درب الفوضة

"‏درب الفوضة
. والحارة محفوضة
.ما احنا غير تراب الروضة.
شي عاطيها لي ازديح وتقليد الموضة
.وشي جابد فالصح وشاد فاللي مفروضة
. هدا طاح طيحة وحدة
.وهدا تعكل فالنوضة
.وراه الدنيا ماسوياش حتى جنحين باعوضة‏"

"‏"الزاز والعفر قاتلك ا بوشتة.
ما كتطلع شمس وما كا تطيح اشتا.
بحالك ا بحال شي خونتة.
وانت غير هيات كتهيت فالهو تة.
كتغني كلمة بايتة.
ما انت ملحن ما انت شاعر وشخصيتك امزعتة.
غير كتقلد اوكتلوز افركنة امقنتة.
و يلا كذبتني ها انت ضربها ابسلتة.
واجي على بغتى.
انسولوا حادة ونزيدوا اختا.
ما يسمعليك غير اللي ودنو امزفتى.
أستر عيبك وحشم ابوشتة.

أش عندك ما اتبيع فالدوار يا لعطار.
ولا جاي تدي لخبار .
الله أكبر.
إيمارت الدار على باب الدار.
أنت تمتم وانا نفهم.
زيد شمشم واعرف أشنو تم .
واخا أتقمقم وتزطم .
ما فيه ما اتمشش راه غير أعظم .
إوى صوك الكدار وتبعو فين أما دار.
ما أبغينا لا اسواك ولا عكار.
أبغينا غير أتقار واحترام لوكار .‏

أدفنت ألصحبة ولات عندي عيب .
أش من صحبا أليوم واش من أربح أتجيب.
وإلا أبغا أيصحبك غير على حاجتو وعليها إولي ديب .
كيف يقضيها في ساعتو إيغيب.
والله ما ايعرفك ولا خير فيه أتصيب.
لامن أبعيد ولا من أقريب .
ايلا فيك ألمرقة يخوي ليك ألجيب
و يستغلك إوا راك أحبيب .
وإلا ما فيك مرقة ما تسمع من عندو غير أنديب .
و يبغي فيك ألخدمة أو يقلب ليك على ألخريب .
اقل ما تسمع منو ايقول ليك بعد مني أنا عليك أصعيب .

"‏لهلا يصبغنا وجوه كيف البارح كيف اليوم ...محبتنا هي هي.. ماينفعنا غير المعقول والديمقراطية والحرية... ها انتما بعينيكم شفتوا وسمعتو رعد و برق صريح فالمشرق واعطا نغمة قو ية.. اتخلط العدو والصديق و ترونت المسرحية.احنا فالمغرب ا نحمدوا ربي والله يرحم والدينا اللي جابوا ليناالاستقلال ونصروا الملكية...والله يهدينا على بعضنا ونعيشوا عيشة هنية....كيف اللي عندو كيف اللي ما عندوش والله ايشافينا من الاستبداد والفساد والمحسو بية ...ماتصيبش ابحال المغرب وسولو الناس اللي عايشين أفدول أجنبية..عيشتهم اغلات والماكلةعندهم غير بالوقية