الزوجة النكدية :محمد صادق

"""""""""""""""
بتصلى،وبتصوم
وبتحرق دم المرحوم
الزوجة الحلوه النكدية
طبعها فقرى
وتعكنن
ساعة م تحط الطبلية
:
الزوجة الحلوه النكدية
ف الطالع والنازل
عَمَّال على بَطَّال
بتجادل
ولسانها الزالف يطَّاوِل
وعشان العشرة
أصبُر دايماً،وأحايل
وأقول معلهش،وأحاول
واستنى لبكرة
ويمكن
..!
ألاقِيها،تزوِّد ف عنادها
وتزمجر،وتزرجن.
والصوت العالى يزيد
وبينذر بوعيد
أحياناً،يعمل أكشن.
:
أدخل بيتى،ومِسْتَنِّى
تيجى ف مرَّة تقابلنى
..نظرة من عينها بتقتلنى
سكاكين بتقطَّع ف حشايا
وسنين،وأنا كاتم صوتى جُوَّايا
قلبى بينزف لبُكايا
ماهو أصله اللى شاركنى
ف أفكارى
وعمره مافكَّر يخالفنى
::
الزوجة الحلوة النكدية
غلطانه ،وتفضل تِأوحنى.
وكلامها بيفضل يجرحنى.
،،،
ولا مرَّة تنسى،وتيجى
غلطانه،حبيبى
ياسلام لو تقدر تسامحنى.
:
الزوجه الحلوه الأموره
نسيت حلاوتها
وحلاوة، النظرة،وجمال الصورة
وافتكرت
بس الماما،والبابا
وكمان عمِّتها،وخالتها
غَمَّها حاضر
يتسجِّل ف محاضر
لكن نِسْيِتْ بسمتها،وضحكتها.
نسيت كسفتها،وخجلتها
.......وخدودها،ووردتها
.....وعيون الحور
نسيت لفتتها..
::
الزوجة الحلوة الأمورة

محمد صادق

تصوير صادق وحقيقي للزوجة النكدية .وبطريقة هزلية تلك قمة الإبداع .
شكرا لك على الموضوع

[ندعوك للتسجيل في المنتدى أو التعريف بنفسك لمعاينة هذا الرابط]

انتقاء جميل
شكرا جزيلا لك على هذا التقاسم الراااائع و الممتع
لا تحرمنا من جديدك المتميز
تقديري
***********************

شكرا لك على الموضوع