قصيدة زجلية تحت عنوان " شربت من راس الواد"

شربت من راس الواد / قلت سعدي جاني
ساعة همّي زاد / وبقيت آه وحداني
عدت كالغريب بلا وتاد/ لي فيَّا ما هنَّاني
توحشَّت نرجع للبلاد/ والهول هزّني ودَّاني
أومنّي سال دمعي هوَّاد/ ريح الهوى لبعيد رماني
بغيت ننسى جرحي من الفؤاد/ ولا النسيان في يوم برَّاني
علاش يا غصَّة خليتيني في سواد؟/ علاش سكنت قلبي بك أنا نعاني؟
علاش يا فرقة تفرَّزت مابين العواد/ خلّيتي في قلبي حرقة مشعّلة نيراني؟
لوكان بسبابك نشقى وأنا في بعاد/ نتحمَّل شلَّى دقَّات صابر لزماني.
من ديوان " الكلام الرباعي" محمد لعصايب