منتديات الفردوس المفقود
https://wwpr.forummaroc.net/
ترحب بكم ، فاهلا حللتم وسهلا نزلتم

انتي
والزمان سبابي
بعدتيني
بغيت امي وبويا
وخوتي وهلي وصحابي
توحشت الحومة والجيران
اكرهتك
ملليتك
طولت معاك
طلقيني هنيني
عنيت شحال
ملليتك
نكمل ما قديت
شحال فيك ترجيت
رديني لبلادي
والله ليك لا ولليت
هذا حد التالي
يالغربة العدوة

بغينا العامر
والكلام تامر
آش بغينا بالخاوي
والكلام لاوي
للي ما فيه انفع ادفع
بغينا اسبع
وما اضبع
يعطينا التساع
أنا بالله والشراع
الى مشى
ماعندو علاش يرجع
اسمع وتخشاع
والمعقول ما كيتباع
وللي ما فهم
يقول باع
والله ينجينا وينجيكم
من سم الفاع
أنا داوي
على للي ما عندو دراع
باغي يعيش
غير بالرشاوي والطماع

كول التبن
ومسح فمك بالسمن
وقول شبعان
دير الخير
إلا كنتي ولدو
بان جوعك
وخا كسبتي
قصاح قلبك
ما رعيتي
طامع فالقليل
تعاند فالفقير
خايفك تولي
منين بديتي
تفكر نفكرك
إلا نسيتي
عطفتلك وربحتي
زيان حالك تبدلتي
غلب النفس
تهياجك هترتي
انا بريء منك
إلا خسرتي
سباب خسرانك
طغيتي

رميتي المعقول
ودخلتي لمزاح
خمم وفكر
حقك شبر
وآ خرتك قبر
وخى تملك قصر
ما يزيدلك فاعمر
بالخير تربح
وبالشر تخسر
لكدوب والصح
لابد يتفضح
اسمع ونظر
شحال ما طال يصبح
المكتوب مقدر
لاتكون مجحاح
فالمسكين تقهر
واليتيم نواح
وانت تبدر
فالقمر والخمر
فاليالي و الفراح
على الناس تفشر
وتكري البراح

تكايس
و سايس
يلا كنتي رايس
حفر جذورك
و عرف آش تكون
مكبر و معنصر
وليتي واحد آخور
غالط نتا
ما جلتي ما قطعتي بحور
معرفة الرجال كنوز
صعيب تمشي بعيد
أو تشوف النور
تواضع تزيد القدام
أنا خايفك لا تولي لور
تعقل و تفتح
و بين البشرة
لا تجرح حد
لا تقصح قلوب
الفايدة فالمعنى
وصايتي ليك توب
سمع و نفض ودنيك
ما قال المجدوب
بغيتك تولي محبوب
عند كل واحد
ما فيك عيوب

عيب و عار
بلا إذن تدخل للدار
الفن بحسو و ساسو
عليه تعب و سهر
و شقى و حفى راسو
يجنيه بعدا غراسو
خطيو و تخطاو كلام الناس
الموزون ساهل تلحنوه
فيه تغنيو و تقولو ها حنا
الزجل عندو ماليه
الموهبة من عند ربي
علاش تسرقوه و تقطعوه
عطيونا حنة يديكم
و بدعو و كتبو
و حنا نسمعو
فنكم عيان لوحوه
المكسي بديال الناس عريان
و نتوما تلبسوه

ميمتي يا الميمة
من نهار غبتي
وانا في لغبينة
الله يرحمك ديما
عمري انا ننساك
الحياة بلا بيك
ما ليها قيمة
ما عز منك الا ربي
صورتك بين عينيا
نتفكرك يالحنينة
ونراجع الزمان اللور
كيف كو نا وكي ولينا
كلها و فين هجر
مشيتي و خليتنا
الموت علينا فرض
وفراقك صعاب علينا

سترنا يا ستار
من غرايب
هاد الزمان
كثرة المصايب
و المحاين
كلشي مفتون
والخائن باين
نعدهم بالحروف
حروف
و بلا خوف
هز عينيك
تشوف
و فسر المعاني
أكثرالحرام
الحلال قلال
الراجل معروف
بخصايلو رباني
والشماتا متلوف
شكون يعرف أصلو
ماليه قيمة
و دارو ليه الشان
واللي صادق فقولو
كي شويش دا لهم
على برا مليوح
عدرني يا الفاهم
قلبي أنا مجروح
الدموع سقات اجفاني
ضاق صدري مهموم
هكذا القدر بغاني
نسطر و نجزل القول
حتى حد ماوراني
قولو لي داك الطاغي
اش دركتي فهاد...

سمحولي
نقوليكم كليمة.
كل زمان وناسو.
كلها و
اش قاليه راسو
شي مرتاح
و شي طاير ليه نعاسو
واحد زيرو ديما
باقي فبراكتو القديمة .
.بوشعيب ولد حليمة.
من هدا شحال
وهو يبري
على شي خديمة
فين ما مشى
ينغزوه كي البهيمة
والسي فلان
علقوليه نجيمة
المغني طرن طرن
كان يدندن
ويعطي نغيمة
سيفطو باه الحج
عطيوه زيدوه
الكريمة

ملك وهمة وشان
حاضيك الرحمان
ترحل من مكان
لمكان
الله ينصرك
يا عز العربان
رمز وحارس
هذا الوطن
شعبك عايش
في الآمان
اللي ما عندو
الكثير عندو القليل
وهاني شبعان
كية اللي خان
وصبح ندمان
الله يحفظك
بجاه القرآن
شكون يكون بينا
انت اللي حنين فينا
ونحلف إلى كتبغينا
وتتسارى واحد
واحد علينا
من مدينة لمدينة
وتشوفنا آش بغينا
ومن المفسدين تحمينا
واللي ما يحبك
تغرق بيه السفينة
ها حنا غراقينا
عملتي ما فجهدك
باش تنجينا
وإلى شكينا عليك
من مالك تداوينا
الله...

نطولوه و لا نقصروه
اللي حرقنا نقولوه
و اللي فجهدنا نديروه
و حقنا باتحادنا نجيبوه
صبرنا و صبرنا
حتى فاض دمنا
و اليوم تكلمنا
فاللي كيهمنا
داك الطاغي شمتنا
نصب و تلاعب فرزقنا
نحاربوه بكل معنى
كاتعرفوا
هاد المرة يلا طمعنا
يغلبنا و يعاقبنا
و ينتاقم منا
يدنا معا اللي صادقنا
و الخير منو شفنا
سمعنا
و لا كاع لا تسمعنا
عينك ميزانك
 يلا بغيني تفهمنا
و اللي فاسد
ما حنا منو ما هو منا

خزيت
بيه حسيت
المكروه فالبيت
نشوفو ما قديت
هو خبيت
بحال شي عفريت
واش انا بعقلي
ولا تصطيت
تكو يت و بريت
آشداني
و علاش جيت
كيف جرى لي
وحتى بغيت
مشيت
و نسيت
بيا الصحاب
اللي خليت
وعزاز عليا
ليهم وليت

كبوا الماء على الزيت
شكون داها فيا
وخا دويت
ها انا بديت
وهنا ساليت
بحال شي عفريت
مشيت
ماتعطلت
هانا جيت
تلاقينا في البيت
وليهم حكيت
قلت ياريت
لو كان كنت قديت
فرمشة عين محيت
جاتني البكية وبكيت
من اللي خلقني ستحيت
هزيت كفوفي ودعيت
الظالم يعطيه ربي تشتيت

حاضيك الرحمان
ترحل من مكان
لمكان
الله ينصرك
يا عز العربان
رمز وملك
هذا الوطن
شعبك عايش
في الآمان
اللي ما عندو
الكثير عندو القليل
وهاني شبعان
كية اللي خان
وصبح ندمان
الله يحفظك
بجاه القرآن

حبيبك
تبغيه
يكون شاطر
لمروى
وزين الفعال
منو ظاهر
المحبة
والعشرة
لالة الخواطر
البسمة
والبهجة
بيها يباشر
ما تختار
غير هو
متكرهش
يكون دابا حاضر
البسط
واللسان الحلو
والضحك
عندو بالقناطر
العيب
وعبس
ما يشوفها منو
غير اللي معاه خاسر

اللي فات ارميه
نفتحوا صفحة جديدة
بلاش العيب
درتك كبيدة
بحر الشوق نلقاك
الزهر والسعد معاك
زوليها منك قاعدة
الغضبة ما كاتواتيكش
وانتي مفتحة وريدة
الزين الله عطاك
الله يعمرها وليدة
ولفك صعيب
مرمدني تمرميدة
مانهناش
حتى نكون حداك
ما تبقاش بعيدة

غبينة واش من غبينة
فاش بقينا
مشات مسكينة هاذ المدينة
داروا السبة بالواد
و نشفوا سيد العواد
شدوا فاس من القفا
و ذبحوا المدينة واقفة
يحسن عون التاجر حفى
بقالوغير يمشي بالحفى
و الحرفة ضربولها تلفة
بقات الدريويشة ناشفة
يا حسرة كيف كان واد الشرفة
الخير مشى معا ماليه
الحب خزنوه و خلاو الكرفة

سالو
منين جاب
كان والو
واش باعمالو
و لا الدنيا شاطحالو
شحال قالو
نهب و زور
شحال من واحد
دالو ديالو
صادقالو
ذيب
و راد بالو
كلا و شبع
و هز على جمالو
معروف
بوصالو
شكون يحاسبو
فشغالو
داير ما بغا
كايسد الفام
بمالو
هاذا حالو
بالرشاوي
مزرب على رجالو

اهجر ولا ارجع
لي الدوار
ما بقالو أثار
مشى يدافع
ويحارب الإ ستعمار
حكمت الأقدار
عليك يا صبار
عشتي محتار
لا دار لا دوار
تعذبتي و قاسيتي
أش دركتي
و أش درتي
للزناقي ترميتي
يا مسكين عانيتي
الخو انة دركوا
و أنت فقير بقيتي
بالعهد وفيتي
عدو وليتي
الكلام اللي قلتي
أش هاذ العجب
يا العرب
واحد حي مرمي فالطروطوار
واحد ميت مرشوش بالزهر و النوار

الهم تجبر ياخيي
فقلوب الناس
صحبو الطيش والهبال
والهروب من المسؤولية
والخيل للي نو يتو ه يجري
سال دمو وهجر اليدان
بصح ساين ساين ياخيي
تعود النفس لي مولاها
ويرتاح العيان
المجلي يرجع لي مصيرو
والبريئ من تحت الظلام يبان
عش البيض تململ
لفعة سمرة وصلاتو
كيف للي طاح تهرس
كيف للي حصل اكلاتو
الهناء إلا تعرفو بقمتو
المعرفة جوج احواض
العوم كلها وسفينتو
البحور صفا وخواض
العالم يالعالم
ماريت مثيلو مليح
ما دمت معاك يالحاكم
يبقى مركبنا صحيح
نزجل و فكري مفاقم
الاحباب و الخوت ديما يساينو

حالة حالتنا
مخلوع داه الواد
ورعاية الكسيبة رداتو
حالة المسكين
البرد والعرى
تمارة الزغبي قتلاتو
ملهوف على الكسرة
ليجارة ماقداتو
معلم الشكارة فنشواتو
مامسوقلو لخبار
خبزة وزيتو نة قهماتو
بالليل مع النهار
حتى جات الموت د ا تو
واش هذا ماشي عار

آش هاد الفضيحة
يا أصحاب جبهة سنطيحة
الكذبة رديتوها صحيحة
إشاعتكم طلقت الريحة
كلمتكم مسوسة
قادوها وزيدوها مليحة
غادي ننصحكم نصيحة
إما دخلو جواكم
ولا نبرح بكم تبريحة
و بلا وصلت لي العار
عولو على شي دبيحة
لسانكم طويل
وظهركم فيه حدبة
المشية بكم تميل
راكم غير على سبة
الراجل ما يرضى بجميل
ما يدير لي غيرو قبة
الله يدير التاويل
ويعفو عليكم زربة

بلسان الشر
فالظهر طعنتي
اللي شرى
 فيك و باع
رخيص انت
ما بقتيش تسوى
آش ناوي
أنت طماع
و الطمع
 حروفو خاوي
 بيك الواد حمل
 مشيتي
فين المعزة
وفين المحبة
أخ منها صحبة
من اليوم
راني  معاك
جامع وطاوي
نهارك
ولى ليل
وليلك
 ولى لي ظلام
ما نحملك
ولا نقبلك
ما نشوف فيك
ولا نقرا عليك سلام
ما كينكرو الخير
 غير أولاد الحرام

الكلام كلو معنى
وسامحونا إلى غلطنا
السر فالنظام
كي هاذ العام
كي ديك العام
وللي خفا عليك أصلو
أنظر لي فعلو
الحرام ما يبقى غير حرام
وا خا تزوقوه بالزليج والرخام
طريقكم كحلا ظلام
واش الحيرة غير فالصلا والصيام
الشمس درقوها بالغربال والغيام
أيامن طل على فضيحتكم
يا خشب جاهنم

هاكي وهاكي
الله ينصر الجيش الملكي
طاكي وعرف الطاكي
أنا لي ربي شاكي
بي هداك للي سباب هلاكي
مفرش زرابي وموصد تكاكي
وانا مغطي بشباكي
قولو لي فين نصيب سلاكي
مرة ضاحك ومرة باكي
بلاد الدل تنهجر وعلى كتافي صاكي

كول من دراعك
حتى تموت
انسى الاول
وشوف لي التالي
عيشك هاني
لاتنهب لاتسرق
ماتقرب حرام
اسمع المعاني
لا يغويك شيطان
كون رباني
ياك العمر دقيقة
والزمان فاني
انكابر ونصبر
السعد قليل
والزهر أنساني
هو للي يفقر
وهو الغاني
أمصاب يامصاب
فالقبر
انكون هاني
إلى عطشان اشرب
وقرب لاتهرب
افتح وحسب
تشوف العجب
اقرا وكتب
الحال قرب
الوقت بدا يجدب
والبحر غير كيندب
وللي دار شي علاش يتعدب
يترجا فاللي خلقو و يطلب
الشمس على وصول تغرب

أنتي يالدنيا
ضحكي
وأنا حزين
نبكي
على من نشكي
ولمن نحكي
ندمان وغيضان
من دنوبي يكفي
توبة منك
ياللي خلقتي
وكتبتي حروفي
نهار خلوقي
هو إسمي
ونهار موتي
توفي
الجهد جهدك
وانت القوي
تهزم كل طاغي
اتجبر
يالعالي
انت الحق
ومول الحق
منك خوفي

إلى عطشان اشرب
وقرب لاتهرب
افتح وحسب
تشوف العجب
اقرا وكتب
الحال قرب
الوقت بدا يجدب
والبحر غير كيندب
وللي دار شي علاش يتعدب
يترجا فاللي خلقو و يطلب
الشمس على وصول تغرب

الهضرة بالمثول
علاش ما قديت
غير قول
ولا الهضرة بزاف
والسكات احسن
عبر وعبر
يكون لكلام موزون
مسرار وملح
فالمسرح
فالغنى
فجميع الفنون
هكذا ما يخيب مظنون
الهوى ما يبقى غير هوى
المعاني تسكن الراس
والراوي يكون عاني
إلى بغاني نسمعلو
و يعلي بشاني
وإلي كرهني
يطرش لي أوداني

الشاكي محساد
يخلصو رب العباد
وانا قاصد الجواد
يشوفو من حال لأولأد
أنا ما بقالي غير الرقاد
شحال قدي نعيش عاد
وخا حملت السلاح على البلا د
وشاركت فمسيرة الأ مجاد
عطيت للي ما يعطي حد
وضاعت لعوينا للي عندي
واليوم تقدا جهدي
وحتى على حد ما متعدي
لا ين نعطي بالراس أوعدي
ما عندي زهر وحتى سعدي
لامعاش حقي لا باش نقدي

الشمات باش نبداه
بصح كلهاو يلغى بلغاه
شي باعو
وشي شراه
ولخور صفطو بالكلب
على قفاه
حيت عرفو طماع جلاه
دنوبو على للي بلاه
لسانو طويل لي قفاه
إلى صاب لفطور
إيدبب لي عشاه
وما داز عليه كلو نساه
قليل النفس
هذا دواه
وللي عرفو اليوم
لغدا سعاه
الضحكة الصفرة
راس مالو
ديما تبعاه

ماننسى حتى نتبورد عليهم شي تبوريدة
هما سبابي في هاذ العيشة المرة وزادو ني تشريدة
هما ثلاثة حميدة و حميدة و حميدة
بالرصيف في فاس فالطريق الجديدة
ما يعتقوا ما يرحموا و لو حتى بفنيدة
لوكان عندي حكمة نقطعلهم يديدة يديدة
و ندقهم حتى نردهم كي سنيدة
و نقددهم ونعلقهم قديدة قديدة
و لا نلطمهم فشي حيط كي شي وكيدة
على ما دارو فييا فالواليد و الوليدة
نعريهم و نكتفهم و نطوفهم من سيدي بوجيدة حتى البليدة
عاد يبرد خاطري و نرتاح مع الاحلام اللذيذة
و حيت نفيق نشوههم في البلاد فشي جريدة
الله ينعلها طبيعة فيهم و ينعلها قاعدة
اللي اخدم معاهم يد بال...

أنا اللي تغريت بأشواقي
شي غادي و شي جاي
الدنيا كاتفرق و تلاقي
كيف الميت كيف الحي
كيف الماء في السواقي
أيا من دراك واش انت باقي
أدير الخير و كثر
سعداتك يا اللي تاقي
بلغ مقصودك و انظر
واخا في الدنيا شاقي
صابر للماجي و اللي فات
و عند ربي شافي

أقلبي
الغني ربي
درهم حلال
و لا حرام و دلالة
النفس القانعة
عارفة آش تسوى
المعقول دراية
عند الحكماء
الرجلة بالثمن
ماشي الفهامة
ما يكسبوها غير الشجعان
و المحسوبية رجالة
و الشماتة عند راسو عايق
و فياقتو مقلو بة
ما حسبليها حيت تعامى
رماتو فبير عامق
و التو بة هي دواها
لبساتو جلاب ندامة
آش ورا الدنيا؟
من غير الجنة و جهنامة
لهلا يحرمنا و يحرمكم
نسلكوا منها بالسلامة

مثلا يا عز الحبايب
أروح لمين
واش حنا فالزرايب
وقتنا وقت ز ين
لكن يا خسارة
جيلو خايب و عايب
يا حسرة ابن ادم الحنين
غارق فنومو هادي سنين
هو حاضر و غايب
كنا فين و ولينا فين
ما زايدين غير فالمصايب
وطننا و بلادنا نقطعوا عليها اليدين
و علاش عايشين فيها كي الربايب
ما كاتجي غير فابن ادم المسكين
و ما الغني بفلوسو جايب
ضربها فالتسعين
عليها قلب الفقير طايب
ما مو فر حتى درهمين
حتى اللي صغير راسو شايب
بالسيف ما قابل ما راضي
حاسبها غابة كلشي فيها سايب

جهلو احسن ما تعرفو
كابر غشاش فصرفو
وشحال من واحد خطفو
العفو على اللي بحالو العفو
عايش عايق مقلي
نصب و نهب وسرق
ودار علاش يولي
و انا غي فكرشي ندلي
هو دغيا زاد القدام
و انا بقيت متلي
ما هاماني جر ية
بغيت غير باش نحللي
الشمس شرقت ومشات
لله يا الدنيا طلي
شوفي حالتي كي ولات
سيري راك تولي
و نيسي الكمرة علات
فاين مامشيت بظلي
قصدي للنجى والتو بة
هداك هو فضلي
ما حارث ما زارع
ماصيبهاش فشلي
بالموت انا متبوع
ما بغيت حرام نخلي

د ير مزيان

أنت حرث وحصد
أربح و تنفع بالجد
يدور العام عليك أترد
فمالك تصرف و تعد
دير الخيرعلاش تقد
هذا ماشي لحسد
انت مدفي و كتزهد
واحد يلمز بالبرد
ماعندو فلوس ما يجبد
جيبو تكمش أجمد
قهرو مسكين البرد
عريان وكيترعد
خاصو المجمر يزند
عاد يسخن و يرقد

العربي كي اجرا ليك
ألمسناك ادبال حالك
اسباب همك شيطانك
الطمع سجنك ولعب بيك
ولغدر ارشق امثالك
اشكون يحميك ويعفيك
ولا إيشارك احزانك
خوك للي خوك
يجبد ليك ألسانك
عللي بعلامك
الله معاك قاتل عديانك
العدو ديرو أوراك
ولا ديرو قدامك
طلب ربي تهزم ظلامك
حتى اتشوف النور فزمانك
وستعين بالله توصل لمقامك
فليسطين والقبلتين
تحكم بحكامك
والقدس قمر ونجوم في اوطانك

فاس يافاس أكثر فيك الدحاس و رشا ليك الساس
فكل سيمنا
كطيح دار
تبان عجوز عريانة
ويلى تعطلت كاع شهر
و تشوف الناس هربانة
لاتيقا فلصوار
آش أنقول أنا
استرنا ياستار
ساكن فعطوش رمانة
الضيق والعيش حار
لاراحة لاهنا
حتى فالديور لكبار
فين المعاو نة
السي المستشار
ولا اكلتنا جيعانا
وما جايبين أخبار

إلاقاريتوا قل وصلتوا
آش من طريق منين دزتوا
اللي تما راه عرفتو
و حتى شي مافلتو
العيب كاين راني شفتو
والصح هانا قلتوا
وللي كاين فجرتو
لولاد الشعب راه نشرتو
تقرير واحد ما بدلتو
عاودت ليهم كي كنتو
سلكتوها و سلكتوا
فين المال اللي بذرتو
والاشغال اللي اجلتوا
الكدوب علينا سهلتوا
آش من عفريت سخرتوا
باش نتيقوكم ونسكتوا