نَحْكَمْ رَاِسي بْرَاسِي

أََنَا الصَّحْرَاوِي
سَجْنُونِي وْ عَذْبُوْنِي...فْ.. تِنْدُوْف
شَْحَالْ..مَنْ..مَرَّة
مَلِي عْطَشْت سْقَاوْنِي الحَنْظَلْ
قَطْرَة..بْقَطْرَة
مَنْ جُوْعِي..بَانَتْ ضْلوعِي
كَصْبَة..صَفْرَة
يِزَمَّرْ فِيهَا الرِّيح
وُ يَا حَسْرة
مْقاوَمْ ضَرْبْ الوْحُوشْ
بْحَالْ الصَّخْرَة
نَفْتَاخَرْ بِعْدَابِي..وُنْكُول
الصَحْرَة..مَغْرِبِيَة
وَاللِّي بْغَا..يْطْرَا..يَطْرَا
صَابَرْ..وُنْصِيحْ
بَارَكَ..مَاتْعَبْدُو أَوهَامْكُمْ
غِيرْ نْسَاوْها بِالْخَطْرَة
* * * * *
أَنَا الصَّحْرَاوِي
وَاحَدْ مَنْ بَزَّافْ الْلِي...فْ..لَمْضَرَّة
قَلَّبْ..فْ..كُلْ خَيْمَة
غَتَلْقَا..مَنْ كُلْ..عْيُونْ
تَمْطَرْ غَيْمَة
وُ تْسِيلْ دْمُوعْ الحُكْرَة
* * * * *
أًنَا الصَّحْرَاوي
نَحْكَمْ رَاسِي بْرَاسِي
تَحْت نُور الكَمْرَة
* * * * *
نَحْمِ بْلَادِي بِنْيَابِي
وَضْرَاسِي
بَاشْ دُّومْ لَمْسَرَّة
* * * * *
أَنَا الصَحْرَاوي
رَاسَمْ عْلَى قَلْبِي لَحْمَرْ
بَعْرُوقِي...نَجْمَة...خَضْرَة
أُوْ قَلْبِي يَنْبَضْ
اللَّه..الوَطَنْ..الْمَلِكْ
وَتْعِيشْ الرَّايَة الْحَمْرَة
(زجل)
العربي الشوين

شكرا لك سيدي على هذه الروح الوطنية التي تجسدها كلماتك الرائعة