محاربة الرشوة

"عفا الله عمى سلف ولا تحلا ل لمعاودا
وراق ياربي أوزيد وراق
انت اللي بينا ترفق...
الراس اعمر والقلب غادي يطرطق ...
.ما ابقا ما يتلبق ولا يتضرق ....
ابغينا يتحاكم اللي افمال الشعب اسرق ....
وشحال من واحد مسكين بالباطل اغرق...
ياك لمصنت ابعقلو ولمعاود احمق....
عيتو نا غير بالكدوب لمبرق....
القرعة طاحت والزيت ابقا امعلق...
أنت ياربي اللي تخلق وترزق وتفراق...
ياك الحق اعلى والباطل ازهق....
والظلم فينا بالعلالي كيسحق...
إو شوف لمن كتصدق ....
اللي ما فاقلبو رحمة وعلينا ما يشفق....

واش انا كنهضر ولا غير كنخربق؟؟

قال لينا نتضامنوا امعاه باش هو يتبرء ويبقى ديما فينا إيمراق..
.أنا باري من اللي اعليه ايحن وفكلامو ايصدق...
أدنوب شي أفشي هو أشحال خلا من واحد يبكي ويشهق ....
أوما زال زايد فيه واش ما صابش اللي اعليه يشنق...
و يزيدو لي العدالة تأخد لينا فيه الحق..."

""واش مول عين وحدة كيلعب فاتبن....
الفن مات واتدفن ....
ماابقا غير ادن دن...
ما اتعمر كرش مااتشبع اودن....
الله يرحمهم التالي فيهم كان متمكن ....
يعزف ويغني ويلحن...
وفن اليوم مكاين غير اوزن وكفن واعطي اطرن اطرن ...
وإلا اسمعتيه كيغني اتقول أحمارحاشاكم ولا جن ....
ما كاين غير شن اطن ....
واش هدا اغنى ولا اعفن.....
(قالوا اسيادنا الاولى هدا زمان لمصادفة الحمير كتبورد والخيل واقفة).
واللي ابغى الوناسة هو الملحون....
الكلام النقي بالحروف موزون...
المساري اجميع المدون...
.من تارودانت لمراكش من الصويرة لمكناس وفي فاس مدفون...
الله يرحم لشياخ ماخاب لينا فيهم مظنون...
آش عندك ما أتقول فهاذ الشي أكحل لعيون.......؟؟؟"
أعجبني ·