بحلم ببكرة

صباحك بلون الورد
والورد فتح فى ايدك

والكون معاكِ إبتسم
وانتِ عاشقه وريدك

بحلم ببكرة معاكِ
لما اكون ف ايداك

حضنت صورتك
حفرت إسمك

مشيت طريقك
بدور عليكِ

أيام وليالى
ودموع بتبكى

بتحكى.. بتشكى
بعدك موت نبضى

بحلم بحضنك
يكون لى أمان

وزمان غير الزمان
وقلوب صافيه

معاها الهوى ألوان
نعشق ندوب

نتمنى الرجوع
بحلم ببكرة

فيه نور للحياة
ونظرة عنيك تكون نجاه

أنا وانتِ قلبين
عشقوا الحياة

نبعد ندوب
أحلامنا تتوب

رافضه الهروب
وسط الزحام

حياتى عذاب
سهادى أنين

يا عاشقه الحياة
يا طوق النجاة

وريدى بينزف
صبحك بيبعد

وردك بيدبل
عيونك محال
فيها الأمان ألوان

يا شمس بكرة
يا قمر بيضوى

يا ليل ساكت
بيحلم ببكرة

ترسى أهاتى
ينبض سكاتى

تمشى دموعى
لحضن دافى

بنادى عليكِ
وكلى حنان

تعالى يا عمرى
يا بر الامان
بقلمى/ سيد منير عطيه