دعوة للفرح

تمنيت نمحي الهم على كل الأحباب
ونبني ليكم قصور محبة ماتخيب
ناخذ من افراحي ونفتح ليكم بـاب
ونهدي ليكم من البسمة ما يطيب
****
ونضحَّك اللي ما ضحك ونلبسو لباس
ونعطيكم من فرحتي مليون ونزيد
نصيح بصوت عالي ونقول يا ناس
المحبة ليكم نشريها بالمال العتيد
****
نبغي نشوف الفرحة فعيون الناس
أما الحزن والألم حطوه في بيتي
راه الضحكة تسعد أجناس وأجناس
نفرح معاكم ونطوي الأحزان بإيدي
****
ضحكوا وانساو الألام وانساو الياس
الدموع هم،والفرحة عرسي وعيدي
مادام أنا معاكم لا تحسبوا حساب
ناخذ من فرحي ليكم وننسى مواعيدي
****
قولوا معايا
الله يجعل الفرح لعامة الناس طريق
ويجعل الفرح يبقى عيدكم وعيدي

*******************حميد 20/10/2010

شكرا لك أخي على هذه الدعوة للفرح ..وشكرا على ما نسج خيالك وكلماتك

جميل ما تنسجه انامل ااخوناحميد
تبارك الله ماشاء الله

شكرا السي حمان على المرور الكريم يا أهل الكرم

شكرا وبارك الله فيك
نظم رائع

هي دعوة من اجمل الدعوات وامنيات صادقة منبعثة من روح تطبعها سمة الطيبة

تقبل كل الود

مشكور حميد على هذه الدعوة الزجلية