احنا موالين الفضيلة

الكثير فينا
مشلل تشليلة
واعرين غير فالطبيل
على الطبيلة
مروبلينا تروبيلة
كيف الحوت
كايقليونا فمقيلة
ورثونا الشطيح و الرديح
و الفوضة فكل ليلة
حيث يدهم علينا طويلة
بلا غربال غربلونا تغربيلة
كي الطحين و لا الرميلة
كلشي عندهم بالحيلة
سياستهم ديموقراطية و ثقيلة
حسابهم مدقق و بالفصيلة
ياك هوما اللي صنعوا الصاروخ
و الطيارة و الطوموبيلة
ساهلة يشعلو
بيناتنا الفتيلة
يحرقوا دولة أو قبيلة
أفكارهم ناجحة ونميلة
درسوها لينا فالسكويلة
يا حصراه حنا موالين الفضيلة
لمخير فينا
مايسواش عندهم بصيلة
حيت هما كيبحتو فالعلم
وحنا يالله نديرو حفيلة

شكرا لك