محروم رزقو

‏ابني وعلي ودير علاش اتولي .
زمان واش من ازمان هدا .
زمان كول واسكت.
وافكر ودبر وسير واجي بالزرب
.ها انت الهيه .ها انت اهنا
.زمان العجب وكل شي كيعجب.
العولمة والسرعةفاكل شي
مشية عام اتديرها فادقيقة.
وظلام الليل اوليلك انهار.
كنت من العباد اتولي من الاسياد.
اديرها كحلة زحلة.
تخرج منها كي الشعرة من العجينة.
كيت اللي ماعندو والي ابحالي
ابقيت تابع لالة ومالي
حتى ارماتني في بر خالي.
لااحنين لاارحيم منسي وهايم كي شي بوهالي
قلت الشي كترشي
.والا فطرت ما اتعشي .
انوصيكم اوصايا .محروم رزقوأبحالي بلغولو ا السلام .
وقولوا لو يدفن راسو وهو حي .
ماهو ثور القليب ماهو بقرة الحليب....‏"