اللي فينا يكفينا

اللي فينا يكفينا
شدلي نقطعلك آش قضينا
تقهرنا وتحرمنا
بالدموع بكينا
ايام القمع و القهر
وما قاصينا
والتاريخ شاهد عليهم وعلينا
.الخبز يابس كلينا
وبالحفى مشينا
.وعلى الشمع قرينا.
وشكون شافها لينا
.شحال باعوا و شراو فينا
. عليهم ما قدينا
.وعلى الرشاوي ساروا
.وبناو وعلاو
.وداروا غزاوة.
وعلى برا اولادهم قراو
.طاروا علينا وعلاو.
وهوما اللي فهموا ووعاو
حنا عندهم كاع ما نسواو
.كلاو حقوقنا.وسامحين فينا.
بغاونا ننساو. ونقولوا عاد ابدينا."

"""الله ايفيقنا بعيو بنا.. ارضينا بالهم ما ارضى بينا ...بيتناه عند راسنا اصبح عند رجلينا...انسى كيف كونا وكي ولينا.. فين النضال وعشرتنا.. ادفنها ابحال عمرو ما ا تعرفنا ..الولد مولود والصاحب مفقود.. اخصايلو غير أديال شي أعمود... وكلو وشربو حتى تعطيه لعصا عاد يمشي امعاك كود... ما رعى لي النضال ما رعى لطعام ...ما ينساوا الخير غير اولاد الحرام.. الفاهم يفهم.. ولي انكر يندم واللي يستهل راه تم واللي ما يستهل باغي صحى يوصل ...والله ينعل اللي ما يحشم ......."""

امصاب لي شي حجة .هدا ما كنترجا. أو ما بنادم فاش جا. اللي ابغاتو اعطاتو .وللي كرهاتو عوجا . ياك الدنيا غير دخلا وخرجا. ما يبقافيهاغير الزمان والحجا.شهدت وحطيت راسي عل لمخدا.واضربتها بيمدا. اتفكرت يوم الشدا. اش المعمول غدا. ولا بدا .احصلت بالقعدة .وجريت نتوضى .صليت جوج ركعت بعد. ونتمنى انصليهم فاجدة .اااااااااااااااااااااااامين يارب العالمين وعاد ارتحيت وضربتها بيرقدة ......""

ارخي داتك ولا اتعصب
. عاشق ولا معشوق
.القلب كبير ولكبير هو رب.
عالي وعالم اشنو فيه.
إللي دار الخير يلقاه ولي دار الشر بدنبو
. قلت النية والنية ماكيتلقاوش.
ويلا شفت جوج متعاشرين اعرف الدرك على واحد
.
الصبر لمن اعطاه الله
.العيب اقربب وساهل عند الجاهل
. وهل العقول فالراحة قالوا اسيادنا.
دير الخير وانساه
دبا ايجي الوقت فين اتصيبو
.و وبارد القلب نقي ليه ودنيه
و صيفطو إشاور اطبيبو
.واش المحبة خاظر
ولابالسيف إيجيبو......؟

"‏الرابح من لمرا. ولخاسر من لمرا . الله يعطينا من صبرا .هي اشغل فالدار وبرا .هي تكسب واتربي هي توكل وتشرب هي تحلب البقرا .هي اتعلم وتقري هي اتبيع اوتشري هي اركيزة والشجرا. الرجل من غير امرا كي الدوما فالمقبرا .خود معنى وهدرا وحسنوا عونو اللي جات فيه الخاسرا.....‏"

ردونا لولاد افرارج .الشعر أعجو با والسروال امقطع أعلا لمعارج. لكمام واحد داخل واحد خارج. من لبعيد بان لي كي بلارج .دورو ما عندوش وهو فاباب اللسي هارج .لاتربييا لاأخلاق أش هدشي عندنا رايج .الحيرى فالدهنا امشخطنا ومعفنا . الله ايجيب اللي يفهمناو ينصحنا.خلينا تقليد اجدود نا وتبعنا التقليد خامج."‏"

"‏...الى كترنا فالتخمام غادي أنحيروا....ولا أنطيروا.. و اش هكذا غادي نبقاو.؟.....غير من ز يرو لي ز يرو .... مصاب ربي يحن على فقيرو....وتشوفوا الفلوس وما إيديروا ....كاع ما قاري ودار بيرو .... فيها شي حاجة ...أنقوليكم أعلاش ...حيت كبير الحوت أكلا صغيرو .....و لفلوس من عرق أكتافنا إ يطيروا... بيهم أطغا الطاغي و نكر خيرو.. نعل الله المفسدين وما عندهم فين إيسيروا‏"

محنة تابعة محنة .....ما ابقا لينا غير المهرجانات والغنى..... وقيلا اخرجنا على الخط اتلفنا.. غير الله يستر كلشي غادي يكرهنا ....ما اتغير والو مازالين كيف كنا... غير هداك امشا وهذا جا واحنا اشنو شفنا...المحسو بية والاستبداد عاد اهنا ...الفساد مزال افكل ركنا ...الرشوة لسقى فاضهرنا ....الله يهدينا ويصلحنا ويجيب اللي يفهمنا.... نتمناو ا بلادنا تعيش في الهناء....احنا خوت وأولاد ألعم بصح أطمع هو اللي اهلكنا و فرقنا......‏"

الفاضل بوجمعة

كلماتك هذه تعبير وتصوير لحقائق معيشة اصبحت تكتسح العالم باسره ملم تعد حكرا او حصرا على مجتمع دون غيره

بارك الله فيك على هذه الحكم المتفجرة على صفحة المتدى

تقبل تحياتي