جبهة صنطيحة

"الله يبقي الستر..
جبهة صنطيحة
دار جويق وبقا كيزاوك
باش يدبرولو الناس على خديمة .
ولا يتعفر حيت ما شاف خير ما عاش فيه
تحلو عينيه ودار لراسو قيمة
المشية بالغرام والنخوة فالكلام
والتقالة حتى فالسلام
مسكين ما كملشي عام
دازت دغيا كي المنام.
نعس و فاق من الاحلام
و لقى راسو في وسط عرام.
بخصايلو جا بها تمام.
ولا القطيط لرمادو كيف كانت ايامو زمان
قولولي واش عايش بالحلال و لا بالتحزيمة ؟
حالتو ماهي حالة ولى لعادتو القديمة
يلا شفتيه يعز عليك البردعة على ظهرو كي البهيمة.
خاصو غير الشواري و الشكيمة
ما بقى عندو لا نخوة ولا تبسيمة
والكليمات اللي حافظ ياك جابهم غير من عند لالة حليمة ."