وحْدي فرَّادي

وحْدي فرَّادي

***********

گالَسْ وحْدي فرَّادي

قْبالْتي كَاسي وْبرَّادي

ولْكاسْ عامَر بالدَّكَّة

كُلّْ جَبْدَة عْليهْ نتَّكَّا

نْلاَغِي عْلَى لْحرْف ونَّادِي

نْجَرُّو منْ وسْط افَّادِي

كلّْ مرة يْجِيلِي فْ لُون

مرَّة بَ الزِّين مَفْتُون

وْمَرّة بْ لَهْجَا مَذْهُون

تَارَة يْجِينِي مسيَّسْ

يْقُولِّي ضْرب وْقيَّسْ

وْتَارَة يْجيِنِي مْغيَّسْ

جَافَل وحْدُو وَمْتيَّسْ

يْخَلِّيني فيهْ حَيْرانْ

حَالّْ عْيُوني شَذْهَانْ

آشْمَن خَانَة نْصَنْفُو

وْلاياشْ غَادِي نْوظّْفُو

عْلَى كلِّ حَالْ يَاسْيَادِي

دْعِيوْلِي نَبْلَغ مُورَادِي

قْبلْ مايتْقاضَا زَادِي

ويْجَفّْ حَبْري وَمْدَادِي

وَيْنَادِينِي لْمُونَادِي

*************

المريني ادريس

القصر الكبير بتاريخ : 10 / 02 / 2014

الفرادي لي ماجبر غير كاسو والله حتى سعدلتو
كم هو جميل هذا النص الزجلي سي ادريس لهلا يخطيك علينا