27/02/2013
23H39
شرفتي يا دنيا
ودختي ...
وأنا عقت بيك زمان
ما بقيتي تديريها بيا
شرفتي ..ودختي..
وليتي تتخيلي
راسك مازال بنية
اللي شاف فيك
تغرقيه ..
تعطيه وتزيديه ..
وتقولي قليل عليه
ما يهمك لا أصلو..
لا فصلو ...
لا اللي ينعت فيه
تكولي هذا ليا
وأنا ليه ...
واخا يكون ..
خبيث..ولا مقيت..
قليل نية ..
مبلي ألف بلية
تعشقيه وتزيديه
بليتك أنتيا ..
يترجل ..
ولي سيد بالشاشية ..
واخا ..
يسرق
يكذب
ما يحشم ..
ما يعرق ..
صندلتيه ..
وزدتيه .. حمية
كيتو مسكين فيك كية
ولايني لهلا يردو
ما نفعت فيه وصية
أعطيه وزيديه
ودوخي عليه بشوية
حتى يلقى راسو
جرتيلة..
فروضة منسية ..
ما نفعوا مال ..
ولا سمية ..
ما بقات فيه طمعية ..
يتنسى ..
يا له اتلاح ..
ألف جلية وجلية ...
المهم أنا عايق بيك ..
ما تديريها بي ..
أنت زايغة .. زهوانية ..
وحالك هو حالك
نشبتك.. هي .. هي
ديما مقنية ..
شكون هاد المرة يكون الضحية؟
وتفضليه ثاني عليا ؟
أحمد عبد الغني
