخُوَّافْ مَا يَخْلَعْ
وُلْمَلْهُوفْ مَايَشْبَعْ
عْرَفْتْ عْْرَفْتْ وُعْرَفْتْ
تْوََحَّشْتْ اللِّي رَاحْ وُسْْبَقْنِي
تْوَحَّشْتْ ابَّا يَضْرَبْنِي
تْوََحَّشْتْ لَفْقِيهْ يَنْهَرْنِي
وُُمْحَاضْرِي لَمْسِيدْ يْحَمَّلْنِي
تْوَحَّشْتْ اُمِّي تَحْضَنِّي
تْوَحَّشْتْ اخْتِي تْحزَّرْنِي
تْوَحَّشْتْ اوْخَيِي يحميني
تْوَحَّشْتْ الرْضَّا يْغَطِّينِي
تْوََحَّشْتْ جَنِّي وُُجْنُونِي
وُعُُدَايَا فْ ظَهْرِي يْطَعْنُونيِ
تْوَحَّشْتْ صْْبَايَا وْصُغْْرِي
تْوَحَّشْتْ دْمُوعِي وَآنَا دَرِّي
تْوَحََّشْْتْ نَلْعَبْ وْنجْرِي
تْوَحَََّشْْتْ فْيََاقْ لْبَكْرِي
تْوَحََّشْتْ تْوَحَّّشْتْ وُُتْوَحَّشْتْ
مَالَكْ يَازْمَانْ مَزْرُوبْ دَغْيَا سَرِّيتِي
يَاكْمَا مَنيِّ مَلِّيتيِ
مَالْقِتِيشْ فِيَّا اللِّي بْغِيتِي
طْلِيتِنِي بْ الشِّيبْ وُمْشِيتِيعْرَفْتْ عْرَفْتْ وُعْرَفْتْ
عْرَفْتََكْ يَازْمَانْ دُوَّارْ مَا تْصُونْ لْعَهْدْ
عْرَفْتَكْ يَازْمَانْْ سَهْمَكْ قَنَّاصْ يَََنْفَذْ
عْْرَفْْتَكْْ يَازْمَانْ وْْسِيلَةْ صَيْدْ
عْرَفْتَكْ يَازْمَانْْْ صَاحِبْْ لْْجَدّْ
تْعَلَّمْتْْ يَََازْمَانْ بَعْدْ فَاتْ لْفُوتْ
كُنْتْ يَازْمَان عَايََشْ مَشْمُوتْ
آهْ يَازْمَانْ مْفَرَّقْ لْخُوتْ
بَعْدْ اللَّمَّة تَحْكَمْ بْ لْمُوتْ
بَعْدْ وْحَاشِي لْصْبَايَا وْصُغْرِي
مَنْ بَعْدْ زَارْنِي خْرِيفْ عُمْرِي
ضَاقْ صَدْرِي وُنْفَذْ صَبْرِي
خُُُذْْنِي يَازْمَانْ نَحْفَرْ قَبْرِي

المريني ادريس
القصر الكبير بتاريخ : 28 / 08 / 2012
************
والثانية بعنوان :
لا حيلة مع الله كتبنها بعد رحيل خالتي ومرضعتي

لاَ حِيلَة مْعَ اللهْ
****************
بْكِيتْْ حْتَى وَكْحَتْ عِينِي مَنْ الدْمُوعْ
بْكِيتْ عَالْمَعْشُوقَة مْشَاتْ بْلاَ رْجُوعْ
اللَّوْلَة بَشْهِِيقْ وْصُوتْ عَالِي مَسْمُُوعْ
وُالثَّانْيَة بْدَمْعْ لُونُو حْمَرْ فَ الدَّمْ مََنْقُوعْ
تَّكْوِيتْ جُوجْ كِيَّاتْْ وُلْيُُومْ رَاسِي مَقْطُوعْ
اللِّي حَمْلَتْنِي فْ حْشَاهَا وْجََابََتْنِي لِلرّْبُوعْ
وُُاللِّي حَضْنَِّي صْْدَرهَا وْقَانِي عْطَشْ وْجُوعْ
رَحْمَةْ الله تَرْعَآكُمْ دْعََايَا لِيكُمْ سْجُودْ وَرْكُوعْ
لْقَلْبْ مَصْدُومْ رَاگدْ مْصَهَّطْ بِينْ الضّْلُوعْ
لََعْقَلْْ طَايِِشْ شَارَدْ مَنْ التَّرْكِِيزْ مََمْنُوعْ
وُالرَّاسْ حَالَةْ عُودْ مَنْ شَجْرَة مَقْطُوعْ
لَفْرَاقْ صْعِيبْ ُُُوْكُُلْ وَاحَدْ بِِيهْ مَتْبُوعْ
قْضَا وُقْدَرْ وُحْكَامْ اللهْ لِيهْ آمَرْْبِالطُّوعْ
لْ أَجَلْ مْسَمِّي السّْفَرْ مْحَتَّمْ لََعْمَرْ
مَحْدُودْ وُلْمَكْتُوبْ مَطْبُوعْ
لاََ حِيلَة مْعَ اللهْ مَايْفِِيدْ فْ لَعْمَالْ
غِي خِيرْهَا لْمَرْفُوعْ
يُومْ لخلق مْْزَاحْمَة شِي دَافَعْ شِي مَدْفُوعْ
وُبْرَارْ لْخَلْق مَابِينْ شَافَعْ وْمَشْفُوعْْْ
شَرْخَلْقْْْ اللهْْ مَنْ هَوْْلْ مَاشَافْ مَخْلُُوعْ
رََحْْمََةْْ اللهْ وَاسْعَََة يَامَنْ بْلْعْقُوقْ مُولُوعْ
تََايْبِينْ لَ الرَّحْمَانْ آََيْبِينْ وْ لِيهْ الرّْجُوعْ
لاَ حِيلَة مْعَ اللهْ هُوَّلْحَقّْ هُوَّ الدَّايِمْ
لِيهْ السَّمْعْ لِيهْ الطُّوعْ
لِيهْ السّْجُودْ وْلِيهْ الرّْْكُوعْْ
المريني ادريس
القصر الكبير بتاريخ : 29 / 10 / 2012
**************
مرة ثانية مرحبا بيك عندنا بعدما رتاحيتي على هذ الكرسي المريح بغيت منك بطاقة تعريفية للسي ادريس المريني
تم اول قصيدة زجلية لك عنوانها وكيف حصلت ؟
أول قصيدة كانت عن احداث الكوميرة سنة : 1984
وهل عندك دواوين زجلية اود معرفة العناوين ؟

على وشك طبع ديوانين ان شاء الله الاول بعنوان : سلكة المجذوب
والثاني بعنوان : هاذ لكلام كلامي
من هو قدوتك في الزجل ؟
كنت اميل في شبابي كثيرا للزجل الجزائري اغلب قصائد شيوخهم
تتبنى الحياة الاجتماعية بعيدا عن الغزل والتغزل.
بعض الشيوخ من الجزائر وبعض الشعراء المعاصرين من المغرب .
هل لذيك اهتمامات اخرى ؟
خارج البيت والمحيط الاسري الكتابة وتتبع مايجري على الساحة
المحلية وتغطية احداثهاوتلميع صورة مدينة القصر الكبير في
عيون الآخرين وطنيا ودوليا.

أم القمرين

أول شي عطينا بطاقة تعريفية عن الزجال ادريس لمريني

أسمك ؟ :

ادريس محمد المريني

عـمرك ؟ :

61 سنة

مؤهلك التعليمي ؟ :

السنة الثانية من التعليم الثاني بعد قسم الملاحظة فصلت سنة : 68

عـملك ؟ :

ميكانيكي سيارات وشاحنات متقاعد باختياري بعد 45 سنة من العمل .

الحـالة الإجتماعـية ؟ :

متزوج + 4 ابناء = حفيد + سبط

هوايآتك ؟

مطالعة بعض الكتب الإستماع لمحطات الراديو الاذاعة الوطنية المغربية والجزائرية

سلبيآتك ؟

الادمان على التدخين

ايجابيآتك ؟

الحكم فيها للآخر

) كما تعودنا ان ناخذ راي الجميع بكرسي الاعتراف فمارايك بكرسي الاعتراف :

مختبر من نوع خاص

2) هل مفاجأة جلوسك على كرسي الاعتراف لها وقع في نفسك ؟ وماهو شعورك وانتِ على الكرسي ؟

مرتاح ولله الحمد ليس لدي ما اخشى ولا ما اتستر عليه في حياتي الشخصية .

3) كل انسان وله أمنيات وأمال .. يا ريت تخبرنا عن الحلم اللي في بالك أو بالأحرى الأمنية اللي تتمناها ... ؟

حسن الخاتمة.

4) شنو أصعب المواقف اللي مريتي بها ؟ :

كدت اغرق ذات مساء في بحر مدينة اصيلا اعتدت التخييم فيه لسنوات الى غاية 76حدث ذلك في زيارة عابرة سنة 87 لولا لطف الله لصرت في خبر كان ولتركت ورائي حينها 3 ابناء ميتمين

5) ما موقفكِ من الحب ؟؟ :

بدونه لا طعم للحياة

وهل جربتِه ؟؟

بكل صراحة فقدت الخام منه بفقدان والدتي رحمة الله عليها . لان الأم هي الوحيدة في هذه الدنيا تلقي بنفسها للهلاك كي تحافظ لك على حياتك .

هل تؤمن بوجوده ؟؟

طبعا هو عملة الحياة الأسرية والاجتماعية .

6) أي قرار تتخذه هل ..... تحكم عقلك أم قلبك فيه ...:

لا فرق بين العقل والقلب : قال سبحانه و تعالى :

ولقد ذرأنا لجهنم كقيرا من الجن والإنس لهم قلوب لا يعقلون بها

؟؟ ومن الأسبق في التحكيم قلبك أم عقلك ؟؟؟؟؟؟؟؟

ههههههههههههه في طيشي وصباي كانت يدي سباقة .

7) هل ندمتِ في حياتك على شي معيّــن ؟؟؟

أشد الندم يوم تجرأت على وضع أول سجارة بين اصابع يدي غير آبه

بما ستسببه لي من ادمان مع مرور الزمن كنت حينها في سن 12 . ذاك الشي علاش قالوا : عشرة من والا كتورث البلا . لكن بعدما فات الفوت عاد فهمت معناه واستوعبتو .

مالفـرق بين الحب والصداقة ؟

الصداقة بدون حب كعصا منخورة حين تريد الإتكاء عليها تنكسر .

وهل يمكن ان يسلكا طرق الغيرة ؟

الغيرة بتبصر مطلوبة العمياء منها تجلب الشقاء ان لم تكبح جماح العاطفة .

وهل يمكن للصداقة أن تتحول لكراهية ..وبالعكس؟؟

تلك سنة الله في الكون قابيل وهابيل كانا اخوين من اب واحد وام واحدة

كره احدهم الآخر فقتله .

ما رأيكِ بهذه الكلمات ..

الخيانة .. :

ذنب لا يغتفر

المرأه.. :

لولاها لما كان شيئ

الصداقة ..:

كلمة تتعدد معانيها كلما نقص او تغير منها حرف : فهي صدق

، صداق ، صد ، صدقة ، الصاق .

النميمة :

يكفي ان رسول الله صلى الله عليه وسلم قال : لا يدخل الجنة نمام .

النفاق :

هو أن يظهر الإنسان خلاف مايبطن.

اهلا سي ادريس الاجتهاد كاين والحداكة حتى هي تبارك الله عليك
يلا سولتك علاش تترد على الاسئلة بزجليات شنو تقول ؟
علاش سماوا الزجل 'زجل '
شكون لي تيكتب الزجل مزيان واش العيالات ولا الرجال
شنو رايك فمسابقات الزجل خاصة وانك شاركتي فالفردوس وخذيتي جائزة

اهلا سي ادريس الاجتهاد كاين والحداكة حتى هي تبارك الله عليك
يلا سولتك علاش تترد على الاسئلة بزجليات شنو تقول ؟

حسب السؤال المطروح جاء الجواب موسعا في شكل قصيدة وكانت واجدة من شحال هاذي.
علاش سماوا الزجل 'زجل ' ؟
لأنه لغة العامة المتداولة سهل الاستيعاب هو لغة الحكي
ينقُل همومَ الناس ومعاناتهم يروي التفاصيل بلغة سلسة
الزجلُ تَغزُّلٌ بالمُعاش اليومي تدوينٌ شفوي سريع الانتشاروووووو.

شكون لي تيكتب الزجل مزيان واش العيالات ولا الرجال ؟
الجواب والحكم عند المتلقِّي .
شنو رايك فمسابقات الزجل خاصة وانك شاركتي فالفردوس وخذيتي جائزة ؟
والله اختي الكريمة كنت شاركت ربما بقصيدتين من حينها ماعدت اتذكر
ولا علم لي بالفوز ولا بالجائزة خصوصا بعد ضياع كلمة المرور عقب
عمليات فرمطة الجهاز اكثر من 4 او 5 مرات ولانشغالاتي الكثيرة بالفايسبوك
وبعض المواقع التي أُشْرفُ عليها وبالكتابة وجمع ما اكتبه .
انت خصك تدعي معايا بلا ريال بلا جوج ههههههههههه
على فكرة حتى الايمايل قليل فين كنفتحو

شوفوا الله يخليكوم تكايسوا على سي ادريس راه باين بلي راجل مزيان وغيردريويش داكشي علاش الله حفظوا من الغرق
على سلامتك اسي ادريس الله يسلمك وينجيك

السلام عليكم
سي ادريس كيف جاك النهار الاول ؟
والنهار الثاني ؟
شنو تفضل تاكل ؟
شنو تشرب اتاي ولا قهوة ؟
واش تهلات فيك خالتي السعدية ولا غير جرجراتك لهنا وصافي
متنساش راه تنسالوك كصعة طعام على نجاتك الله يخليك لوليداتك
واش مازال تتعوم فبحر اصيلا ولا اعلنتي التوبة
تقبل تحياتي

شكرا اسي : المدير العام غي خليهوم يديرو فييا مابغاو قالو زمان : اللي حصل يودي

وقالو : لاتوصي يتيم على بكاه

kloudia كتب:: السلام عليكم
سي ادريس كيف جاك النهار الاول ؟
والنهار الثاني ؟
شنو تفضل تاكل ؟
شنو تشرب اتاي ولا قهوة ؟
واش تهلات فيك خالتي السعدية ولا غير جرجراتك لهنا وصافي
متنساش راه تنسالوك كصعة طعام على نجاتك الله يخليك لوليداتك
واش مازال تتعوم فبحر اصيلا ولا اعلنتي التوبة
تقبل تحياتي

علاه مازال هذا عي النهار اللول والثاني ؟ هههههههههههه

انا عزيز عليا أتاي صحراوي بلانعناع بلاشيبة حيث قالو فيه الهيبة

الالة طلبتيها رخيصة اما العومان كبرنا على البحر فهاذ الساعة وكيما قالو :

اللي كلا حقو يغمض عينو

اهلااهلا اهلا بسي ادريس
زارتنا البركة
قلينا اسي ادريس كيفاش جرى حتى كلسوك فهاد الكرسي ؟
بيني وبينك بلا ميسمعونا الخوت واش هاداك الكرسي رطب ولا قاسح ، متعب ولا مريح حيث سمعت الكلسة عليه سبع ايام
شنو هوايتك ملي كنتي صغير
ودابا ملي نتا كبير مكبير غير الله شنو ولات هوايتك
علاش المتقاعدين تيفضلوا لعب الكارطة
اختر 2 اعضاء من المنتدى ، هدي الاول نكتة والثاني نصيحة

ومضات كتب:: اهلااهلا اهلا بسي ادريس
زارتنا البركة
قلينا اسي ادريس كيفاش جرى حتى كلسوك فهاد الكرسي ؟
بيني وبينك بلا ميسمعونا الخوت واش هاداك الكرسي رطب ولا قاسح ، متعب ولا مريح حيث سمعت الكلسة عليه سبع ايام
شنو هوايتك ملي كنتي صغير
ودابا ملي نتا كبير مكبير غير الله شنو ولات هوايتك
علاش المتقاعدين تيفضلوا لعب الكارطة
اختر 2 اعضاء من المنتدى ، هدي الاول نكتة والثاني نصيحة

قلينا اسي ادريس كيفاش جرى حتى كلسوك فهاد الكرسي ؟
هههههههههههه الالَّة سوْلي امَّالينْ الدَّار هُوما يعْطِيوَاكْ لَخْبَارْ

بيني وبينك بلا ميسمعونا الخوت واش هاداك الكرسي رطب ولا قاسح ، متعب ولا مريح حيث سمعت الكلسة عليه سبع ايام ؟
من ناحية الراحة أنا خايف يدِّيني النْعاس عْليه ونْعاسي خايبْ
كنشْخُرْ شْويَّة بصَّح ماشِي شِي شْخِيرْ بَرْلمَانِي

شنو هوايتك ملي كنتي صغير ؟
أي لُعْبة زْغبْها اللهْ اطِّيحْ بينْ يدِّي مَكاتَبْقاشْ عاقْلة عْلى راسْهَا
كِيفاشْ كانتْ قْبل ماتْزَادْ .

ودابا ملي نتا كبير ماكبير غير الله شنو ولات هوايتك ؟
كنقلب على الهدوء والاختلاء وراء الحاسوب على يميني
برَّاد صحْراوي مْشحَّر وعلى يساري عُلبة سجَائِرصفراء
علاش المتقاعدين تيفضلوا لعب الكارطة ؟
أنا لاَّ حيتْ لْعبْتْها وآنا شابْ ههههههههه يمكن مازال عندي
فائض منها ، لكني امارس رياضة المشي صباحا بين الفينة والاخرى.
اختر 2 اعضاء من المنتدى ، هدي الاول نكتة والثاني نصيحة ؟
اخترتك انت للنكتة باش تْزول غَوْباشْتَك واضَّحْكي شْويَّة :
واحد السيد سوَّل لَفْقيه :
قال ليه اسي الفقيه اذا كنْت كنْصلي في لْغابة وْشفْت السبع
وآش نكمَّل الصْلاة أو نهْرب ؟
جاوبو لَفْقيه قال ليه =
اذا شفْتيه وبْقيتي عْلى وْضُو غير كمَّل صْلاتَك.

النصيحة للأستاذة كلوديا في الشريط التالي :

االسلام عليكم ورحمة الله تعالى وبركاته
اسي ادريس شفت هاد النسا دارو بيك كل وحدا تجبد ليك لسانك بالفن ولا بالفور والشيفور
واش بصاح هاداك الكرسي تيجيب النعاس ؟
افضل اكلة لديك ؟
اين تفضل قضاء العطل : الجبل \ الشاطئ وعلالالالالالالالالالالالالاش؟
شنو رايك فغالانسان الفضولي واش يسلك راسو ولالا ؟
علاش البنات تيخافوا من سراق الزيت ؟
خليتك الراحة وطاكي على راسك انا لي عارف هادوك الفردوسيات مزيان

المريني ادريس كتب:

ومضات كتب:: اهلااهلا اهلا بسي ادريس
زارتنا البركة
قلينا اسي ادريس كيفاش جرى حتى كلسوك فهاد الكرسي ؟
بيني وبينك بلا ميسمعونا الخوت واش هاداك الكرسي رطب ولا قاسح ، متعب ولا مريح حيث سمعت الكلسة عليه سبع ايام
شنو هوايتك ملي كنتي صغير
ودابا ملي نتا كبير مكبير غير الله شنو ولات هوايتك
علاش المتقاعدين تيفضلوا لعب الكارطة
اختر 2 اعضاء من المنتدى ، هدي الاول نكتة والثاني نصيحة

قلينا اسي ادريس كيفاش جرى حتى كلسوك فهاد الكرسي ؟
هههههههههههه الالَّة سوْلي امَّالينْ الدَّار هُوما يعْطِيوَاكْ لَخْبَارْ

بيني وبينك بلا ميسمعونا الخوت واش هاداك الكرسي رطب ولا قاسح ، متعب ولا مريح حيث سمعت الكلسة عليه سبع ايام ؟
من ناحية الراحة أنا خايف يدِّيني النْعاس عْليه ونْعاسي خايبْ
كنشْخُرْ شْويَّة بصَّح ماشِي شِي شْخِيرْ بَرْلمَانِي

شنو هوايتك ملي كنتي صغير ؟
أي لُعْبة زْغبْها اللهْ اطِّيحْ بينْ يدِّي مَكاتَبْقاشْ عاقْلة عْلى راسْهَا
كِيفاشْ كانتْ قْبل ماتْزَادْ .

ودابا ملي نتا كبير ماكبير غير الله شنو ولات هوايتك ؟
كنقلب على الهدوء والاختلاء وراء الحاسوب على يميني
برَّاد صحْراوي مْشحَّر وعلى يساري عُلبة سجَائِرصفراء
علاش المتقاعدين تيفضلوا لعب الكارطة ؟
أنا لاَّ حيتْ لْعبْتْها وآنا شابْ ههههههههه يمكن مازال عندي
فائض منها ، لكني امارس رياضة المشي صباحا بين الفينة والاخرى.
اختر 2 اعضاء من المنتدى ، هدي الاول نكتة والثاني نصيحة ؟
اخترتك انت للنكتة باش تْزول غَوْباشْتَك واضَّحْكي شْويَّة :
واحد السيد سوَّل لَفْقيه :
قال ليه اسي الفقيه اذا كنْت كنْصلي في لْغابة وْشفْت السبع
وآش نكمَّل الصْلاة أو نهْرب ؟
جاوبو لَفْقيه قال ليه =
اذا شفْتيه وبْقيتي عْلى وْضُو غير كمَّل صْلاتَك.

النصيحة للأستاذة كلوديا في الشريط التالي :

سي ادريس هاني ضحكت وتحلات الغوباشة ونا كان يصحاب لي راشي مبشورة
تفضل واحد البراد

المبدع الاستاد ادريس المريني ..........على منصة التشريح...........لا تفوتوا الفرصة هههه ... Th?id=H.5034832390849750&pid=15

المبدع الاستاد ادريس المريني ..........على منصة التشريح...........لا تفوتوا الفرصة هههه ... Th?id=H.5034832390849750&pid=15

المبدع الاستاد ادريس المريني ..........على منصة التشريح...........لا تفوتوا الفرصة هههه ... Th?id=H.4925804647678757&pid=15

وها

المبدع الاستاد ادريس المريني ..........على منصة التشريح...........لا تفوتوا الفرصة هههه ... Th?id=H.4988502570304548&pid=15

شكرا استاذة ومضات وآش هذا فتوح علة ذيك النكقو زعما ؟ الله يعطيك كل خير يا الكريمة

آلسلام عليكم ورحمة الله تعالى وبركاته

اسي ادريس شفت هاد النسا دارو بيك كل وحدا تجبد ليك لسانك بالفن ولا بالفور والشيفور ؟

شفتي بعدا الدعوة لله بالمدونة ههههههههه

مرحبا بالاستاذ حمان ياك ماشي انت اللي غنا عليك المرحوم

الحاج الحسين التولالي ؟

*******

واش بصاح هاداك الكرسي تيجيب النعاس ؟

وآش مازال عندك الشك ؟ كينعَّسْ ويْنسِّي سوَّل بنكيران

عْليه كيصبَّح ويْمسِّي

افضل اكلة لديك ؟ ماشي غي وحدة احسب معايا :

البقُّولَة + السمك الابيض + بيصارة الجلبان + الخليع +

السّْمن لْحارّْ مْع لَعْسَل حرَّة .

اين تفضل قضاء العطل : الجبل \ الشاطئ وعلالالالا ش؟

كنت كنفضلها في شاطئ مدينة اصيلا لغاية سنة 76

منْعوا التَّخْيام ب لَگْيَاطنْ من ذاك العهد ماشديت عطلة كبيرة

رجعت كَ نكْتفي بالذهاب والاياب كل سفرة وفين تديني

شنو رايك ف الانسان الفضولي واش يسلك راسو ولالا ؟

هههههههه ليس كل مرة تسلم الجرة واللي دخل الشبوك يْعدْ راسُو مهْلُوكْ

علاش البنات تيخافوا من سراق الزيت ؟

ههههههههههههه ورآه انِّيتْ مافِيهْ مَايفرَّحْ شُوف غِي فينْ سَاكنْ

ايْلا مسِّيتِيه الله يخْلف فْ لُوْضُو غي عاوْدُو

خليتك الراحة وطاكي على راسك انا لي عارف هادوك الفردوسيات ؟

هههههههههههههههه اللي عندي ف الدار كانت اوْعر منّْهُوم بَ : س . ج .

تبارك الله على السي لمريني

جاي وجايب معاه شلا كلام ومعاني

السي لمريني واش عندك مع الغناء

لا كانت راشقة ليك والدنيا زاهية اش تغني لينا

خويا ادريس

الحب واش عندو بلاصة فيك ولا زارك ونساك ونسيتيه في ايام اشباب

خويا ادريس ابان ليا عندك مع النكتة

واش تعطينا اخر نكتة علىالمراة ههههه

على الرجل ههههههههههههه
على المعلم ههههه

خويا ادريس واش عندك مع العيطة

واش عمرك ركزت على الجفنة وجاك الحال والحال ما يشاور

هههههههههه

خويا ادريس

الا عرضنا عليك تدوز .

في برنامج

واش بغيتي تدوز في دوزيم

اشنو هي الموهبة لي غادي تبان بها

هههههههههههه

تحياتي لك

سي ادريس مرحبا بيك على كرسيك
شكون لي سابق البيضة ولا الدجاجة ؟
علاش تيقولوا حضي راسك من العجاج والفيراج ؟
يلا غمضتي عينيك هاد الساعة شنو غيبان ليك ؟
مارايك في قفة زمان وقفة اليوم ؟
شنو رايك بالسعدية الفاتحي لي جراتك للكرسي وتتقلب ليك على الجفنة ؟

السعدية

تبارك الله على السي لمريني

جاي وجايب معاه شلا كلام ومعاني

هههههههههه

الله يبارك فيك لالة السعدية

طلقتي لكوزينة وشديتي فيا

شعلتي لعافية على الطنجية

وجيتي تفرغتي ليا

السي لمريني واش عندك مع الغناء ؟

كل مايطربني يعجلني

لا كانت راشقة ليك والدنيا زاهية اش تغني لينا

خويا ادريس ؟

ماكاين مااحسن من هاذ الأغنية :

الحب واش عندو بلاصة فيك ولا زارك ونساك ونسيتيه في ايام اشباب ؟

ههههههههههه

لا مازال غي تبدل من الخصوصي للعمومي

خويا ادريس ابان ليا عندك مع النكتة ؟

واش تعطينا اخر نكتة على المراة ههههه ؟

على الرجل ههههههههههههه ؟

هذي جامعاهوم بجوج :

شي واحد تزوج وف صباح ليلة الدخلة طار الماكياج للعروسة ولقا راسو حاصل

فشي وحدة لازين لارواح بكري ، شاف فيها وهي تسولو :

ياراجلي لعزيز شكون بغيتي من الناس يشوف وجهي ؟

قال ليها : وريه لكولشي إلا ليا .

على المعلم ههههه ؟

معلي سول التلميذ :

شنو الحاجة اللي ماتايذوبهاش لبحر ؟

جاوبو : الحوت يا استاذ .

خويا ادريس واش عندك مع العيطة ؟

ههههههههههه

العيطة اللي عندي معاها هي على مولات الدار كنعيط عليها

تحطلي لغذا ، أما لفطور كنصاوبو لراسي ديما .

واش عمرك ركزت على الجفنة وجاك الحال والحال ما يشاور ؟

ههههههههههه

وزني يمنعني من ذالك ، وآش بغيتي الجفنة أتهتك

هههههههههه

خويا ادريس

الا عرضنا عليك تدوز .

في برنامج

واش بغيتي تدوز في دوزيم ؟

ف برنامج مختفون ههههههههه

اشنو هي الموهبة لي غادي تبان بها ؟

هههههههههه

تحطيم الرقم القياسي في الصمت

ادمين

سي ادريس مرحبا بيك على كرسيك

شكون لي سابق البيضة ولا الدجاجة ؟

ههههههههههه

مادام آدم سبق حواء فأكيد أن الفروج هو اللي سبق .

علاش تيقولوا حضي راسك من العجاج والفيراج ؟

ههههههههههه

ايلا تزامنوا بجوج مشا فيها عمي لحاج لا هو لا دجاج .

يلا غمضتي عينيك هاد الساعة شنو غيبان ليك ؟

ههههههههههه

كيبان ليا نخليهوم مفتوحين .

مارايك في قفة زمان وقفة اليوم ؟

زمان كانت لقفة تحفة

كانت دلالة للوفا

كانت فيد الراجل مشرفة

هو يتسوق وبجيب

ومولاة الدار تطيب

خضاري ولحم وحليب

ليوم تبدلت ب لميكة

ودات الناس للهليكة

لانظرة لا تشييكة

وين مالحتي عينيك تلقاها مليوحة

طالقة الريحة ولفضيحة

الله ياربي آش هاذ التشربيكة .

شنو رايك بالسعدية الفاتحي لي جراتك للكرسي وتتقلب ليك على الجفنة ؟

السعدية مافيها دغل

ف كلامها ماتخرج ماتدخل

هي مولات لعقل

تاقنة الشغل

باغياني على الجفنة نهبل

ماعارفاش شحال فيا ديال الثقل .

ايوا سي ادريس
كيف عملتي مع السعدية ؟ واش سلكتي معاها ولا سلكات معاك ؟
كيف بان ليك نهاية الاسبوع؟
شنو تقول لاعضاء الفردوس ؟
تبارك الله عليك اسي ادريس وخلاص

السي ادريس ....ما خلالي ما نقول

جيتو من لعيطة لقيتو رسام مهبول

يدردك ومن الجفنة دار مقفول

الله عليك يا السي ادريس

النكتة

جابت التمام لمرا والراجل المعقول

والله ما عندي مايتسالك

درتي الواجب والزيادة

وحتى احنا ما نخليوك تمشي

بلا ما تكتب لينا مرسول

للفردوس يكون ليها حرز وقبول .

من زينها تطيح الزرزور من فوق السور

وكتب لينا اهداء بالزجل

خوي قفتك واعطينا من لمعاني شلا متون

وما تبخل علينا

خويا ادريس

السلام عليكم سي ادريس
وييييييييييه اخويا ادريس عليك نور يا وجه النور انا هو هاداك حمان لي غناو عليه وطرني نتا مططططططططططور وتيطرها فالسما راه كنت ناسي راسي واش هو هاداك حمان ولا لا
شتك شاد الميزان نتا وخالتي السعدية وماشت لابراد ولا صينية
ولا بغرير معسل ولا ملوية
شنو رايك تشد السعدية فداك الكرسي شي شوية
اسمح لي نسقسيك الله يخليك واش نتا من بني مرين اي المريننين ولا غير السمية
يلا سولك على الذيب شنو تكولهوم عليه
يلا صبتي رززززززززززززمة دالفلوس مبرعا شنو غتدير ؟

)ldg

المبدع الاستاد ادريس المريني ..........على منصة التشريح...........لا تفوتوا الفرصة هههه ... 1370217_464519130330248_1889890072_n

ادمين

كيف عملتي مع السعدية ؟ واش سلكتي معاها ولا سلكات معاك ؟

لالة السعدية مولات الدار
وانا واحد م الزوار
ضيفتني ماقصرت تقصار
تهلات فيا م لهيه واكثر
ربي يخلف بالليل والنهار

***********
كيف بان ليك نهاية الاسبوع؟
كانت رحلة من نوع خاص
برعتونا حلوى وفقاص
أما المشوي غاية وخلاص

شنو تقول لاعضاء الفردوس ؟

اعضاء الفردوس اسم على مسمى
صواب وآداب معاه لحكمة
وقار وتيقار خاوة ملازمة
كلهوم أطر واعية فاهمة
احترام متبادل ف أعلى قمة
ماشاء الله عزم وهمة
الله يدومها عليكوم نعمة

تبارك الله عليك اسي ادريس وخلاص

الله يبارك فيك شهادة اعتز بها .

السعدية الفاتحي

السي ادريس ....ما خلالي ما نقول
جيتو من لعيطة لقيتو رسام مهبول
يدردك ومن الجفنة دار مقفول
الله عليك يا السي ادريس
النكتة
جابت التمام لمرا والراجل المعقول
والله ما عندي مايتسالك
درتي الواجب والزيادة
وحتى احنا ما نخليوك تمشي
بلا ما تكتب لينا مرسول
للفردوس يكون ليها حرز وقبول .
من زينها تطيح الزرزور من فوق السور
وكتب لينا اهداء بالزجل
خوي قفتك واعطينا من لمعاني شلا متون
وما تبخل علينا
خويا ادريس
هومماني
السلام عليكم سي ادريس
وييييييييييه اخويا ادريس عليك نور يا وجه النور انا هو هاداك حمان لي غناو عليه وطرني نتا مططططططططططور وتيطرها فالسما راه كنت ناسي راسي واش هو هاداك حمان ولا لا
شتك شاد الميزان نتا وخالتي السعدية وماشت لابراد ولا صينية
ولا بغرير معسل ولا ملوية
شنو رايك تشد السعدية فداك الكرسي شي شوية ؟
ههههههههههه.
السعدية غي ولية
تكايسو عليها شي شوية
باش تفوت الأضحية
راها حاذگة ومرضية
شغولها تنضيه ف السروية
حرشة ومعاها رغيفة وملوية
أما لبغرير والرزيزه حرير
حاضرين ديما صباح وعشية

****************

اسمح لي نسقسيك الله يخليك واش نتا من بني مرين اي المريننين ولا غير السمية ؟
لا : خوك راه مريني من لمرينيين اللي حكموا المغرب وبلا فخمة .
يلا سولك على الذيب شنو تكولهوم عليه ؟
الذيب مطور
ف الصيدا ما يتهور
عاقل رزين
ماكلتو عفيفة
مايصيد جيفة

يلا صبتي رززززززززززززمة دالفلوس مبرعا شنو غتدير ؟

هههههههههههههه
فهاذ الزمان تلقا الخبز مليوح
تلقا بنادم مكرفط مشبوح
جنب الطريق مطروح
إنما رزمة لفلوس هي اللي كتفسد لمصلوح
وكاطيح عليها الروح .
ويلا لقيتها بيني وبينك نعطيك لفتوح .

ت

بارك الله عيك السي ادريس

راك كنت ...نعم الضيف ..ونعم الاخ والزجال

تحياتي لك من هذا المنبر

على كلماتك الراقية في حقي

ولك مني اسمى عبارات التقدير والاحترام

خويا ادريس نشكرك جزيل الشكر

على تحملنا وتحمل اسئلتنا البسيطة

ومزاحنا

ونستسمح منك ان قصرنا في حقك

شكرا لك

تحيثاتي

************************

شكرا جزيلا لك أخي الكريم: ادريس المريني

على سعة صدرك و على أجوبتك الراااائعة

و كلامك الراقي و الموزون بكل دقة و عناية

لقد استمتعت و أن أتصفح(أقرأ) كل ما دار بينك

و بين المتدخلين خلال هذا الأسبوع...

لقد كنت منورا لهذا المتصفح و للمنتدى عامة..

و لا يفوتني أن أشكر الأخت المتألة:السعدية الفاتحي

على جهودها الطيبة و الموفقة

تحياتي و تقديري لكم جميعا

أخوكم: عبد القادر البيكة

خـــــــادم المنتدى

******************

» ادريس بلمليح في ذمة الله
» ضيف الكرس 14: المبدع أحمد عبد الغني
» اضحك هههه
» اضحك هههه
» ترقب نتيجة التشريح الطبي لوفاة أستاذة بمصحة خاصة بمراكش لتحديد المسؤوليات