الحب علينا قدر

لما أقول محتاج لحضنك
والليل فى قربك إحتياج
والقرب منك حياة
حياتى ملاها الحزن
والحزن منى قريب
ساعات بنسى الهم
وألاقى فرحى بعيد
لما بسمع ضحكتك
بنسى سنين غربتى
حلفت ميت يمين
أكون لحضنك أمين
وأروى عطش غربتك
وأزرع ورد وياسمين
ويبتدى عمرنا واحنا صدقين
ونكمل مشوار الحياة
على العهد متفقين
ويموت جوانا الحرمان
وعزله السنين
عاهدتك يا نبع صافى
ياعود أخضر ورياحين
أصونك مهما باعدتنا السنين
وأحلف ميت يمين
ان الحب جوايا بحر
يروى صحارى وطين
لما أقول بحبك
يهتز جبل أحد
وتكتر البراكين
دا الحب جوايا أمل
مخلوق ليوم الدين
بستنى طلعتك تروى
صحارى العين
دا الحب علينا قدر
وانكتب
وإحنا مش حاسين
يعلم ربى ويشهد
ان الحب أمر
واحنا مش خايفين
عاهدتك ياعمرى
يا سنينى اللى جايه
ح أفضل حبيب
مهما غاب الحنين
مهما تطول الليالى
وتتغير فصول وسنين
ح أفضل أحبك
وأتحدى المستحيل
وييجى الربيع الاخضر
وتشرق شمس الحياة
ويبتعد خريف العمر
عن كل الحياة
وما يدبل ورقك الاخضر
يا نبع الحياة
بسابق ريح الشتا
لما تهز غصون المحبه
والشجر خايف ليكبر
ويبقى مأساه
طول ما الربيع اخضر
ح يبقى الخريف اكبر
ونعيش الحياة
حلفت ميت يمين
دا الحب علينا قدر
وإحنا مش حاسين
بقلمى / سيد منيرعطيه

شاكر الاحساس والمشاركه الفعاله
التى تدل على جمال الموقع
ومشاركه حقيقيه نابعه من احساس متصل