26/11/2012
07H17
الصبر ما يخلي حد عليك يتنقر
الصبر ما يخليك تتقهر
كون كلشي يصبر
ما يكون فالمدينة غدر
حتى حد ما يضر
الصبر يا ناس عبادة
ديرو تحت راسك وسادة
الصبر يا ناس عبادة
واللي يصبرديما زايد فزيادة
ما يهمو لا ما دار هداك ولا ما دار هدا
مع كلشي يبقى مزيان عمرو ما يتعادى
الصبار ديما غالب بجهد الله
بل سيوف بلا فرادى
إيوة صبروا يا لخوت لا تقولوا الصبر تقاضى
الصبر باقي شجرتو ديما ولادة
اصبر يتحل ليك باب السعادة
اصبر أو وجد راه الدنيا غادا
الصبار ليه الله
ويوم الدين من بين العباد
هو الأول يتنادى
سعدات من صبر
يا ناس خودوا مني هاد الإفادة
أحمد عبد الغني
