شد لحزام

إييه شد لحزام وزيد القدام
شي يركب فالزحام
أوشي افطومو بيلتو أمنغام
أوشي غادي امبرع فالستيام
أوشي أعطاتو وشي ازواتو
و هكذا ابغات الايام
واحد باغي غير دورو احلال
واحد غارق فالحرام
وشي ساكت على ما فيه
وشي امصدع الناس بالكلام
واحد يزجل ويبدع و يفكر
واحد يتسارى على النظام
وشي امفطح فاسكنتو وفيلاتو
وشي محروق بالشمس تحت لخيام
اشكون اداها فيه
احياتو كلهااظلام
واحد عايش افخربا ابغاوها اتريب اعليه
كذبوا اعليه هذي عام
خاصهوم بيه باولادواإيجبو ا ليه اتمام
الموبرير عندهم ساهل
مكتاب امقدر والسلام
وشد لحزام وزيد القدام
إمت هذا الشعب إيفيق من الاحلام
إمت داري أترمم واسمايا ما يبقى فيها اغيام