فين زهري أنا

ماعندي زهر
نديرها بيضة
تولي كحلة
بقيت خلا
العيشة حارة دفلة
المصوار قليل
وتمارة فيا قتلا
نعاسي نعاس نملة
وحسادي كثروا جملة
أنا عييت وتقاضيت
مصاب غير ساعة نستحلا
ونعيش ما عاشوا شلا
حتى أنا نضحك ونلعب
وما على حد نتفلا
هذا حال الدنيا ومواليها
آش ربحت منها وبلي فيها
واحد ساطب الخير ورخى
واحد قاهرو مسكين لغلا
وشي بالحرام بنى وعلا
وشي على درهم يتقلا
قلت الشي باش تبلا
دنوب شي فشي
ومولانا يتولى

شكرا قصيدة جميلة تصلح لان تكون اغنية