حْلامة خَايْبَة اللهْ يسْترْ

حْلامة خَايْبَة اللهْ يسْترْ

**************
لحْت لَ لْوحْدانيَّة راسِي
وَرْميتُو بْلامَا نَشْعَُر
نْطقْت بَ كْلام مَعْناه قَاسِي
وْقُلْت فْ بالِي صَرتْ نَشْعَرْ
كْبر فَ دْمَاغِِي وَسْواسِي
خَلْتُو عَبْلة وَآنَا عنْتَرْ
مْضَغْت كْلامِي بِينْ ضْراسِي
ضَربَتْنِي لْفِيقَة وْبَان السَّرّْ

**************
المريني ادريس
القصر الكبير بتاريخ : 20 / 12 / 2013

تبارك الله عليك
شفتي غير ملي ضرباتك الفيقة
وبان السر عرف راه
الكلام شد السطر

تبارك الله عليك

لحْت لَ لْوحْدانيَّة راسِي
وَرْميتُو بْلامَا نَشْعَُر

لوحدانية جمرها مايداوى
حارة متخلي طعم حلاوة
جبلها عالي ميوصلو طير حر
ولا تذوب لياليه حبوب الصبر
شكرا على الزجلية الجميلة اخي ادريس وشكرا لردك العطر اختي السعدية
حوارية هذه الزجلة بينكما

» سُبحَان اللهْ
» عْلََى بَابْ اللهْ
» اللهْ يسَهَّل يَاولْد النَّاسْ