دستور باطل

يا شمس النهار خايفه ليه
تعالى دفى حياتنا
لسه الأمل موجود
نحلم ببكره
لسه بكره فيه شبابى
ما تخافى من دستور
ولا حاكم يهمك
ولا حريه وعداله
ولا حزب حاكم
طول ما معانا الحق
احنا أقوى
ما نخاف الخوف
ولا نرضى المهانا
لا الذل يجعلنا نرضخ
ولا الكرباج ينفع معانا
يا شمس النهار عدى علينا
فاتحين قلوبنا وعقلنا وإيدينا
دستور يا أسيادنا
فرض الفوضى علينا
خلا دمانا هانت علينا
مات من الشعب المناضل
فتنه وفرضوها علينا
فين ديمقراطيه بلادنا
عصر مبارك ولى
ولا عصر الإخوان
إنفرض علينا
حزب وطنى جديد
ومليشيات عسكريه
وحازمون للتبعيه
ومحاصرة الدستوريه
وخيام امام الاتحاديه
ومدينه إنتاج اعلامى
محصراها السلفيه
وعجول بتندبح كأنها وسيه
وميدان التحرير
رمز الثوره الابيه
نايم جواه البلطجيه
ومرشد حاكم بأمره
وكأنك يا مصر وسيه
حزين عليكِ يا بلدى
الأه بتشق صدرى
سكاكين بتقطع فى قلبى
خايف تتغير ملامحك
وتضيع معاكِ الهويه
دستور فرق ولادك
خلا الدم سايل
والموت اصبح قضيه
مين مسؤول يا بلدى
عن الفوضى والبلطجيه
مين بأديه ينهى العبوديه
رسولنا قال
كلكم راع وكلكم مسؤول
عن الرعيه
الإسلام دين سماحه ووسطيه
ثورتنا على الظلم والعبوديه
حررنا بدماء شبابنا الحريه
رسمنا للوطن طريق المنهجيه
اختارك شعب طيب
رافض للواسطه والمحسوبيه
يحلم بالرفاهيه
حلم يعيش زى باقى شعوب البشريه
ودوله العدل تحترم الأدميه
مصر مش تكيه
ولا عزبه للإخوان والسلفيه
مصر عربيه
مشروع النهضه فين
كدبه ملهاش رجلين
فجأه وبدون مبرر
سقط حلم الحريه
يا بلادى يا حته منى
عمرك ما تغيبى عنى
ولا جبهه أنقاذ وطنى
ولا مصالحه وطنيه
قادره تعيد شبابك
وترجع مصر قويه
القضيه فينا إحنا
نسينا كلمه وطن جريح
وطن بينادى
محتاج كل الأيادى
يا من بأيديكم سقط الظلم
وأشرقت شمس بلادى
ورا القضبان حبسناهم
وارتاح فؤادى
ماعدش فيه كلام يتغنى
زمن الكلام راح وولى
سجن طره شاهد عليهم
مصر اكبر من بديع
ومن حزب حاكم
بقلمى / سيد منيرعطيه

سلمت يداك يا أخي الفاضل ...
مصر كانت صامدة وستظل صامدة ...بل وشامخة كيف ما كان الدستور ..مصر الجدار الصامت الذي يقاوم الأعاصير ويتحداها برجالها ......مصر بعظماءها ..ودراويشها ..