09/10/2012
00.45
لميمة ماتت
وظلامت البيوت
شكون غيرك يحن من بين الخوت
كلشي بغى حقوا
كلشي فضح الدنيا بالغوت
مزال ما تدرك وجهك
مزال ما هزوك فالثابوت
فرطو في يا لميمة الخوت
كل واحد على كبالتو يصوط
ولى الخو بعدك يا لميمة ياكل خوه كيف الحوت
يحلف على البهوت
نسينا الوصية
نسينا الموت
نسينا غدا يكون واحد فين الموروت
اليوم فهمت الوصية
فهمت معنى دوك النعوت
هدرتك كانت حكمة
هادي حقيقة ما فيها دوت
الله ياخذ الحق فيك يا الموت
عيات ميمتي توصي فيا
هز راسك..عيق قبل يفوت الفوت
وكلشي يدير فيك لافوت
هانا تعريت يا لميمة
كرموا عليا وريقات التوت
وليت رهينة فيدين هاد الخوت
هزني الما وعافني الحوت
الله ياخذ فيك الحق ما قبلت عليا يا هاد الموت
أحمد
عبد الغني
