12/01/2013
حالي مخربق
يطلقني رعد
يشدني برق
قلبي تكمش ماعاد تطلق
تا حاجة ليا ما بغات تصدق
وليت نهدر وحدي كي الحمق
فات فيا الفوت ما بقى ما يتعتق
مات فيا مشموم الحبق
ضرباتو الرعدة وعاودو البرق
مات وعودو تحرق
غابت شميشة
ربيعو ما بقات تشرق
وما عاد حد عليه يشفق
كلشي فرحان ناشط وهو مقلق
كيف يدير لحالو المخربق
وهو بين البينات يطلقو رعد يشدو برق
فينما بغى عودو يخلف
ويورق
باجريحة غيابك يتحرق
براكة عليه قيلوه راه
تطرطق
ما بقى فيه ما يتلبق
عودو رشى ومشى وتفتق
ما بقى يصلح لحوايجكم عليه
تتعلق
راه يتسنى اللي يقول فيه كلمة
الحق :
أنتما سباب حالو المخربق
احمد عبد الغني
