لما بعزف على الوتر

لما أعزف على الوتر
يتغنى الكلام
بنقش على الحجر
أجمل هيام
لما أرسم ضحكتك
أحس بالأمان
أفتح شباك الأمل
ألاقى الهوى ولهان
اسرح فى صورتك
يتغير رسمك
تاخدنى نفسى
أرسم حنينى فوق جبينى
أنادى موج البحر
وأنا للهوى عطشان
يعزف صوت الموج
لحن الوفا
تاخدنا لحظه دفا
نركب شراع الأمل
لحظه غروب الشمس
لحظه وداع الهمس
نعيش حياتنا
نتمسك بخوفنا
نجوم فى السما
تعشق ملامحك
لما أشتكى للزمان
حروف إسمك
ياخدنى ليل الطويل
أحلم بلمسك
موج ينادينى
حبه رمل
حاضنه إيدى
شمس الغروب
فاكره مكانى
خيالى هو زمانى
خايف من لحظه فراق
يا عمرى محتاج سنينك
تفضل معايا
أنادى حروفى تكبر جوايا
حبك مالى حشايا
يا طير مهاجر وانت بعيد
باشوفك منى قريب
يا بحر علمنى أحبك
وأدوب فى قربى منك
علمنى صمتك
معنى الكلام
بتسمع شكوتى
ولغيرك يموت الكلام
خلينى أسامحك
وأنسى همومى بقربك
موجك عالى
خلينى فى حضنك
خلينى أحبك
علمنى أناجى طيورك
ساعه الغروب
علم حروفى ترسم فى السما
أجمل ملحمه
علمنى أعشق الدفا
بقرب حضنك تبقى الحياة
بقلمى / سيد منيرعطيه

كلمات رقيقة تنضح احساسا وعذوبة ، تتألف مع ايقاع وجرس بديعين ،والاجمل من هذا كله ان يكون صاحبها عميد شرطة
بوركت اخي سيد وبارك الله في يراعك

الشاعرة/فاطمه المنصورى
الكلمات التى تمس الوجدان تجد صداها بيننا وتجعل الانسان يشعر بقيمه الحرف الذى نكتبه لانه صادق حينما يصل للقلب
شاكر مرورك الطيب

الكلمات الصادقة تشعر وكأنها تنفذ الى القارئ كنسمة ريح خفيفة عبر أصغر المسامات .ذاك بوحك سيدي وما صنع .
شكرا لك