الحيوانات في الأمثال الشعبية

الحيوانات في الأمثال الشعبية المغربية

الـــبـــــقــــــــــــر
*-"أتاي العشية حسن من بقرة مشوية."
*-"البقرة الكركوبة لا محلوبة ولا مركوبة."
*-"البقرة ايلا طاحت كيكثرو الجناوة."
*-"البقرة كا تنطح أو ولدها كا يشطح."
*-"البقرة المعgـــازة من مشيتها تبان."
*-"البقرة كا تاكول فالشمندر أو قدامها باقي."
*-"البقرة ما يجي معاها السرج."
*-"اللي بغا الـبـــgــــر الله يطليه بزبلو."
*-"شافت الربيع ما شافت الحافة."
*-"الكي فالبgر والحمير تزعرط ."
*-"البنت اللي مايتدبح عليها بقر ما ليها وقر."
*-"عندو بحال الحنة بحال زبل البقر."
*-"لا تكسب (بقرة)نطاحة ولا تزوج (امراة) نواحة."
*-"ماخلاو طلابين اللبن للعجيلات مايرضعو."
*-"اللي بغا وقرو ينده بقرو."
*-"العاقل فالثيران نطّاح."
*-"تشوف الثور الأبيض،تقول كلُّو شحمة."
*-"شي فمُّو يشري ليه بقرة،شي فمُّو يبيعها ليه."
*-"البقرة ولدت قنفوذ جات تبوسو فيه الشوك ...بغات تلوحو ولدها."
******************************************

الــكــلــب==>حشاكوم
*-"الكلب اللي كينبح ما كيعض."
*-"كلب حي أو لا سبع ميت."
*-"ضرب الكلب و استحيى فوجه مولاه."
*-"فاطمة بنت الدرب ،باعت الدفة وشرات الكلب."
*-" الكلب ما يعضش ف ودن خوه."
*-"اللحمة معلقة أو لكلاب كا تقاتل عليها."
*-"اللي بغى يربِّي الجرو خاصو يقتل الكلب الكبير."
*-"تحابو الكلاب على رجلين الطلاب."
*-"الدم يتحلبى يتحلبى وخى يكون من الكلبة."
*-"السِّي بلا قراية،بحال الكلب بلا ضراية."
*-"الحليب للحباب واللبن للكلاب."
*-"الدار بلا باب ما تحتاج للكلاب."
*-"الكلبة المجرابة عمرها ما كتصيد."
*-"جوع كلبك يتبعك."
*-"ولاد الكلبة كاع كلاب."
*-"اللي دصر الكلب يلعق ليه شـواربو."
*-"الكلب غ كلب واخا يلبسوه الذهب."

*-"كال ليه :الجار كريم؟
كال ليه شوف حالة الكلب والبهايم."

*-"الحمار رافد الثقل والكلب كينين."

*-" تختار حتى تعيا،وتهز من اولاد الكلبة جرو."
*-"الكلب إلى ما نبح ما عندو فيه مولاه ربح."
*-"سعد الدباح ،الكلب ما ينبح،الدايز يقول آح والراجع يقول آح."
*-"أتاي بلا شيبة عطيه للكليبة."
*-"سعد الدابح لا وجوه تشابه لا كلاب تنابح."
*-"ربي الكلب ينفعك وربي كحل الراس يقلعك."
*-"شد كلبك قبل ما يذوق خبز الناس."
*-"الدار دار بونا وبن كلبون طردونا."
*-"السما بعيدة على انبيح لكلاب."
*-"سمن كلبك ياكلك."
*-"الكلب غير كلب وخ تكون سلسلتو من الذهب."
*-"الكلب النباح ايلا ماعض مايرتاح."
*-"الكلب كيعرف جوج حوايج نهار تخلات دار بوه أو نهار شبع."
*-"الكلبة الشهبة حتى عضاتني عاد عرفاتني."
*-"كلب السوء كيجيب الدعا لمولاه."
*-"كلب سايب أو لا سبع مربوط."
*-"بحال الكلب يخاف أو يخوف."
*-"اقطع أوذن الكلب أو دليها أو اللي فيه شي خصلة ما يخليها."
*-"آش يضر السحاب من انبيح الكلاب."
*-" ألف كلب ينبح معاك أو لا كلب ينبح عليك."
*-"الكلب ما يتشطر الا على باب دارو."
*-"بحال الكلب يحب الجوع أو الراحة."
********************************************

الـــخـــــــــــروف
*-"حتى غنم ما تسرح وحدها."
*-"اللي أمو نعجة ياكلها الديب."
*-"الغنم الغنيمة فالدار الكريمة."

*-"ما يموت الديب ما تفنى الغنم."
*-"الحولي باع باع كيقرا فالسابع."
*-"ما كيزيد بالصوف غير الخروف."
*-"حتى حولي ما ثقلوا عليه كرونو."
*-"الـgــــزار ما كيخافش من الغنم."

*-"ويلا طاحو فالكرش يفرgــعوها."
*-"خروف المثقال من الـربــg يبان."
*-" عطى الغنم للديب وgالو اسرحها."
*-"شحال من خروف سبق باه للـgــرنة."

*-"ما مضيق الزريبة الا النعجة الغريبة."
*-"جدي ولا خروف كل واحد باه معروف."

*-"شحال من خروف جا فرطاس وربى الراس."

*-"النعجة كتولد خروف أو الكلبة كتولدأولوف."
*-"الخروف كايتربط من كرونو وبنادم كايتربط من لسانو."
*-"الكبش اللي ما عندو قرون ما يبقى وسط البهايم مغبون."

*-"خروف أكتوبر وازرع أكتوبر ايلا اتلاقاو فالـgــدرة يهرسوها."

***************************************

الــذيـــب=Le loup
أمثال شعبية مغربية

*-"من عاشر الذيب يتحمل مخالبو."
*-"ما يموت الذيب ماتفنى الغنم.
*-"الذيب ما يسرح بالغنم."
*-"الذيب الكرطيط كيكرططها على الدياب كاملين."
*-"اللي قاريه الذيب حافضو السلوكي."
*-"اللي مو نعجة كا ياكلوالذيب."
*-"مَا كادير الذيبة وكيتهموا الذيب."
*-"الدار اللي ما فيها أغلال كيطمعو فيها الذياب."
*-"اللي ما كان ذيب,ياكلوه الدياب."
*-"اللهم السبع ياكلني ولا الذيب يمرمدني."
*-"كيبات ياكل مع الذيب ويصبح يبكي مع السارح."
*-"ماخص الذيب غير النديب."
*-"صلاة الذيب فالرgعة مشى يصلي نسى شحال من ركعة."
*-"ما حس الذيب غير بدموع النعجة."
*-"التالي فالذياب يعوg."
*-"الذيب حلال الديب حرام الترك حسن."
*-" قاللو :الذيب فالغنم ؟قاللو :تسنى حتى نربِّيو السلوكي."
*-"الذيب ديب وخى يطيب فالزبدة والحليب."
*-*الذيب كتدوز عليه غير مرة وحدة."
*-"كون ذيب ولاّ ياكلوك الدياب."
*-"ذرية الشيب ياكلها الذيب. "
*-"إيلا تفرقات الغنم كيسهال على الذيب باش ياكلها."
*-"آجيو يا ناس تشوفو هاد الحبيب،مشي للذيب وبغى يديرو نسيب."
*-"المرا تهرب من الشيب كيف النعجة تهرب من الذيب."
*-"الذيب كيعاود غا ما طاري ليه.
*-"معول على الذيب يسرح ليه الغنم.
*-"الذيب ماياكل من الغنم غي المفردة.
*****************************

الــحــمـــــــار===> أعـــزكم الله
*-"أنت امير و أنا امير.. شكوووون يسوق الحمير ."
*-"الحمار حماري والركوب من الخلف."
*-"الكي في الحمير والبقر تتزعرط."
*-"الخيل مربوطة و الحمير كتبورد."
*-"الدنيا غدارة ، والأيام دوارة ، مول الحمار دار طيارة ، ومول الخيمة دار عمارة ."
*-" اربط احمارك مع الحمير، يتعلم الشهيق والنهيق وخرجان الطريق."
*-" إيلا ارخص الشعير اغلات الحمير."
*-"حــــاول على حميييرك تحج عليه."
*-" الحمار مخبي ووذنيه برّا.
*****************************************

الـقــــرد

*-"الزين زين الوردة و السعد سعد القردة."

الـــقــــــــــــط

*-"رجع القطيط لرمادو."

*-"بحال القط يسبح و يسرق."

*-"الفار المقلق من سعد القط."

*-"العافية مطفية والقطة مجلية."

*-"بحال القطوط ياكلوا أو ينكروا."

*-"اليوم حباب وغدا قطوط وكلاب."

*-"القط ما يعس لا سبوع ولا عرس."

*-"القط يدور يدور ويرجع لرمادو. "

*-"إيلا غاب القط كيلبس الفار الطربوش."

*-منين احتاجيتك آ وجهي خبشوك القطوط."

*-"لوكان النعاس يسمن لوكان سمن القطوط."

*-"عمر القط مايهرب من دار الفرح(العرس)."
*-"الله يزينها فعينيه ما زيانت الشوية فعين القط."

*-"جوع قطتك تاكول فارك وشبع كلبك يحرس دارك."

*-"القط منين ماكيوصلش للمصارن كيقول عليهم خانزين."

*-"سيد المش حج وأمارات الحج عليه،زعافرو يترعدو والقمزة مازالا فيه."

الـــفـــــــــــار

*-"أزلط من فار الجامع."

*-"مايولد الفار غير حفار."

*-"الكنازة حامية والميت فار."

*-" الفار المقلق من سعد القط."

*-"ما يشم الفار ما يدوق الجار."

*-"العربي والفار لاتوريه باب الدار."

*-"فار الخلا كيجري على فار الدار."

*-"رخيصة موت الفار بتهريسة الخابية."

*-"الفار العور كايقلب على الزرع المحروك."

*-"ما يموت الفار حتى يخلي ولدو يقطع القنب."

*-"دايرين كي المش مع الفار مايتجمعوا فدار."

*-"جوع قطتك تاكول فارك وشبع كلبك يحرس دارك."

الـجـمــــل

*-" الجمل ما ما كأيشوف غير حذبة خوه."

*-"اللي حرثو الجمل دكو."

الـديـــــــك

*-"بحالو بحال الديك تعلفو عام مايعشيكش ليلة."

الـمـــاعــــــــــز

*-"ولو طارت معزة."

*-"ماهول السوق غير بو معزة."

*-"الجدي مايلعب غير على ظهر امو."

*-"بحال الجدي هو يرضع وهو يغوت."

*-"جدي وخروف ،كل واحد بوه معروف."

*-"جا يدير فهامة الجدي ساعى جابها فراسو. "

*-"اللي دارتو الماعزة في قرون الجبال تخلصو في الوطى ."

الـــحــــــوت

*-"الحوت ما ياكل الشعير والعودة ما تولد البعير."

الـــعـــــــــودة= الـفــــــــرس
*-"الحوت ما ياكل الشعير والعودة ما تولد البعير."

الـــدجــــــاجـــــــــة=La poule
*-"ما حدها تـقـاقـي و هي تزيد فالبيض."

بــــــــــلارج=La cigogne

*-"إيــلا كانت موكة(البومة) خاطبة، اعرف بلارج عريس."

مــــوكــة(البومة)=Le hibou

*-"إيــلا كانت موكة(البومة) خاطبة، اعرف بلارج عريس."

» 1. الأمثال المغربية في الثقافة الشعبية
» الأمثال الشعبية المغربية المبتدئة بـ:" لا "
» الأمثال الأمازيغية الشعبية بالمغرب: الريف نموذجاا:
» حريق يندلع بأحد الأسواق الشعبية بمراكش
» الأمثال في الأدب الجاهلي