لله يا قصيدتي
لله يا قصيدتي مالك ديما
هجمانة
ترجميني بحروفك
وبمعانيك تخليني
تلفانة
لله يا قصيدتي مالك ديما
سهرانة
جفنك ما ينعس ما يعرف
نوم
تزوريني بين الليل
واليوم
تهديني اشواق نرشمها
ف اوراق
لله يا قصيدتي انا ليك
ممنون
عيشتيني بين صناع الحرف
والكلمة
وجميع الفنون
لله ياقصيدتي على عودك نهرب من
الهموم
نقدتيني من الغرق وانا ما نعرف
العوم
لله ياقصيدتي خرجتيني من سرداب
الظلمة
نورتي عقلي بشعاع الكلمة علمتيني
الحكمة
لله يا قصيدتي خليتيني نحلم والحلم يولي
حقيقة
والكلمة نزلك حروفها عقيقة
بعقيقة
لله يا قصيدتي سلفتك عقلي
هديتيني ف يدي غربال ف المعاني
نعزل
شي يبقى فوق شي
ينزل
لله ياقصيدتي مالك ديما
زربانة
تخلي حالتي حالة
تعيانة
معلالة
اليد ترجف بين الصبعان
مغزل
يدور ف الخوى ف الحروف
يغزل
يجمع كبة حروف لوانها
معاني
تخرج قصيدة سداها صوف
لله ياقصيدتي خليتيني نطير طير الحر
ف السما
نحلق و نمر
نبحث على الكلمة
طير الحر ف السما
ما يتعامى
يلا شاف الفلوس في الارض عليه
يترامى
مسيعيد فاطمة
