أبنادم فيه وفيه

سلم من الخاوي
تنجى من العامر.
كلها و يدوز ايامو.
قولولو
ينسى اللي فات
ويفكر
فاللي جاي قدامو
الواد حامل
واصل لحزامو
ما يسلكو
غير عوامو
و العاقل بمقامو
هاز علامو
وصايل بكلامو
واحد ينقش اسمو
على رخامو
واحد يخمم
باش يكمل عامو
ياك النهار بشمسو
والليل بظلامو
و شحال من جيل فات
وهذا جيل بقوامو
واللي حسدك اعطاك
مايشغلكشي تخمامو
و يلا داز و سلم
رد عليه سلامو
و يلا اسكت
اعرف ريحة الغدر تمامو
لا تعطيه وقت
و لا تديرلو شان
بنادم فيه و فيه
رد بالك منو
وفمك دير ليه لجامو