"مخزن حقار ولا شعب طاغي
ولمعنى توزن قنطار
حللها ياللي ما باغي
الكثير فينا محتار
ولقليل فينا صاغي
أمشى زمان لوقار
وجا زمان لعقارب والوزاغي"
حقوق الانسان بزاف علينا
ولا عرفنا هداك للي فينا داعي
تيقوا بيياانقولكم اعلاش؟
حيت احناما نعرفوا لهاش
للي شرعوها دارولها قيمة قداش
وحنا مزال باقي خصنا تفتاش
و نشوفوا بعد الغلطة جاية مناش
انربوا انفوسنا ونطلقوا لفراش
ونداوييوو المرض للي ما يبراش

ما بانليكم غير عون البلدية
اللي كيشد غير قهيوة أو هدية
ما شفتوش اللي كيشدها بالبكيية
و إلا تكلمتي يفتحلك محضر أو يلبسك قضية
أش بقا ما يعجب فهاد الدنيا
ما بقات بيناتنا نية
الرشوة ترشقات فينا
عادة و راها بلية
واخا نحاربوا حتى نعياو تبقى هي هي

حفرولنا عدياننا البير وشحال من قامة
خرجنا بجاه الرسول وبلا عوامة
الضوء والماء والسماء
من حق بنادم أيمة
كي يدير اللي ما خدامش او أعمى
واش ما كاين رحمة
حسابنا معاكم تما
سلبتونا شحال من نعمة
نتوما عيشوا بالكلمة
وحنا نكملو بالفرمة
مكمينا بكمامة
وعلى عينينا الغيامة
ما بقا غير تكملوا الفهامة
وترميونا فجهنم
شكون حنا ولا نتوما ظلامة

ياربي لا تحفيني على الساني
ا للي ساكني واش شيطان ولا رباني
الزهرعندي والو والسعد قليل
بعت وشريت ما ربحت
اخدمت وتعبت ما نجحت
اكلحت مالحقت ولا فلحت
الخير كثير باش انجيبو آش ندير
ابغيتو حلال ماشي حرام
الحرام ظلام وكيكحل ليام
لغيت حروف اسقامي ونظامي
بهم يحلا اكلامي وسلامي
ونعيش بين احبابي وصحابي هاني
ونصول ونصيح بكلام غواني
إوا آتيني وكون بييا عاني
يكمل قصدي ونقول ربي اعطاني

الماء والشطابة
يا الألفين وطناش
كنت مبروك ومسعود
ماكاين غير تفاطح و الزرود
والقصاير بالكامانجة والعود
كنبات نشطح القرود
دابا هانا من الخدمة مطرود
واخا كنت معقول و خدام كود
لبسوا لي قضية فيها مجبود
محال واش باقي للوزين نعود
نكابر و نطيح و نوض
لايرميوا عليا القيود
على الباطل نولي مشدود
ما كاين حقوق تجود
متهوم معدي الحدود
غير نخلي فمي مسدود

قادرتك وكلمتك ما بغيتي تجاوبنيي
بغيت نعرفك وتعرفني
اش تكون ذكر ولا انثى
لا اقل ولا حتى
ياك ما من قوم التبدير
والنفاق والتزوير
وعقل الطير
واخا كبير
ضعف التفكير
الأنانية والكبر
هما من خصايل الخنزير
رد السلام واخا تشوف بنادم صايك الحمير
إوا شاط الخير
على زعير
أنكار الخير
ياك الله كبير
حقنا عندو قليل او كثير
واللي فيه الكبر
والله ما عندو فين يسير

جيل امشا
وجيل غادي
وهذا جيل جديد
ما عارف والو
عاد بادي
ياك هذي
تابعة هذي
الحق عند الحق
وعليه النادي
الحل صعيب
ماشي عادي
انقول ليكم الصح
سمعوا يا ولادي
و يا جوادي
أنموت على مليكي
وعلى وبلادي
من هاذ القبة هاذي
أنقول أنشادي
الله يرحم أمجادي
و يطير حسادي

خرج الاستعمار
ما بقالو أثر
حكمت الأقدار
عليك يا صبار
عشتي محتار
لا دار لا دوار
تعذبتي و قاسيتي
أش دركتي
و أش درتي
للزناقي ترميتي
يا مسكين عانيتي
الخو انة دركوا
و أنت فقير بقيتي
بالعهد وفيتي
عدو وليتي
الكلام اللي قلتي
أش هاذ العجب
يا العرب
واحد حي مرمي فالطروطوار
واحد ميت مرشوش بالزهر و النوار

أغنية هدية للهيب هوب
كلشي يشطح حتى للصباح
الليلة دايزة
فنان باش
جوج حمص وثلاثة فول
الرفس والعفس
كور وعطي العور
غير شور
أعمي بابا نويل
مح مح
المسلوخةكتردح مع المدبوحة
راس العام هذا
المسلوق كيقلب على خوه
التلفزة وتشاش
ولخلاص كاش كاش
شريوه كفن للفن
وحملوه على النعاش
غير دفنوه والله عمرو لا عاش
حتى تزول الرشوة و ما تبقاش
عاد يتخلق الفن و ينجح بلاش
والله وقلتي الحق حتى يردوك احمق
والله كنتي مزندق حتى كلشي عليك يصفق
ويلا طمعتيهم ورشتيهم يردوك فنان وخا غير كتخربق
وحكموا اعباد الله...

مجدوب خارجة من فمو الرغاوي
على اللي مات وفات ولاهنا فالحياة
الله ينجينا وينجيكم من جميع الآفات
واش القمر اقوى غير في فاس ولا كاع الجهات
الخاوي واللي مذبال ولاوي عطيوه وقت كلشي عليه داوي
والعامر واللي ثامر ضرقوه وغتروه في قاع المطامر
فين المزانية للديور اللي غادي تريب كليتيوها حرشة وملاوي
شحال من مسكين كيتسنا وطامع فالإصلاح ديتيوه فتناوي
فين الأرواح اللي كل نهار كطيح بالخمر والقمر فالقهاوي
وهكذا تلفتوا شحال ديال القضايا وهملتوا شلى شكاوي
ها العار إلا ما حاربوا معانا المخدرات و الدقة الكبيرة فالرشاوي
واش اللي سرق صباط نسميوه محترف ولا هاوي

مشية الفكرون
و غناء الملحون
نام في سلا
و فاق فامكناس مجنون
لا تبدا بالمدح
و تسالي بالخطا
عرينا عليك الغطا
ها انت راك ملعون
والنعلة تنزل عليك باشتاء
هيت راك هيات
طوفيلي انت
اطوي كلامك
و زيد فيه طيات
فيك معيور بختة
إلى ابغاتك اتجي بسبيبة
و إلى كرهاتك اتقطع اسلاسل
خمم و فكر لا يضحك عليك ازمانك
حتى اتولي عرة ما بين اقرانك
أنب ضميرك و راجع نفسك لمعاندا شر
و الخير يا صاحبي ديرو ولو غير بلسانك
اشحال منهم زاغو
تعبوا وخدموا و شراوا و باعوا
فلسوا من قلة ريهم ضاعوا
فيهم اللي ربحوا داروا لاباس...

""واش مول عين وحدة كيلعب فاتبن....

الفن مات واتدفن ....

ماابقا غير ادن دن...

ما اتعمر كرش مااتشبع اودن....

الله يرحمهم التالي فيهم كان متمكن ...

.يعزف ويغني ويلحن...

وفن اليوم مكاين غير اوزن وكفن واعطي اطرن اطرن ..

.وإلا اسمعتيه كيغني اتقول أحمارحاشاكم ولا جن ...

.ما كاين غير شن اطن ...

.واش هدا اغنى ولا اعفن.....

(قالوا اسيادنا الاولى هدا زمان لمصادفة الحمير كتبورد والخيل واقفة).واللي ابغى الوناسة هو الملحون...

.الكلام النقي بالحروف موزون...

المساري اجميع...

ابن ادم على الاشكال
شحال من خرقة
طبايع شي ناس
كحلة وزرقة
الا قولتيو بعد مني
يجاوبك راني فالزنقة
انت هارب منو
هو بحال العلقة
حاضيك فين غادي
أوفين جاي
عينيه غير فالمرقة
تتبرا منو وتعاود
هو لاصقك لصقة
ما يخدم ما يعرف شقى
شغلو الهدرة فالناس
وحاضي النفقة
فيه تبلاغ الهدرة
ياو يلك الا زهقتي زهقة
الله يعفو عليه
واش هكذا يبقى

الدنيا بشروطة و بالسوالف ممشوطة
وتاليها أليف مافيها حتى مربوطة
هي باش مقبوطة
ياك على الهوى محطوطة
اللي خلقها ونشأها عندو فيها غير سوطة
سر الساكن في المسكون وهي مسخوطة
و هم الدنيا يبقى فيها
إلاجات النوبة لا توصيها
سيدي ربي لا تخيب مظنون
المزاوكة فيك ماشي بيديها
غرت شحال من واحد أصبح مجنون
خيبت بن آدم هو اللي تاق بيها
العياط عليك أنت يا مول الكون
العفو من بلاها و الآخرة غاديين ليها
الزواق يطير و لو يكون مسجون
انت للي تغطيها وتعريها
كلام الحال عند الناس مقبول
يا الجاحد و البخيل عندك و ما تعطيها
عذابك الهيه و...

أول شعب في الحضارة هما في العالم
صبحت عقيدتهم ظلام فظلام
ما وقع والو الشرك بالله والكذوب لجهنم
نهاية العالم بانت غير هدرة زايدة وكلام
ما يعلم بالساعة غير هو وحتى ينزل المهدي الامام
الحق والصح موجود فالقرآن بيه مآمنين و سعداتنا بالاسلام
الله ماصلي على نبينا قولها وتنيها وزيد القدام
الله يهدينا على بعضنا ويتاوي خوتنا فبلاد الشام

تعقلي
تعقلي خلي الراجل فحالو
راكي ما غادي تصوري منو والو
هو بوليداتو ونتي ديما مصيفطالو
فينما تشوفيه دايز عينيك معاه حوالو
واخا الناس هدرو شحال من أقوال قالو
عفاك بعد عليه خليه لمرتو واش تسالو
واش ما حشمتيش بغيتي تهدمي مستقبلو
شوفي غيرو و تكون الدنيا شاطحالو
لا يغرك الزين راه مالو على قد حالو
فهمك أعوج راه كاع ما دايرك فبالو

قاه قاه
واللي عمل شي يلقاه
ربي هذا
شي فقرو
وشي غناه
واحد طلبو وترجاه
واللي حبو اعطاه
هذا طولو فعمرو
وهذا فاقبرو حشاه
كيف ما بغا ينظرو
هو اللي خلقو ونشاه
اللي بعقلو يشكرو
فقلبو يدكرو ويسعاه
فين ما مشى ينصرو
ياك هو حاضر معانا ومعاه
اللي دار الخير ينساه
مول الشر يسال على حبيبو

عربي و صنف فالإعراب
اسمي بوجمعة قناب
كنت كنتمنى نكون طبيب ولا عشاب
سعى السعد والزهر فيهم ظني خاب
اتبعت الغيوان و المسرح والطرب
وهذا اللي كان لي أنا فالمكتاب
ماعطاو نيش بزوج وراجعت الحساب
قولت نتوجه نصلي ونعبد في المحراب
طلبتو وسمعني ليه الحمدوعلي تاب
بان الكره لا من الحباب ولا من الصحاب
حيت ما بقيت نكمي ولا نشرب شراب
شحال خويت جيابي وعمرت جياب
كنت مغرور باصحابي وحبابي وهما غير دياب

يالقاتل الروح
و ين تروح
هو قبرو مفتوح
في باب فتوح
و انت نادم تبكي وتنوح
فالدموع تهرق و تلوح
امصيبتك كحلة وضربتلها تكفيحة
كانت مسوسة وزدتيها مليحة
كبرتي العيطة ولات فضيحة
قلب قاصح ولا صغيتي لي صيحة
اشنو للي كان سباب فهاد الدبيحة
راه شلا ما يتقال من بعد الطيحة
ياك عشرة كذوب وحدة صحيحة
الروح مشات والجتة غادي إيدربولها تشريحة
قبل ما تتكفن وتطلق الريحة
درتيها قداش واش كنتي مقرقب ولا داير شي تنفيحة
خرجتي عليه وعليك أغليض الراس ودرتيها قبيحة

توب أرسي توب
كلام العار كيحرق
ياربي رطب القلوب
الدنيا تلاقي وتفرق
كفينا ياسيدي من العيوب
هذا كلام مجدوب
والباطل في من كيلصق
راني على أمري مغلوب
ما بقى هنا ما يتلبق
الشمس تجيب الشروق والغروب
واش الطوب والحجر كينطق
انا ماداوي لاعلى حبيب ولا محبوب
اللي بغى يغرب ولا يشرق
مايهمني لانزول ولا ركوب
انا مآمن بالمكتوب
اللي بغى يصدق يصدق
واللي يكذب يدي الذنوب

عندو أسرار وشلا قوال
ولا بغا يتكلم داك للي ساكت
قولولي هذا حرام ولا حلال
تعوطت لي شلا شمايت
وتعكست على الرجال
بصح كلشي فايت
و شحال ما طال يصبح
 قيال ولا بايت
راه حال أحسن من حال
هييا الدنيا اللي خانت
لهلا يحضرنا لنزول الدجال
و شحال من علامة بانت
وكثرت البنيان
بنادم كثرفيه الهبال
وكلمة الحق عليها شانت
غير الله يعفو علينا
البعض فينا مخو فالت
ضحك أنت ياخو يا
وما أنا ضربوني العفارت

ديرلي راسك العز وعنى بخياتك
ياك هما اللي مسايرين حياتك
شمس نقرات وعلات وعلى الدنيا ضوات
فرك نحل في العبو والنزاهة بدات
والربيع منعنع في كاع الهوتات
والطواجن والبرارد المشحرى في ديك الجلسات
وها زين البنات يدرجوا كيف الحجلات
عيش الهناء ياخويا وصطاب الحياة
ونسى التعب والشقاء واللي فات
دابا الدنيا تفوت لابد من الممات

مسيرة كتنادي
وتقول لي الرفيق أتعالى
من تعب وشقا وقرا يرتاح
عسى وعلى الله ترفقوا بالحالة
قند يل زمانكم رحراح
والحالة كيف كا نت مزالة
غيروا علينا فصباح
وتجينا الد نيا بدالة
يهني الشعب ويرتاح
بغينا الامن والعدالة
راه شلا ما يداوي الجراح
وما صعيب غير مرض البطالة
بالماجيسطير. والإجازة غادي براح
والله إلا حشومة ومهزلة
قايلينها وماخايفين بالعلالة
على الأقل رحموا داك المعاق
ما عندو عينين حالتو حالة
ما يعرف يزور ولا يسرق
عيب المكفوف تعطيواه الدق
راها شداتو واعرة والله ما يطلق
وخا يعرف يتحرق ولا يغرق

سميت راسي بوهضور
ماعندي لاسيف ولا شاقور
سلاحي القلم والمنشور
خدام مع الشعب فابور
على الفساد نقلب وندور
بلا خوف نقز حافة و لا صور
ماكاين اللي يجني فحصور
ديما القدام ما نرجع لللور
نطلب ربي يطول ليا فالعمور
حتى نفطن جميع الخبور
مايبقاش فينا اللي محقور
و نشوفوا الفاسد مسعور
الدرويش فينا يشوف النور
والا زيان الوقت راني مشكور

الدم على من سال
باش يضيعوا الرجال
هذا الحماق و الهبال
هذي ماكانتليش فالبال
محبة كاملة فالبارصة والريال
واحد مقتول واحد قتال
شنو اللي غادي يربح و شحال
ما هو ذهب ولا فضة ولا مال
شكون داها فينا ولا علينا يسال
غراق مسكين فحبسو يطوال

حفروا العدى البير
وشحال من قامة
أنخرجو بجاه الرسول
وبلا عوامة
ربي عندو كل الخير
اللي يكفينا
كذوب ما قلتي
وما قر ينا
البحر صعب علينا
و مواجو تلعب بينا
احزم راسك
يارايس
لا تغرق
بينا السفينة
ما يكرهش
العدو يدينا
يخلينا ويعر ينا
ويرمينا
وسط شي رو ينة
حنا اللي بغينا
عندو جينا
ما ضربنا حد
على يدينا
أشنو كان فينا
ما عرفنا
باش تبلينا
الله يصلحنا
ويهدينا
من هاذ الحصلة
ينجينا

هذا شحال وانت غايب
أش من خبار جايب
خليني معاك مأدب
و الظالم فينا يتعاقب
عند ربي يتحاسب
أنا عييت فيك نجرب
حصلت عليك شحال كتكذب
كلامي عند تزرب
ظهر ليا فيك العجب
أنا نشرق و انت غرب
أنا نقرب و انت تهرب
ما ناكل معاك ما نشرب
اليوم جيت نحارب
راني على الحرب مدرب
عوال نحسن ليك الشارب
حتى يبان شكون الغالب
أنا تحت ربي تايب
و انت عيش وحدك الغرايب

قولوا لي واش هذوا كيتمازحوا
ولا فينا باغيين ينطحوا
بصح عندهم الصح
كانوا إلى بكاو نبكيو معاهم
و الا فرحوا معاهم نشطحوا
وكنستروا عيبهم ما كنفضحوا
تسيفتوا علينا إوا سيروا تسرحوا
الصحراء ديالنا عليها نموتوا ولا نتجرحوا
ما ضيعوش وقتكم والله بيها ما تفرحوا
ارضنا من زمان و التار يخ يشرحوا
ها حنا فيها و بيها غادي نفلحوا
هذا هو الواقع اللي غادي نطرحوا
بغيتوا و لا كرهتوا و الله فيها ما نسمحوا

حفروا العدى البير
وشحال من قامة
نخرجو بجاه الرسول
وبلا عوامة
ربي عندو كل الخير
اللي يكفينا
كذوب ما قلتي
وما قر ينا
البحر صعب علينا
و مواجو تلعب بينا
احزم راسك
يارايس
لا تغرق
بينا السفينة
ما يكرهش
العدو يدينا
يخلينا ويعر ينا
ويرمينا
وسط شي رو ينة
حنا اللي بغينا
عندو جينا
ما ضربنا حد
على يدينا
أشنو كان فينا
ما عرفنا
باش تبلينا
الله يصلحنا
ويهدينا
من هاذ الحصلة
ينجينا

لسان الحال وما جاب
قولولي آش كان سباب
واللي فلس هاذ الشباب
ياك ما اللي مسؤول غاب
المخدرات عند الباب
والرياشة و العودان سراب
حنا عارفين اللي دخل هذا الخراب
سمعو ني وفهمو ني يا الحباب
والله هاذ الجيل إلا ساب
الإجرام فالمدارس ماضربين حساب
نينجاوات مروعين الساحة حاشكم كي الكلاب
مقرقبين وشبعانين شراب
مخرجين نيابهم على التلاميد كي الدياب
شبابنا غير الله يحفظ ضاع وعاب
هي التربية على الرقاب
الرابح فيهم هو اللي تراجع و تاب

الشمعة تقدي
وانا وحدي
يدي على خدي
نخمم فللي ندي
حاير لمن قصدي
العمر مهدي
هما جوج عندي
شكون فيهم سعدي
وحدة صغيرة وحدة قدي
انشاور كبدي
وندير جهدي
ياربي نصيب غردي
ونوفي بوعدي

الشمتة و عقايبها شحال صعيبة
استحلى السارح الشمس فراس العقيبة
حتى داه النعاس فديك الرحيبة
و جات قدامو ونيستو الكليبة
غير تهناي يا الطليبة يا الديبة
لا توصي الديب على الكسيبة
إلا صاب الغفلة ما عندو فيها غير تشطيبة
تأكلوا فيها السم ها الوز يعة قريبة
اليوم السارح مسكين غريبتو غريبة
و مرواحو كحل و خيبتو خيبة
عند العدة كيف يدير عند الدخلة للزريبة
كلاوا الخروف و خلاوا منو غير الراس و الرقيبة

الشمتة و عقايبها شحال صعيبة
استحلى السارح الشمس فراس العقيبة
حتى داه النعاس فديك الرحيبة
و جات قدامو ونيستو الكليبة
غير تهناي يا الطليبة يا الديبة
لا توصي الديب على الكسيبة
إلا صاب الغفلة ما عندو فيها غير تشطيبة
تأكلوا فيها السم ها الوز يعة قريبة
اليوم السارح مسكين غريبتو غريبة
و مرواحو كحل و خيبتو خيبة
عند الحساب كيف يدير عند الدخلة للزريبة
كلاوا الخروف و خلاوا منو غير الراس و الرقيبة

الراحل
حسيت وماشي عادي
الدنيا ولات سوادي
غادي
يجي النهار و نخلع أوتادي
راني راحل ما ساخي بأولادي
وبلادي
ماشي واعمالي هما زادي
فرادي
كنادي على جوادي
أسيادي
ما قديت على هدي
الدنيا كدوب وبهوت والتراب وسادي

كرهت راسي
على خياتي
منين ما لو يتي
القمر والخمر
كلشي كيشمر
ريحة الغدر
من اللي كفر
ما ند يوا غي شبر
دير الخير
ماشي الشر
لاين كتجر
يالي ما باغي الضر
والى عماك الله ستر
ماشي بالعلالي
الكبير والصغير كينظر
و اللي خسر
يخرج كيعثر
يشوف فمن يبرد الحر
فولادو و لا فمراتو
مسكينة شحال كتصبر
هاذشي بلعاني
لا تقولش مكتاب و مقدر

أعمي سعيد
هذا باش أنا مريض
كاين شي جديد
واللي فيه المفيد
غنى بوشتة
بعدو عليا بعيد
ودني عندو ما تزيد
دوايتو فلقة
و نقددو قديد
ياكل ما كلى
الطبل نهار العيد
حتى يشبع تغريد
ونردو كي الملاوي
ولا التريد
خليوني نزندو زنيد
والبيت القصيد
ميزانو نكيد
ولا كلام عندو لذيذ
العزف طاح♫♫♫♫♫
والأغنية معلقة
بغينا النقى
فرقة تابعة فرقة
جوج فالخوى ودقة
غير لو يا وطلقة
وكثرت السرقة
كلمة مع كلمة معانقة
و الثالثة زاهقة
نوطا مغر بة
ونوطا مشرقة
هو هارب
وهي فيه لاصقة

اللي مقبول مقبول
وللي ملهوف وبالدنيا مشغول
عندي عليه بزاف مانقول
كان غير خواف تالف ومجهول
احرز عليه الرجال و يلا كدب راه منعول
وقف على رجليه ولا يمشي مفتول
ياك غير كينقل من سيادو مشي وحي عليه منزول
طلبوه فالفيسبوك و تكبر قالهم ممنوع ادخول
من غير إلا كانت بنت أو شي واحد جايب محصول
الله يرحمهم شلا آش قالوا أقوال ومثول
شحال أما طال إيصبح لي النهار الوصول
ما تبقى شهرة ولا غنى و يتفكر للي كان عليه مغفول
شد فمك علي من جيهتي خليه ديما مقفول

شحال من واحد يدير خير فراسو و يغطي قبو
ما بغا حد يسمعو منو هربوا
شكون داها فيه يغني ولا طلبو
يقلب على كارو ولا كاس يشربو
يبدل الحرفة ويشوف فنان يطربو
عارف راسو ما فيدوش عليها جات فجنبو
بلا فلوس باطل الإشهار
واخا يغني حتى الحمار أو كيدار
كيبين راسو ثلاثين مرة فالشهر
كنطلب اللي عارف راسو ماشي فنان غير فشار
ما كان علاش يصدعنا فهاد الدار
كيحرنط علينا كل نهار
يعطي لراسو التقار
ويخلي الجمهور اللي يطلب ويختار
الصوت إلا مكانش موهوب و حرش وحلو وحار
غير يسكتنا ها العار

ابن ادم على الاشكال
شحال من خرقة
طبايع شي ناس
الا قولتيو بعد مني
يجاوبك راني فالزنقة
انت هارب منو
هو بحال العلقة
حاضيك فين غادي
عينيه فالمرقة
تتبرا منو وتعاود
هو لاصقك لصقة
ما يخدم ما يعرف شقى
شغلو الهدرة فالناس
وحاضي النفقة
فيه تبلاغ الهدرة
ياو يلك الا زهقتي زهقة
الله يعفو عليه
واش هكذا يبقى

حمدوشي.....ولا كناوي....ولا عساوي
إوا... احترف بعدا....ماتبقاشي.....هاوي
احفظ واخا غير قسم من قصيدة الكاوي
انت... على......الشهرة..مغرور.... ناوي
غناك......كلو..غير.......كلام........خاوي
تفكيرك..بسيط..ومبلي غير.. بالنشاوي
أنت د يال الحرشة والرايب....والملاوي
الحيالة فيك بزاف والنخوة.....فالقهاوي
وعقلك حافي..وطافي....مذبال...ولاوي
ما انت لا..مغني..ولا زجال....ولا..راوي
كتطبل.فالهو تة..و تنفخ......فالشكاوي
سمحلي..والله...بسيطة....ما تساوي

هيهات هيهات ألاولاد البنات
القافلة اللي كانت ومشات
حسبت راسها منها فلتات
الحساب فالماجي واللي فات
كتضحكوا علينا بالإشهارات
جزءتوا شحال من هكتارات
وتمتعتوا وصرفتوا المليارات
والشعب خلقتولو المظاهرات
يبكي و ينادي مع الشعارات
وفين هوما فلوس المطارات
وفين هوما فلوس المرسات
اللي كيدخلو ا علينا بالقتات
عيا الفقير يكتب فالشكايات
عريان مقهور فالبرد يبات
و كثرتهم فالبوادي جهات
و الله الى منكم انتم خلات

عقلي تاه
غاب عليا ساه
جريت وراه
ولا عرفت شكون داه
لاغيتو بلغاه
ياحيرتي آش جلاه
رجع ولا عرفت باش نبداه
دوى وقالي راه
اللي خطفني ومشيت معاه
الزمان وشقاه وبلاه
المصروف منين نجيبو صعيب نلقاه
ضوو وماه وكراه
رزقو على الله يتفكرو وماينساه
واحد قلعلو وهذا عطاه
هو مول الملك ترجاه

الدنيا بشروطة و بالسوالف ممشوطة
وتاليها أليف مافيها حتى مربوطة
هي باش مقبوطة
ياك على الهوى محطوطة
اللي خلقها ونشأها عندو فيها غير سوطة
سر الساكن في المسكون وهي مسخوطة
و هم الدنيا يبقى فيها
إلاجات النوبة لا توصيها
سيدي ربي لا تخيب مضنون
المزاوكة فيك ماشي بيديها
غرت شحال من واحد أصبح مجنون
خيبت بن آدم هو اللي تاق بيها
العياط عليك أنت يا مول الكون
العفو من بلاها و الآخرة غاديين ليها
الزواق يطير و لو يكون مسجون
انت للي تغطيها وتعريها
كلام الحال عند الناس مقبول
يا الجاحد و البخيل عندك و ما تعطيها
عذابك الهيه و...