فينك اجاري

فينك اجاري

سال علي ونسال عليك
يا جاري
يا اللي دارك
بجنب داري
البارح كنت تعرف أسراري
ولا تخاصمنا تقبل اعتذاري
كنا بحال الخوت
ما تفرق بينا غير الموت
مشاركين الفرحة ، الحزن والقوت
واليوم صبحتي مجافيني
وعلى أتفه الأسباب معاديني
جاري فوقي وتحتي وبجنبي غريب
لما نكلمو ما يرد ما يجيب
ديما خايف مني وعاطي التقار
وما يزورني لا بالليل ولا بالنهار
هاد العيب ماليه لزوم
ما تسد بابك بالمفتاح والزكروم
ودير يدك في يدي
وقبل مني هاد الهدية
عربون المحبة الجدية
نحييوا بها عشرة أبدية
ونصلحوا بها أحوال البشرية
ياك نبينا وصى على الجار
حتى ظن أصحابو باللي أصبح من الورثة الأبرار

مسيعيد فاطمة

نعم الدعوة ونعم التذكير شكرا على الابداع

لك مني كل التقدير على تشجيعاتك